Մասնակից:Liana 2006/Ավազարկղ5

Մկների հիմարություններ (անգլ.՝ Mice Follies), 1954 թվականի սեպտեմբերի 4-ին թողարկած «Թոմն ու Ջերին» մուլտֆիլմի 85-րդ դրվագը: Սերիալի հիմնական երաժշտական ստեղծագործությունը Պյոտր Չայկովսկու «Քնած գեղեցկուհի» վալսն է:

Սյուժե[խմբագրել | խմբագրել կոդը]

Ջերին և Նիբբլսը խոհանոցը ողողել էին ջրով և սահադաշտի համար պայմաններ ստեղծել: Նրանք չմուշկներով սահում էին սառույցի վրա, մինչև Թոմը արթնացավ և տեսավ նրանց: Այդ պահին Նիբբլսը քաշեց Թոմի բեղերը, ինչի համար Թոմը բռնեց նրան գորգի միջոցով: Թոմը սկսեց հետապնդել մկներին, բայց սառույցի վրա ճարպկություն չունենալու պատճառով նա բախվեց պահարանին, որտեղ գտավ մի զույգ սառցե չմուշկներ: Դա օգնեց Թոմին արագացնել և պահպանել հավասարակշռությունը սառույցի վրա, թեև նա դեռ շարունակում էր խրվել կահույքին, որի արդյունքում ընկավ նկուղ^[1]:

Թոմը դուրս եկավ նկուղից և շարունակեց իր փորձերը՝ բռնելու մկներին։ Ճիշտ այն պահին, երբ կատուն քիչ էր մնում բռներ Ջերիին, Նիբբլսը հալեցրեց սառույցը, ինչի հետևանքով Թոմը ընկավ և թրջվեց: Ջերին բարձրացավ ավելի բարձր տեղ, բայց Թոմը գտավ նրան և սկսեց ջուր շաղ տալ: Այդ պահին Նիբբլսը միացրեց սառնարանի արագ սառեցման կոճակը և սառեցրեց թե՛ հատակը, թե՛ թաց Թոմին, որը վերածվեց սառցե արձանի: Դրանից հետո մկները շարունակեցին զվարճանալ սառույցի վրա, կտրուկ շրջադարձներով պտտվել սառցե կատվի շուրջը, որը կարող էր միայն պտտել աչքերը և նայել^[2]:

Վարկանիշներ[խմբագրել | խմբագրել կոդը]

Հետազոտող Մայքլ Սամերդիկի կարծիքով՝ «Թոմ և Ջերի» սերիալում դասական երաժշտության կիրառումը այս դեպքում հասել է նրբագեղ գագաթնակետին: Նախորդ տարիների «Կատուների համերգ» և «Յոհան մկնիկը» սերիալից հետո «Մկների հիմարությունները» ցույց է տալիս այս մուլտֆիլմում ստեղծված հմայիչ պատկերների կատարյալ համադրությունը Պյոտր Չայկովսկու ռոմանտիկ երաժշտության ներքո: Նրա կարծիքով՝ այս սերիալներում Ուիլյամ Հաննան և Ջոզեֆ Բարբերան իրենց կարողությունները լավագույնս են դրսևորել։ Հետագա տարիների շարքն այնքան էլ լավը չէր^[3]: