Ավարտել է Երևանի պետական բժշկական ինստիտուտը (1984)։ 1985-1990 թվականներին աշխատել է ՀՀ առողջապահության համակարգում, 1990-1993 թվականներին՝ ՀՀ ՆԳՆ բուժսանմասում, 1993 թվականից՝ ՊՆ կայազորային, ապա՝ կենտրոնական կլինիկական զինվորական հոսպիտալներում։
1993-1994 թվականներին Ամիրյանը կամավոր, ապա գործուղումով մեկնել է ԼՂՀՀադրութի, Ստեփանակերտի, Ֆիզուլիի զինվորական հոսպիտալներում մեթոդական և գործնական օգնություն ցույց տվել տեղի բժիշկներին, մասնակցել հարյուրավոր վիրավոր ազատամարտիկների և խաղաղ բնակիչների վիրահատություններին։ Զինադադարից հետո պարբերաբար գործուղվել է ՀՀ սահմանամերձ և ԼՂՀ շրջաններ, հիվանդանոցներում ու հոսպիտալներում ցույց տվել բուժօգնություն զինծառայողներին և բնակիչներին։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։
