Մասնակից:Մինասյան Աննա/Ավազարկղ 1
Մերիլին Լիմա (), ֆրանսիացի դերասանուհի, ով հայտնի է իր «Ջրահարսը Փարիզում» (2020), «Բանգ գանգ» (սիրո ժամանակակից պատմություն) (2015), «Սքամ Ֆրանսիա» (2018-2020) և «J'ai menti» (2021) ֆիլմերում կերտած դերերով:
Կարիերա[խմբագրել | խմբագրել կոդը]
Լիման ծնվել է Բորդոյում: Ռեժիսոր Եվա Հուսսոնը բացահայտել է Լիմայի բլոգը Tumblr-ում և սրճարանում ոչ պաշտոնական հանդիպումից հետո ընտրել է Լիմային, որպեսզի հենց նա մարմնավորի Ջորջի կերպարը իր «Բանգ գանգ» (սիրո Ժամանակակից պատմություն) (2015) ֆիլմում։ Լիման չուներ բարձրագույն դերասանական կրթություն:
Լիման իր կարիերան շարունակել է հեռուստատեսությունում ՝ նկարահանվելով «Երկու մայրերի միջև» (2016) հեռուստաֆիլմում և Ֆրենկ Բելոկի «Des jours meilleurs» (2017) ֆիլմում: 2017 թվականին նա ընտրվել է Մանոն Դեմիսիի դերակատար «Սքամ»-ի Ֆրանսիական ադապտացիայում հանդես գալու համար։
2019 թվականի ապրիլի 23-ին նա ինստագրամով հայտարարել էր, որ նկարահանվելու է DJ Petit Biscuit-ի երաժշտական տեսահոլովակում ՝ JP Cooper-ի մասնակցությամբ ։ 2019 թվականի նոյեմբերի 5-ին նա ինստագրամով հայտարարել էր, որ նկարահանվում է Ժուլյեն Լեկլերկի «Պահապան» ֆիլմում,որը թողարկվել է Նեթֆլիքսում 2021 թվականի մարտի 5-ին։
Սքրին Դեյլին հայտնել է, որ Լիման Նիկոլա Դյուվոշելի հետ նկարահանվել է «Ջրահարսը Փարիզում» ֆիլմում, որը Մատիաս Մալզյեի ռեժիսորական դեբյուտն էր՝ հիմնված իր համանուն վեպի վրա: Ֆիլմը վարձույթում հայտնվել է 2020 թվականի մարտի 11-ին, սակայն ընդհատվել է Covid-19 համավարակի պատճառով ։ Երբ կինոթատրոնները սկսեցին վերաբացվել, ֆիլմը թողարկվել է հունիսի 22-ին ։
2020 թվականի սեպտեմբերի 28-ին FranceTV Pro-ն հայտարարել է, որ Լիման ընտրվել է J'ai menti (հայերեն՝ Ես ստել եմ) անվանումով մինի-սերիալում՝ հանդես գալու Պոլինի դերով: Նկարահանումները սկսվել են սեպտեմբերի սկզբին և ավարտվել դեկտեմբերին ։ Ծրագիրը հեռարձակվել է France 2 հեռուստաալիքով 2021 թվականի օգոստոսին ։
2021 թվականի սեպտեմբերի 8-ին Coulisses TV հեռուստաալիքը հայտարարել է, որ Լիման նկարահանվել է ռեժիսոր Գայել Մորելի «Constance aux enfers» ֆիլմի ռեմեյքում՝ կերտելով Քիմիի դերը: Ֆիլմում նրա հետ հանդես են գալու նաև Միու Միուն Կոստանսի դերում և Սալիմ Կեշիուշն՝ Ամինայի դերում: Նկարահանումները սկսվել են 2021 թվականի սեպտեմբերին։
Անձնական կյանք[խմբագրել | խմբագրել կոդը]
Լիման 3 քույրերից ամենափոքրն է: Constellation ամսագրին տված հարցազրույցում նա ասել է, որ ազատ ժամանակ զբաղվում է լուսանկարչությամբ, որով նա զբաղվում է դեռ 2010 թվականից: Նա ունի մոտ 40 տեսախցիկ, որից նախընտրելին 35 մմ-ոց Պենտաքս և Նիկոն մոդելներն են:
2017 թվականի վերջերին նա սկսել է հանդիպել Միշել Բիելի հետ, ում հետ ծանոթացել է «Սքամ Ֆրանսիա»-ի նկարահանումների ժամանակ, որում Բիելը հանդես էր գալիս էր նրա ընկերոջ՝ Շառլ Մունիերի դերով:
Տարի | Վերնագիր | դեր |
---|---|---|
2014 | Այն ինչ մեզ չի սպանում, ավելի ուժեղ է դարձնում | աղջիկ |
2015 | Բանգ Գանգ (Ժամանակակից սիրո պատմություն) | Ջորջ |
2016 | Լենա | Լենա |
2017 | Փոշեհատիկ | Լուիզ |
2019 | Ես էլ երբեք քեզ չեմ սիրելու | Մերլին |
2020 | Ջրահարսը Փարիզում | Լուլա |
2021 | Սենտինիել | Տանյա |
Տարի | Վերնագիր | Դեր | Նշումներ |
---|---|---|---|
2016 | Երկու մայրերի միջև | Ալիս (Լորի) | հեռուստատեսային ֆիլմ |
2017 | Լավագույն օրերը | Շարլի | 11 սերիա |
2018-2020 | Սքամ Ֆրանսիա | Մանոն Դեմիսի | 37 սերիա |
2019 | Ինտիմ հարաբերություններ | Լունա | հեռուստատեսային ֆիլմ |
2021 | Ես ստել եմ | Պոլին Լայրաք | 6 սերիա մինի-սերիալ |
2022 | Վախի սարդոստայն | Քիմմի | հեռուստատեսային ֆիլմ |