Հովհաննես Նաղաշյան (անասնաբույժ)
Անվան այլ կիրառումների համար տե՛ս՝ Հովհաննես Նաղաշյան (այլ կիրառումներ)- Վիքիպեդիայում կան հոդվածներ Նաղաշյան ազգանունով այլ մարդկանց մասին։
| Հովհաննես Նաղաշյան | |
|---|---|
.jpg) | |
| Ծնվել է | հունիսի 12, 1950[1] |
| Ծննդավայր | Երևան, Հայկական ԽՍՀ, ԽՍՀՄ |
| Մահացել է | օգոստոսի 11, 2021 (71 տարեկան) |
| Քաղաքացիություն |  ԽՍՀՄ և  Հայաստան |
| Կրթություն | Երևանի անասնաբուծական-անասնաբուժական ինստիտուտ (1974) |
| Կոչում | պրոֆեսոր |
| Գիտական աստիճան | անասնաբուժական գիտությունների դոկտոր (1994) |
| Մասնագիտություն | անասնաբույժ և դասախոս |
| Աշխատավայր | ՀՀ ԳԱԱ, Երևանի անասնաբուծական-անասնաբուժական ինստիտուտ և Հայաստանի ազգային ագրարային համալսարան |
Հավհաննես Զավենի Նաղաշյան (հունիսի 12, 1950[1], Երևան, Հայկական ԽՍՀ, ԽՍՀՄ - օգոստոսի 11, 2021), հայ անասնաբույժ։ Անասնաբուժական գիտությունների դոկտոր (1994), պրոֆեսոր (2002)։ Հայաստանի գյուղատնտեսական գիտությունների ակադեմիայի ակադեմիկոս (2004)։
Կենսագրություն
[խմբագրել | խմբագրել կոդը]Հովհաննես Նաղաշյանը ծնվել է 1950 թվականի հունիսի 12-ին, Երևանում։ 1968-1974 թվականներին սովորել և ավարտել է Երևանի անասնաբուծական-անասնաբուժական ինստիտուտը` ստանալով անասնաբույժ որակավորում։ 1974-1975 թվականներին եղել է ՀՀ գիտությունների ազգային ակադեմիայի կենսաքիմիայի ինստիտուտի ավագ լաբորանտ, 1976-1984 թվականներին՝ Հիգիենայի և թունաբանության համամիութենական ինստիտուտի հայկական մասնաճյուղի կրտսեր գիտաշխատող, 1984-1988 թվականներին՝ Երևանի անասնաբուծական-անասնաբուժական ինստիտուտ թերապիայի ամբիոնի ասիստենտ։ 1984-1994 թվականներին աշխատել է Երևանի անասնաբուծական-անասնաբուժական ինստիտուտում, 1988-1994 թվականներին եղել է ինստիտուտի թերապիայի ամբիոնի դոցենտ, 1994-2011 թվականներին՝ Հայկական գյուղատնտեսական ակադեմիայի մակաբուծաբանության ամբիոնի վարիչ, 2001-2009 թվականներին՝ նույն ամբիոնի պրոֆեսոր[2][3]։
1996 թվականից վերապատրաստում է անցել ձկների հիվանդությունների գծով Կավալա քաղաքի ձկնաբուծական գիտական կենտրոնում, Հունաստան, 1987 և 2002 թվականներին՝ Մոսկվայի Կ. Սկրյաբինի անվան անասնաբուժական ակադեմիայում, 2009 թվականին՝ Բարսելոնայի ինքնավար համալսարանում։
Գիտական գործունեություն
[խմբագրել | խմբագրել կոդը]Գիտական հետազոտությունները վերաբերում են անասնաբուժական մակաբուծաբանության տարբեր հիմնախնդիրներին։ Մշակել է կենդանիների ինվազիոն հիվանդությունների ախտորոշման, բուժման և կանխարգելման նոր մոտեցումներ։ Հեղինակ է «Մակաբուծաբանության ուսումնական ատլասի» (2000), «Մակաբուծաբանություն և կենդանիների ինվազիոն հիվանդություններ (2003) դասագրքի, «Ձկների հիվանդություններ (2005) և «Կենդանիների ինվազիոն հիվանդություններ (2006) ուսումնական ձեռնարկների։ Գիտական զեկուցումներով հանդես է եկել Ռուսաստանում, Վրաստանում, Ուկրաինայում, Հունաստանում և այլն։ Հեղինակ է գիտական աշխատությունների և մեթոդական աշխատանքների, դասագրքերի, ուսումնական ձեռնարկների, ատլասների և բազմաթիվ ՀՀ արտոնագրերի[2]։
Աշխատություններ
[խմբագրել | խմբագրել կոդը]- Գյուղատնտեսական կենդանիների հատուկ վտանգավոր վարակներ։ Ուսումնական ձեռնարկ / Հ. Զ. Նաղաշյան և ուրիշներ։ Երևան։ Հեղ. հրատ., 2017[4]:
- Կենդանիների ինվազիոն հիվանդություններ։ Լաբորատոր-գործնական պարապմունքների ձեռնարկ։ ՀՊԱՀ հրատարակչություն, 2006 - 24 էջ[5]։
- Ձկների հիվանդություններ։ Ուսումնական ձեռնարկ։ Երևան։ ՀԳԱ, 2005[6]։
- Մակաբուծաբանություն և կենդանիների ինվազիոն հիվանդություններ։ Ա. հ., 2003 - 408 էջ[7]։
Անդամակցություն
[խմբագրել | խմբագրել կոդը]- Հայաստանի անասնաբուժական (կենդանաբուժություն) ԳԱ միության անդամ (2005)
- Անասնաբույժ մակաբուծաբանների ամերիկյան միության անդամ
- ՌԳԱ-ին կից մակաբուծաբանների միության անդամ
- «Լաբորատոր կենդանիներ» ամերիկյան գիտական միության անդամ (2006)
Ծանոթագրություններ
[խմբագրել | խմբագրել կոդը]- ↑ 1,0 1,1 http://am.hayazg.info/index.php?curid=13972
- ↑ 2,0 2,1 Administrator. «Նաղաշյան Հովհաննես Զավենի». anau.am. Արխիվացված է օրիգինալից 2019 թ․ մարտի 21-ին. Վերցված է 2019 թ․ մարտի 21-ին.
- ↑ «Ով ով է։ Հայեր» հանրագիտարան, հատոր երկրորդ, գլխավոր խմբագիր՝ Հովհաննես Այվազյան, Հայկական հանրագիտարան հրատարակչություն, Երևան, 2007, էջ 207։
- ↑ Նաղաշյան, Հ Զ; Վարդանյան, Ա Վ; Գրիգորյան, Ս Լ, eds. (2017). Գյուղատնտեսական կենդանիների հատուկ վտանգավոր վարակներ։ Ուսումնական ձեռնարկ. Երևան: Հեղ. հրատ. ISBN 9789939021263.
- ↑ Նաղաշյան, Հովհաննես Զավենի (2006). Կենդանիների ինվազիոն հիվանդություններ։ Լաբորատոր-գործնական պարապմունքների ձեռնարկ. ՀՊԱՀ հրատ. ISBN 9789994152209.
- ↑ Նաղաշյան, Հ Զ (2005). Ձկների հիվանդություններ։ Ուսումնական ձեռնարկ. Երևան: ՀԳԱ.
- ↑ Նաղաշյան, Հ Զ (2003). Մակաբուծաբանություն եւ կենդանիների ինվազիոն հիվանդություններ. Ա. հ. ISBN 9789994190843.
|
