Մասնակից:Մայա Գրիգորյան/Ավազարկղ

Մայա Հովհաննեսի Գրիգորյան, (ապրիլի 30, 1978, Երևան) բանասեր, գրադարանավար, մատենագետ, բանասիրական գիտությունների թեկնածու:

Կենսագրություն

Մայա Գրիգորյանը ծնվել է 1978 թվականի ապրիլի 30-ին Երևանում:

Կրթություն

• 1985-1995 թվականներին սովորել է Երևանի Սիամանթոյի անվան թիվ 162 միջնակարգ դպրոցում,
• 1995-2000 թվականներին՝ Խ. Աբովյանի անվան պետական մանկավարժական ինստիտուտի բանասիրական ֆակուլտետում, «Հայոց լեզու և գրականություն» մասնագիտությամբ,
• 2000-2004 թվականներին՝ Խ. Աբովյանի անվան պետական մանկավարժական ինստիտուտի ասպիրանտուրայում,
• 2009 թվականին պաշտպանել է թեկնածուական ատենախոսություն ՀՀ ԳԱԱ Մ. Աբեղյանի անվան գրականության ինստիտուտում՝ «Վիգեն Խեչումյանի փոքր արձակը» թեմայով: Շնորհվել է բանասիրական գիտությունների թեկնածուի գիտական աստիճան (ղեկավար՝ ՀՀ ԳԱԱ թղթակից անդամ Սևակ Արզումանյան, նրա մահից հետո՝ բանասիրական գիտությունների դոկտոր Մելս Սանթոյան),
• 2016-2018 թվականներին՝ ՀՀ ԳԱԱ գիտակրթական միջազգային կենտրոնում, շնորհվել է մագիստրոսի աստիճան «Գրադարանային-տեղեկատվական աղբյուրներ» մասնագիտությամբ,
• 2021 թվականից՝ ՀՀ ԳԱԱ Մ. Աբեղյանի անվան գրականության ինստիտուտի դոկտորատուրայում: Թեմա. «Հայ գրականությունը «Մշակ»-ի էջերում (19-րդ դարի վերջ)»:

Աշխատանքային գործունեություն

2001–2021 թվականներին աշխատել է Հայաստանի ազգային գրադարանի մատենագիտության և գրադարանագիտության բաժնում՝ որպես մատենագետ, իսկ 2015-2021 թվականներին՝ բաժնի վարիչ, 2009-2012 թվականներին՝ Խ. Աբովյանի անվան հայկական պետական մանկավարժական համալսարանիի Հայ գրականության և դասավանդման մեթոդիկայի ամբիոնում՝ որպես հայ գրականության դասախոս, 2020-ից՝ Խ. Աբովյանի անվան Խ. Աբովյանի անվան հայկական պետական մանկավարժական համալսարանի Կուլտուրայի ֆակուլտետի Թանգարանագիտության, գրադարանագիտության և մատենագիտության ամբիոնում՝ որպես դասախոս, 2021-2022 թվականներին՝ Մայր Աթոռ Սուրբ Էջմիածնի «Վաչե և Թամար Մանուկյան» մատենադարանում՝ որպես գիտական քարտուղար, 2022 թվականից՝ ՀՀ ԳԱԱ հիմնարար գիտական գրադարանի մեթոդիստ, 2022 թվականի նոյեմբերի 4-ից՝ ՀՀ ԳԱԱ հիմնարար գիտական գրադարանի տնօրեն:

Հրապարակումներ

• Հայ գիրքը Թուրքիայում: Պրակ Ա. Ստամբուլ: Հայերեն և հայատառ թուրքերեն գրքերի մատենագիտություն /Կազմ.՝ Աստղիկ Վարդանյան; Մայա Գրիգորյան; Արմինե Մսրլյան; Խմբ.՝ Տիգրան Զարգարյան, Մայա Գրիգորյան.- Երևան: Անտարես, 2022.- XXI, 514, 9 չհ. էջ: • Եղիշե Չարենցի անձնական գրադարանի մատենագիտություն /Կազմ.՝ Մայա Գրիգորյան, Օլյա Աղայան; Խմբ.՝ Վ. Դևրիկյան, Ա. Թասալյան- Երևան։ Բուկինիստ, 2022.- 605 էջ։ • Մայր Աթոռ Սուրբ էջմիածինը հայ գրատպության կենտրոն. Հրատարակությունների մատենագիտություն (1772-1920) /Կազմ.՝ Մայա Գրիգորյան, Ստյոպա Պետոյան, Գոհար Գրիգորյան և ուրիշն; Խմբ. Գոհար Գրիգորյան, Գևորգ Տեր-Վարդանյան.- Ս. Էջմիածին: Մայր աթոռ Ս. Էջմիածնի հրատ., 2021.- 744 էջ: Գարեգին Բ Ամենայն Հայոց Կաթողիկոս: Կենսամատենագի¬տու¬թյուն.- Երևան, 2020.- 896 էջ: • Աելիտա Դոլուխանյան: Բանասերը, գիտնականը, մանկավարժը : Կեն¬սամատենագիտություն.- Երևան, 2017.- 200 էջ: • Մշակ 1880: Մատենագիտություն.- Երևան, 2017.- 335 էջ: • Մշակ 1879: Մատենագիտություն.- Երևան, 2014.- 324 էջ: • Մշակ 1878: Մատենագիտություն.- Երևան, 2012.- 512 էջ:

Կատեգորիա:Բանասիրական գիտությունների թեկնածուներ Կատեգորիա:Մատենագետներ ըստ ազգության Կատեգորիա:Գրադարանավարներ ըստ ազգության