Մասնակից:Վարդիկ Փերիխանյան/Ավազարկղ

Վիքիպեդիայից՝ ազատ հանրագիտարանից

Տեսս Գերիթսեն (անգլ.՝ Tess Gerritsen, հունիսի 12, 1953 թվական, Սան Դիեգո, Կալիֆոռնիա, ԱՄՆ), չինական ծագմամբ ամերիկացի գրող-արձակագիր[1]: Գրել է բեսթսելլերների շարք բժշկական և ռոմանտիկ թրիլերի ժանրում։

Կենսագրություն[խմբագրել | խմբագրել կոդը]

Տեսս Գերիթսենը ծնվել և մեծացել է Սան Դիեգո քաղաքում՝ չինական ռեստորանի սեփականատիրոջ ընտանիքում։ Նրա մորական պապը ժամանակին եղել է չինացի հայտնի պոետ։ Պատանեկության տարիներին ապագա գրողը հետաքրքրվում էր բնական գիտություններով, հատկապես կենսաբանությամբ։

1975 թվականին ավարտել է Սթենֆորդի համալսարանը՝ ստանալով մարդաբանի բակալավրի աստիճան[2], իսկ 1979 թվականին ավարտել է Սան Ֆրանցիսկոյի Կալիֆոռնիայի համալսարանը և ստացել բժշկի դիպլոմ[3]։ Որպես բժիշկ-թերապևտ՝ Տեսսը օրդինատուրան անցել է Հոնոլուլուում (Հավայի), որտեղ իր բժիշկ ամուսնու հետ միասին սկսել է անհատական բժշկական պրակտիկան։ Պրակտիկայի ընթացքում՝ ազատ ժամերին, Գերիթսենը սիրում էր զբաղվել ընթերցանությամբ (հիմնականում՝ ռոմանտիկ նովելներ)[4][5]։

Ֆիզարձակուրդում գտնվելու ընթացքում Գերիթսենը գրել է «On Choosing the Right Crack Seed» պատմվածքը, որը «Հոնոլուլու» ամսագրի («Honolulu Magazine») կողմից անցկացված ֆանտաստիկ ժանրի գրականության մրցույթում զբաղեցրել է առաջին տեղը[4][6]:

Գործունեություն[խմբագրել | խմբագրել կոդը]

Իր առաջին վեպերի համար Տեսսն ընտրել է ռոմանտիկ թրիլերի ժանրը։ Երկու չհրատարակված «փորձնական» աշխատանքներից հետո «Harlequin Intrigue» հրատարակչությունը 1986 թվականին ձեռք բերեց նրա «Call After Midnight» վեպը և մեկ տարի անց հրատարակեց[7]։ Դրան հաջորդեց ևս ութ ռոմանտիկ թրիլեր, որոնք թողարկվեցին ոչ միայն «Harlequin Intrigue», այլև «Harper Paperbacks» հրատարակչությունում[4]։

1996 թվականին Գերիթսենը հրատարակեց իր առաջին վեպը բժշկական թրիլեր ժանրում՝ «Harvest» վերնագրով[7], որի սյուժեն գրելիս հեղինակը ներշնչվել էր սպանությունների բաժնի պաշտոնաթող խուզարկուի հետ զրույցից, ով վերջերս այցելել էր Ռուսաստան: «Harvest» վեպը դարձավ Գերիթսենի առաջին վեպը, որը հրատարակվեց կոշտ կազմով և «Նյու Յորք Թայմս» ամսագրի՝ բեսթսելլերների ցանկում զբաղեցրեց տասներեքերորդ տեղը[8]։ Վեպը գրողին բերեց ոչ միայն մեծ հաջողություն, այլև դարձավ գործընկերների կողմից սուր քննադատությունների պատճառ։ Մասնավորապես, բժիշկ-փոխպատվաստագետների ասոցիացիայի բժիշկներից մեկը պահանջում էր ոչ միայն փոփոխություններ անել տեքստում, այլև դիմեց «Paramount Pictures» կինոընկերությանը, որն արդեն ձեռք էր բերել ֆիլմը էկրանավորելու իրավունք, չնկարահանել ֆիլմ այդ վեպի մոտիվներով:

«Harvest» վեպին անմիջապես հաջորդեց ևս երեք բժշկական թրիլեր՝ «Life Support» (1997)[9], «Bloodstream» (1998)[10], «Gravity» (1999)[11], որոնք նույնպես ձեռք բերեցին բեսթսելլերի կարգավիճակ։

2001 թվականին լույս տեսավ Գերիթսենի առաջին դետեկտիվ ժանրի թրիլերը՝ «The Surgeon» վերնագրով, որն ընթերցողներին ներկայացնում է Ջեյն Ռիզոլիի սպանության հետաքննությամբ զբաղվող բոստոնյան խուզարկուին։ Չնայած վեպում Ռիզոլին ընդամենը երկրորդական կերպար է, սակայն գտնվում է հետագա 8 վեպերի շարքի ուշադրության կենտրոնում[12]:

Բացի վեպեր գրելուց, Տեսս Գերիթսենն աշխատել է նաև իր գրքի հիման վրա նկարահանված «Rizzoli & Isles» հեռուստասերիալի սցենարների վրա։ Հեռուսատասերիալի առաջին եթերաշրջանը մեկնարկել է 2010 թվականի հուլիսի 12-ին «TNT» (ԱՄՆ) հեռուստաալիքով։

Տեսս Գերիթսենի գրքերը թարգմանվել են 37 լեզուներով, և վաճառվել ամբողջ աշխարհում ավելի քան 25 միլիոն օրինակով[13]:

Ներկայումս Գերիթսենն իր ընտանիքի հետ միասին ապրում է Մեն նահանգի Կեմդեն քաղաքում և ամբողջությամբ նվիրված է գրքեր գրելուն և տղաներին մեծացնելուն[14]։ Նա նաև սիրում է զբաղվել այգեգործությամբ և նվագում է ջութակ[15]:

Ստեղծագործություններ[խմբագրել | խմբագրել կոդը]

Ռոմանտիկ թրիլերներ[խմբագրել | խմբագրել կոդը]

  • «Զանգ կեսգիշերից հետո» (անգլ.՝ «Call After Midnight», 1987)
  • «Մահ վիրաբույժի դանակից» (անգլ.՝ «Under the Knife», 1990)
  • «Վկան» (անգլ.՝ «Whistleblower»,1992)
  • «Հույսը վերջինն է մեռնում» (անգլ.՝ «Never Say Die», 1992)
  • «Համարել մեղավոր» (անգլ.՝ «Presumed Guilty», 1993)
  • «Կորած աղջիկը» (անգլ.՝ «Girl Missing», 1994)
  • «Նրանց հետքերով» ((անգլ.՝ «In Their Footsteps», 1994)
  • «Սրտերի գողը» (անգլ.՝ «Thief of Hearts», 1995)
  • «Հարսնացուի պաշտպանը» (անգլ.՝ «Keeper of the Bride» 1996)

Ռոմանտիկ թրիլերներ Թևիստոկ ընտանիքի մասին[խմբագրել | խմբագրել կոդը]

  • «Նրանց հետքերով» (անգլ.՝ «In Their Footsteps», 1994)
  • «Սրտերի գողը» (անգլ.՝ «Thief of Hearts», 1995)

Բժշկական թրիլերներ[խմբագրել | խմբագրել կոդը]

  • «Բերք» (անգլ.՝ «Harvest», 1996)
  • «Կատաղություն» (անգլ.՝ «Life Support», 1997)
  • «Դողէրոցք» (անգլ.՝ «Bloodstream», 1998)
  • «Ձգողականություն» (անգլ.՝ «Gravity», 1999)
  • «Հիանալի ժամանակ» (անգլ.՝ «Perfect Timing», 2001)
  • «Ոսկորների այգին» (անգլ.՝ «The Bone Garden», 2007)

Ջեյն Ռիզոլիի և Մաուրե Այլզի մասին դետեկտիվ թրիլերների շարք[խմբագրել | խմբագրել կոդը]

  • «Վիրաբույժը» (անգլ.՝ «The Surgeon», 2001)
  • «Աշակերտը» (անգլ.՝ «The Apprentice», 2002)
  • «Մեղավորը» (անգլ.՝ «The Sinne», 2003)
  • «Նմանակը» (անգլ.՝ «Body Double», 2004)
  • «Մահապարտները» (անգլ.՝ «Vanish», 2005)
  • «Մեֆիստո ակումբ» (անգլ.՝ «The Mephisto club», 2006)
  • «Մահվան պահապանը» (անգլ.՝ «Keeping the Dead», 2008)
  • «Մահաբեր վայր» (անգլ.՝ «The Killing Place», 2010)
  • «Մահվան լռություն» (անգլ.՝ «The Silent Girl», 2011)
  • «Ապրել մեռնելու համար» (անգլ.՝ «Last To Die», 2012)
  • «Մեռնել նորից» (անգլ.՝ «Die Again», 2014)
  • «Ես գիտեմ գաղտնիքը» (անգլ.՝ «I Know A Secret», 2017)

Ծանոթագրություններ[խմբագրել | խմբագրել կոդը]

  1. ↑ BIO Արխիվացված Հուլիս 25, 2010 Wayback Machine from the Tess Gerritsen Official Blog
  2. ↑ «CASA Newsletter» (PDF). Cultural and Social Anthropology Department, Stanford University. 1999. Վերցված է January 20, 2009-ին.
  3. ↑ High, Chris (2007). "Interview with Tess Gerristen 2007". Chris High. Retrieved January 19, 2009.
  4. ↑ 4,0 4,1 4,2 Karm, Ali (September 2002). «Shots Magazine Interview: Tess Gerritsen». Shots Magazine. Արխիվացված է օրիգինալից May 1, 2003-ին. Վերցված է January 19, 2009-ին. {{cite web}}: Unknown parameter |deadurl= ignored (|url-status= suggested) (օգնություն)
  5. ↑ Holton, Carlotta G. (April 29, 2008). «Literary Spotlight: Tess Gerritsen». WritersNewsWeekly. Արխիվացված է օրիգինալից October 12, 2008-ին. Վերցված է January 19, 2009-ին. {{cite web}}: Unknown parameter |deadurl= ignored (|url-status= suggested) (օգնություն)
  6. ↑ Rowe, Beverly (December 2005). «Author of the Month». MyShelf.com. Վերցված է January 20, 2009-ին.
  7. ↑ 7,0 7,1 Daley, Yvonne (1997). «Author,Author». Stanford Alumni. Վերցված է January 20, 2009-ին.
  8. ↑ «PAPERBACK BEST SELLERS: September 22, 1996». The New York Times. September 22, 1996. Վերցված է January 25, 2009-ին.
  9. ↑ «Best Sellers: Paperback Fiction». The New York Times. August 16, 1998. Վերցված է January 25, 2009-ին.
  10. ↑ «PAPERBACK BEST SELLERS: September 5, 1999». The New York Times. September 5, 1999. Վերցված է January 25, 2009-ին.
  11. ↑ «Best Sellers: Hardcover Fiction». The New York Times. Վերցված է January 25, 2009-ին.
  12. ↑ Keyes, Bob (September 16, 2007). «Putting pen to paper». Portland Press Herald. Վերցված է January 19, 2009-ին. (չաշխատող հղում)
  13. ↑ Keyes, Bob (September 16, 2007). "Putting pen to paper". Portland Press Herald. Retrieved January 19, 2009.
  14. ↑ Mehegan, David (September 2, 2006). «Death becomes her». The Boston Globe. Վերցված է May 13, 2012-ին.
  15. ↑ «Tess Gerritsen: Official Site». Արխիվացված է օրիգինալից February 1, 2009-ին. Վերցված է January 19, 2009-ին. {{cite web}}: Unknown parameter |deadurl= ignored (|url-status= suggested) (օգնություն)

Արտաքին հղումներ[խմբագրել | խմբագրել կոդը]

Ստացված է «https://hy.wikipedia.org/w/index.php?title=Մասնակից:Վարդիկ_Փերիխանյան/Ավազարկղ&oldid=5895818» էջից