Մասնակից:Gevorg Ghazaryan/Տերեսա Ռյերա
Gevorg Ghazaryan/Տերեսա Ռյերա | |
Տերեսա Ռյերա Մադուրել (իսպ.՝ Teresa Riera Madurell, ), իսպանացի պետական և քաղաքական գործիչ, գիտնական, Իսպանական սոցիալիստական բանվորական կուսակցության անդամ: 2004 թվականից Եվրոպխորհրդարանի պատգամավոր[1]:
Կենսագրություն[խմբագրել | խմբագրել կոդը]
Տերեսա Ռյերան մաթեմատիկա է ուսանել Բարսելոնայի համալսարանում, որից հետո աշխատել է Կատալոնիայի պոլիտեխնիկական համալսարանում և 1981 թվականին ստացել է գիտական աստիճան: Կալիֆոռնիայի համալսարանում գիտական ստաժավորումից հետո Կատալոնիայի պոլիտեխնիկական համալսարանում ստացել է դոցենտի կոչում։ 1988 թվականին Բալեարյան համալսարանում ստացել է ինֆորմատիկայի և արհեստական բանականության պրոֆեսորի պաշտոն, որտեղ 1991-1994 թվականներին աշխատել է ռեկտորի տեղակալի պաշտոնում և ղեկավարել է գենդերային հետազոտությունների ամառային դպրոցը:
1978 թվականից անդամակցել է Կատալոնիայի սոցիալիստների կուսակցությանը։ Տեղափոխվելով Բալեարյան կղզիներ՝ Իսպանիայի սոցիալիստական բանվորական կուսակցության տարածաշրջանային բաժանմունքում պատասխանատուն է եղել հաղորդակցության ու իրավահավասարությանը վերաբերող հարցերին։ 1989 թվականից եղել է Բալեարյան շրջանային խորհրդարանի պատգամավոր։ 1994 թվականին Ռյերա Մադուրելը գլխավորել Է Իսպանիայի սոցիալիստական բանվորական կուսակցության Բալեարյան բաժանմունքը և դարձել տեղական կառավարության անդամ:
1996 թվականին Տերեսա Ռյերան անցել է Իսպանիայի պատգամավորների կոնգրես։ Նա Իսպանիայի խորհրդարանի ստորին պալատում աշխատել է մինչև 2004 թվականը: 2000 թվականից Ռյերան անդամակցել է ՆԱՏՕ-ի խորհրդարանական վեհաժողովի կազմին:
2004 և 2009 թվականներին ընտրվել է Եվրախորհրդարան։ Մտնում է է սոցիալ-դեմոկրատական խմբակցության կազմի մեջ և հանդիսանում արդյունաբերության, հետազոտությունների և էներգետիկայի կոմիտեի անդամ:
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Тереса Рьера на сайте Конгресса депутатов Испании (իսպ.)
- Тереса Рьера на сайте Европейского парламента (անգլ.)
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Gevorg Ghazaryan/Տերեսա Ռյերա կատեգորիայում։ |
Կատեգորիա:Իսպանացի քաղաքական գործիչներ
Կատեգորիա:Կատալոնացի քաղաքական գործիչներ
Կատեգորիա:20-րդ դարի կին քաղաքական գործիչներ
Կատեգորիա:21-րդ դարի կին քաղաքական գործիչներ
Կատեգորիա:Իսպանացի գիտնականներ
Կատեգորիա:Կին գիտնականներ
Կատեգորիա:20-րդ դարի գիտնականներ
Կատեգորիա:21-րդ դարի գիտնականներ
Կատեգորիա:Իսպանիայի պետական գործիչներ