Հովհան Կրոնշտադտցի եկեղեցի (Դոնի Ռոստով)

Վիքիպեդիայից՝ ազատ հանրագիտարանից
Jump to navigation Jump to search
Հովհան Կրոնշտադտցի եկեղեցի
Հիմնական տվյալներ
Տեսակ տաճար
Երկիր Ռուսաստան Ռուսաստան
Տեղագրություն Դոնի Ռոստով
Դավանանք ուղղափառություն
Թեմ Ռոստովի և Նովոչերկասկի թեմ
Ճարտարապետական նկարագրություն
Հիմնադրված սեպտեմբերի 20, 1999
Կոորդինատներ: 47°15′1.0000001008091″ հս․ լ. 39°41′45.000000098796″ ավ. ե. / 47.250277777805777646° հս․. լ. 39.69583333336077402° ավ. ե. / 47.250277777805777646; 39.69583333336077402

Հովհան Կրոնշտադտցի եկեղեցի (ռուս.՝ Церковь Иоанна Кронштадтского), ուղղափառ տաճար Դոնի Ռոստով քաղաքում (Ռոստովի մարզ, Ռուսաստան)։ Կառուցվել է ի պատիվ ուղղափառ սուրբ Հովհաննես Կրոնշտադտցու։ Տաճարը ենթարկվում է Մոսկվայի պատրիարքարանի Ռոստովի և Նովոչերկասկի թեմին։ Կառուցվել է 2010 թվականին ճարտարապետ Գենրիխ Վասիլևիչ Իվանովի նախագծով։

Պատմություն[խմբագրել | խմբագրել կոդը]

Սուրբ բարեպաշտ Հովհան Կրոնշտադտցու պատվին կառուցված տաճարը միակ ուսանողական տաճարն է Ռոստովի և Նովոչերկասկի թեմի տարածքում։ Այս տաճարի պատմությունը սկսվել է 1992 թվականին, երբ սեպտեմբերի 29-ին տեղի է ունեցել Ռոստովի հաղորդակցության ուղիների պետական համալսարանին կից տնային եկեղեցու բացումը։ Առաջին արարողությունն այդ եկեղեցում տեղի է ունեցել 1993 թվականի սեպտեմբերի 1-ին։ Հաջորդ տարվա հուլիսի 12-ին Ռոստովի և Նովոչերկասկի արքեպիսկոպոս Պանտելեիմոնն օծել է շինարարության վայրը, իսկ հուլիսի 26-ին սկսվել են շինարարական աշխատանքները: Առաջին Սուրբ պատարագը կատարվել է 1994 թվականի հունիսի 3-ին։

Շուտով որոշում կայացվեց կառուցել Հովհան Կրոնշտադտցու նոր տաճար։ Մոսկվայի և համայն Ռուսիո պատրիարք Ալեքսի II-ը 1999 թվականին այցելել է համալսարան և Ժողովրդական ապստամբության հրապարակում օծել հիմնաքարն ու կառուցման վայրը։ 2004 թվականին կառուցվել են գմբեթներն ու խաչը։ Տաճարին կից գործում է կիրակնօրյա դպրոց[1]։ 2005 թվականի մարտի 14-ից ծխական համայնքի ժամերգությունները տեղափոխվել են սուրբ առաքյալներ Պետրոսի ու Պողոսի անվան կողմնասեղան, որը կազմակերպվել էր ապագա տաճարի կիսանկուղային տարածքում։ Տաճարը կառուցվել է դասական ոճով (ի տարբերություն Դոնի Ռոստովում իշխող «բյուզանդականի»[2]։

Ծանոթագրություններ[խմբագրել | խմբագրել կոդը]