Մակեդոնիա Բլաս Ֆլորես
Մակեդոնիա Բլաս Ֆլորես | |
---|---|
Ծնվել է | 1958 |
Քաղաքացիություն | Մեքսիկայի Միացյալ Նահանգներ |
Մասնագիտություն | կանանց իրավունքների պաշտպան |
Macedonia Blas Flores Վիքիպահեստում |
Մակեդոնիա Բլաս Ֆլորես (իսպ.՝ Macedonia Blas Flores, անվանվել է ըստ իսպանական անվանարկման սովորության. Բլաս՝ հայրական ազգանունը, Ֆլորես՝ մայրական, 1958), օտոմի ծագմամբ մարդու իրավունքների հարցերով մեքսիկացի ակտիվիստ։ 2005 թվականին առաջադրվել է Խաղաղության Նոբելյան մրցանակի՝ իր օտոմի ցեղի կանաց նկատմամբ կատարված բռնությունների դեմ պայքարելու համար։ 1997 թվականից գլխավորում է օտոմի ցեղին աջակցող Fotzi Ñahño սոցիալական ասոցիացիան։
Կենսագրություն[խմբագրել | խմբագրել կոդը]
Բլաս Ֆլորեսը Մեքսիկայի Կերետարո նահանգի Ամեալկո քաղաքի Էլ Բոտե շրջանից է։ Ունի 12 երեխա։ Տարիներ շարունակ զբաղվել է ձեռագործ իրերի վաճառքով։ 1997 թվականից աշխատել է Fotzi Ñahño սոցիալական ասոցիացիայում, որտեղ բարձրաձայնել է օտոմի ցեղի մարդկանց իրավունքներն ու գենդերային բռնության հարցերը։ Ընկերակցությունում կազմակերպել է սեմինարներ կանանց գենդերային բռնության, բնիկ աղջիկների շրջանում բռնությունների կանխարգելման, կանանց ալկոհոլիզմի կանխարգելման վերաբերյալ։ Ներգրավված է նաև բույսեր տնկելու ծրագրում, ինչպես նաև աջակցում է կանանց տնտեսական զարգացմանը։
Այն, ինչ անում եմ՝ լավ է, քանզի դա անում եմ բռնությունից տառապող բոլոր կանանց համար[1]։ |
2003 թվականին երկու կանանց կողմից (մայր և աղջիկ) անհիմն մեղադրվել է սեռական դավաճանության մեջ։ Համաձայն իր հնդկական գյուղի պատժի՝ երեք կին նրան ծնկաչոք իջեցրել են գետնին և չիլի տաքդեղի մածուկով վնասել նրա սեռական օրգանները[2]։ Ակտիվիստը, առաջնորդվելով Իդալգո նահանգի մարդու իրավունքների հանձնակատարի խորհրդով, քրեական գործ է հարուցել իրեն վնասողների նկատմամբ՝ դառնալով առաջին հնդկացի կինը, ով դիմում է այս քայլին։ Մեկնելով Մեխիկո՝ նա Կոնգրեսի անդամներին տեկացրել է իր փորձության մասին[2], փաստ, որը գրավել է ակտիվիստների և ԶԼՄ-ների ուշադրությունը։ Այս դեպքից հետո Բլաս Ֆլորեսը որոշել է ավելի ակտիվ կերպով զբաղվել օտոմի ցեղի կանանց իրավունքների պաշտպանությամբ, որի համար էլ 2005 թվականին առաջադրվել է Խաղաղության Նոբելյան մրցանակի, ինչը խթան է հանդիսացել, որ նա Չափահասների կրթության ազգային ինստիտուտում (Instituto Nacional para la Educación de los Adultos) սովորի կարդալ և գրել, ինչպես նաև մաթեմատիկական գործողություններ կատարել։
2005 թվականին Բլաս Ֆլորեսն առաջադրվել է Asociación 1000 Mujeres para el Premio Nobel de la Paz մրցանակի իր համայնքում կանանց աջակցելու ակտիվ գործունեության համար[3][4]։
Ծանոթագրություններ[խմբագրել | խմբագրել կոդը]
- ↑ Escobar Ledesma, Agustín (25 September 2005). "El Nobel de la Paz para Macedonia". La Jornada Semanal (in Spanish).
- ↑ 2,0 2,1 Stevenson, Mark (2004 թ․ փետրվարի 8). «A Tolerance for Intolerance». Los Angeles Times. Վերցված է 2016 թ․ հուլիսի 17-ին.
- ↑ Winocur, Mariana (2008 թ․ ապրիլի 7). «Macedonia Blas: Morir en defensa de los indígenas» (Spanish). Revista Milenio. Արխիվացված է օրիգինալից 2016 թ․ օգոստոսի 17-ին. Վերցված է 2013 թ․ մարտի 12-ին.
{{cite web}}
: CS1 սպաս․ չճանաչված լեզու (link) - ↑ Arreola, Juan José. «Indígena otomí lucha contra la violencia» (Spanish). El Universal. Արխիվացված է օրիգինալից 2008 թ․ սեպտեմբերի 19-ին. Վերցված է 2013 թ․ մարտի 12-ին.
{{cite web}}
: CS1 սպաս․ չճանաչված լեզու (link)