Պողոսյանը «Փյունիկ» ֆուտբոլային ակումբի խաղացող է։ 16 տարեկան հասակում հանդես է եկել ակումբի երրորդ հավաքականում։ Մեկ տարի անց, «Փյունիկ» ակումբի մարզչական կազմը որոշեց, որ Ղուկասը պետք է հանդես գա ակումբի հիմնական կազմում։ Այդ թվականին կայացավ Ղուկասի նորամուտը դեպի պրեմիեր լիգա։ Նորամուտը եղել է 2011 թվականիապրիլի 2-ին «Ուլիս» ակումբի դեմ խաղում, որտեղ Ղուկասը խաղադաշտ է դուրս եկել 84-րդ րոպեի, Էդգար Մանուչարյանի փոխարեն[2]։ Սեպտեմբերին Ղուկասը մասնակցեց Հայաստանի Սուպեր գավաթին։ Մրցաշրջանը Ղուկասը ավարտեց բրոնզե մեդալով։
2010 թվականին Պողոսյանը հրավիրվեց ազգային հավաքական։ Դեբյուտը տեղի ունեցավ Հայաստանի երիտասարդական հավաքականի կազմում։ 2010 թվականի սեպտեմբերի 22-ին և 24-ին Պողոսյանը անցկացրեց շատ կարևոր հանդիպումներ թուրքիայի երիտասարդականի հավաքականի (որտեղ խաղը ավարտվեց 0:3 հաշվով) և Չեխիայի երիտասարդական հավաքականի դեմ (1:1)[3][4][5]. Ղուկասի երկար սպասված պահը տեղի ունեցավ 2012 թվականի փետրվարի 28-ին, որտեղ Ղուկասը դուրս եկավ խաղադաշտ Հայաստանի ազգային հավաքականի կազմում, խաղալով Սերբիայի դեմ։ Խաղը ավարտվեց 0:2 հաշվով[6]։