Մասնակից:ElizHayk/Ավազարկղ
«Ջավախքին աջակցություն» հիմնադրամը (2013թ., դեկտեմբեր, Երևան) հիմնադրվել է Վրաստանի Սամցխե-Ջավախք և Քվեմո Քարթլի նահանգների հայության տնտեսական, կրթամշակութային, երիտասարդական կյանքի բարելավման նպատակով ծնունդով Ջավախքից մի շարք գործարարների և մտավորականների՝ գեներալ-գնդապետ Գուրգեն Դալիբալթայանի (1926-2015 թթ.), Վիրահայոց թեմի առաջնորդ Վազգեն եպիսկոպոս Միրզախանյանի, «Հայք Ավիա» ավիաընկերության նախագահ Սեյրան Վանցյանի, ՀՀ ԳԱԱ պատմության ինստիտուտի տնօրեն, ակադմիկոս Աշոտ Մելքոնյանի, հրապարակախոս, դրամատուրգ, արձակագիր Կարինե Խոդիկյանի, «Կարին» ավանդական երգի-պարի համույթի հիմնադիր-ղեկավար Գագիկ Գինոսյանի և ՀՀ ժողովրդական արտիստ, կինոռեժիսոր Հարություն Խաչատրյանի կողմից: «Ջավախքին աջակցություն» հիմնադրամը (ՋԱՀ) ապաքաղաքական, շահույթ չհետապնդող կառույց է[1] [2] [3] [4]:
Հոգաբարձուների խորհուրդ[խմբագրել | խմբագրել կոդը]
- Սոս Սահակյան
- Արմեն Մկոյան
- Սեյրան Վանցյան
- Արման Սահակյան
- Համլետ Շահբեկյան
- Պարույր Պալյան
- Վաղարշակ Մեյրոյան
- Հովհաննես Մութաֆյան
- Կարինե Խոդիկյան
- Աշոտ Մելքոնյան
- Հովհաննես Հովհաննիսյան
- Գագիկ Վարդերեսյան
- Գարեգին Խումարյան
- Քաջավան Նուրիջանյան
- Հայր Գէորգ վրդ. Սարգսեան
Ծրագրեր[խմբագրել | խմբագրել կոդը]
Հետամուտ լինելով Սամցխե-Ջավախք և Քվեմո Քարթլի նահանգների հայության հասարակական կյանքի տարբեր ոլորտների զարգացմանը` ՋԱՀ-ի աջակցությամբ կամ անմիջական նախաձեռնությամբ իրականացվում են տարաբնույթ միջոցառումներ և մի շարք ծրագրեր՝ բազմազավակ ընտանիքներին դրամական պարգևների տրամադրում, «Արմաթ» ինժեներական լաբորատորիաների բացում [5] [6], մշակութային հաստատությունների հիմնում, ցուցահանդեսների, ճամբարների, շնորհանդեսների, բարեգործական համերգների [7], ավանդական հանդիսույթների[8], համաժողովների և երիտասարդական միջոցառումների կազմակերպում, աջակցություն հուշակոթողների բացման արարողություններին, գրքերի հրատարակում, հեռուստառադիոհաղորդաշարերի պատրաստում և այլն։
Պատմություն[խմբագրել | խմբագրել կոդը]
2015 թվականի սկզբին ինստիտուցիոնալ զարգացման ծրագրի (ներառյալ սեմինարներ և ռազմավարական պլանավորման դասընթացներ) արդյունքում մշակվեցին և սահմանվեցին ՋԱՀ-ի տեսլականը, առաքելությունը և ռազմավարական ուղղությունները: Տեսլականն է` կյանքի բարձր որակ ունեցող, ազգային ինքնության հաստատուն հիմքերով և համախմբված Ջավախք: Առաքելությունն է՝ նպաստել Վրաստանի Սամցխե-Ջավախք և Քվեմո Քարթլի նահանգների հայության հասարակական կյանքի տարբեր ոլորտների զարգացմանը և հայ-վրացական համագործակցությանը: Ռազմավարական ուղղություններ՝
- Վրաստանի Սամցխե-Ջավախք և Քվեմո Քարթլի նահանգների հայության հասարակական կյանքի տարբեր ոլորտների զարգացում (զարգացման ծրագրերի մշակում և իրականացում հետևյալ ոլորտներում՝ սոցիալական, տնտեսական, առողջապահական, գիտական, կրթամշակութային և տեղեկատվական տեխնոլոգիաների, սպորտի, երիտասարդության, իրավական, տեղեկատվական):
- Ջավախահայության համախմբմանն ուղղված գործունեություն (գաղափարաքարոզչական քայլեր՝ համաժողովներ, հավաքներ (համայնքային, տեղային, համընդհանուր), դրամահավաքներ, անհատական հանդիպումներ):
- Հայ-վրացական համագործակցությանն ուղղված գործունեություն (հայկական և վրացական (հանրապետական, նահանգային, մարզային, տեղական) իշխանությունների հետ պարբերական հանդիպումներ, այդ թվում նաև Հայաստանում Վրաստանի դեսպանատան հետ հարաբերությունների սերտացում, մասնակցություն հայ-վրացական համատեղ պարբերական միջոցառումներին):
Հավաստագրեր և շնորհակալագրեր[խմբագրել | խմբագրել կոդը]
- ՀՀ սպորտի և երիտասարդության հարցերի նախարարությունը ՋԱՀ-ին պարգևատրել է պատվոգրով առ այն, որ «Երիտասարդական մրցանակաբաշխություն-2015» մրցույթի արդյունքում ճանաչվել է cragrer.am առցանց դրամաշնորհային համակարգի մեկնարկային ծրագիր իրականացրած լավագույն երիտասարդական հասարակական կազմակերպություն:
- «Հովիկ Խաչատրյան» բորեգործական հասարակական կազմակերպության կողմից ՋԱՀ-ին շնորհակալագիր է տրվել առ այն, որ աջակցել է «Հրաշամանուկ» մրցույթ փառատոնին[9]:
Ծանոթագրություններ[խմբագրել | խմբագրել կոդը]
- ↑ «Հայապահպանության խնդիրն առաջնային է․ «Ջիվանական և տերյանական օրեր» Ջավախքում». lurer.com. Վերցված է 2019-03-20-ին.
- ↑ «ՀՀ սփյուռքի նախարարն ընդունեց «Ջավախքին աջակցություն» հիմնադրամի հոգաբարձուներին». armenpress.am.
- ↑ ««Ջավախքին աջակցություն» հիմնադրամը համախմբեց Պերմի հայ համայնքը». javakhkmedia.com.
- ↑ «Ջավախքում բացվեց 3-րդ Արմաթը՝ «Դամալայի օր» տոնախմբության շրջանակներում». aysor.am.
- ↑ «Ջավախքի Հեշտիա գյուղում ԱրՄաթ ինժեներական լաբորատորիա է բացվել». armenpress.am.
- ↑ «Ջավախքում բացվել է 3-րդ «Արմաթ»-ը «Դամալայի օր» տոնախմբության շրջանակներում». armenpress.am.
- ↑ «Բարեգործական ճաշկերույթ` նվիրված Ջիվանու 170-ամյակին». slaq.am. Վերցված է 2019-03-20-ին.
- ↑ «Ջիվանու և տերյանական օրեր Ջավախքում». hetq.am.
- ↑ «Տաղանդավոր ջավախքցի փոքրիկներն ու պատանիները մասնակցել են «Հրաշամանուկ» փառատոնին». nt.am.
{{cite web}}: Check|url=value (օգնություն)