Jump to content

Հոկտեմբերիկ Քոլոզյան

Վիքիպեդիայից՝ ազատ հանրագիտարանից
Հոկտեմբերիկ Քոլոզյան
Ծնվել է1924
ԾննդավայրՆոր Արտագերս, Հայաստան
Քաղաքացիություն ԽՍՀՄ և  Հայաստան
ԿրթությունՀայաստանի ազգային ագրարային համալսարան (1955)
Մասնագիտությունգյուղատնտես
ԿուսակցությունԽՄԿԿ
Պարգևներ և
մրցանակներ
Սոցիալիստական աշխատանքի հերոս
Լենինի շքանշան և Լենինի շքանշան

Հոկտեմբերիկ Մանուկի Քոլոզյան (1924, Նոր Արտագերս, Հայաստան - մահվան տվյալները բացակայում են), խորհրդային հայ գյուղատնտես, գյուղատնտեսական արտադրանքի առաջավոր։ Սոցիալիստական աշխատանքի հերոս (1949)[1]։

Կենսագրություն

[խմբագրել | խմբագրել կոդը]

Հոկտեմբերիկ Մանուկի Քոլոզյանը ծնվել է 1924 թվականին ՀԽՍՀ Հոկտեմբերյանի շրջանի Փոքր Շահրիար գյուղում (այժմ՝ Արմավիրի մարզ, Նոր Արտագերս)։ Ծնողները զբաղվել են գյուղատնտեսությամբ, իսկ 1930 թվականից աշխատել են տեղական կոլտնտեսությունում[2]։

1943 թվականին Հոկտեմբերիկ Քոլոզյանն ավարտել է Փոքր Շահրիար գյուղի ոչ լրիվ միջնակարգ դպրոցը և աշխատանքի է անցել III ինտերնացիոնալի տեղական կոլխոզում[3]։ Կոլխոզի ղեկավարությունը Քոլոզյանին նշանակել է բամբակագործական օղակի օղակավար[3][4]։ Քոլոզյանի օղակը, հետևելով բամբակենու աճեցման գյուղատնտեսական պահանջներին, կարճ ժամանակահատվածում բարձր որակով իրականացրել են բերքի վար ու ցանքը՝ ունենալով բարձր բերքատվություն։ 1948 թվականին 6 հեկտար ընդհանուր տարածքից ստացվել է 88,3 ցենտներ բամբակի բերք[3]։

ԽՍՀՄ Գերագույն խորհրդի նախագահության հրամանով 1949 թվականի ապրիլի 16-ին աշորայի, բամբակի և ծխախոտի բարձր բերք ստանալու և կոլտնտեսության կողմից պարտադիր մատակարարման և գյուղատնտեսական ապրանքների բոլոր տեսակների կոնտրակտացիայի, 1948 թվականին բնավճարման և 1949 թվականին գարնանային ցանքի ընդհանուր պահանջի չափով բոլոր մշակաբույսերի սերմացուների տրամադրման համար 1949 թվականին արժանացել է Սոցիալիստական աշխատանքի հերոսի կոչման՝ ստանալով Լենինի շքանշան և «Մուրճ և մանգաղ» մեդալ[5]։

Արմավիրի գյուղատնտեսական տեխնիկումն ավարտելուց հետո՝ Քոլոզյանը շարունակել է աշխատել կոլտնտեսությունում՝ որպես բամբակի օղակի օղակավար [3]։ 1950 թվականին օղակը Քոլոզյանի գլխավորությամբ ստացել է բամբակի ռեկորդային բերք, որի համար արժանացել է Լենինի երկրորդ շքանշանի[6]։ Նույն թվականին բարձրագույն կրթություն ստանալու նպատակով Քոլոզյանը տեղափոխվել է Երևան։ 1955 թվականին ավարտել է Երևանի գյուղատնտեսական ինստիտուտի դաշտավարական ֆակուլտետը[7][8]։ 1952 թվականին ընդունվել է ԽՄԿԿ շարքերը[9]։ Ինստիտուտն ավարտելուց հետո Քոլոզյանը նշանակվել է Հոկտեմբերյանի բամբակի գործարանի լաբորատորիայի վարիչ, այնուհետև՝ Նալբանդյանի մեքենատրակտորային կայանի գյուղատնտես[9]։ Մեքենաների և տրակտորային կայանների ապամոնտաժումից հետո Քոլոզյանը եղել է Հայկական ԽՍՀ Հոկտեմբերիայի շրջանի Շենավան գյուղի կոլտնտեսության գյուղատնտեսը[8]։

1959 թվականին Հոկտեմբերիկ Քոլոզյանն ընտրվել է Հայկական ԽՍՀ Հոկտեմբերյան շրջանի Շահվարուտ գյուղի կոլտնտեսության նախագահ (այժմ՝ ՀՀ Արմավիրի մարզի Ուշակերտ գյուղ)[9]։ Քոլոզյանի ղեկավարության առաջին տարում կոլտնտեսությունում զգալիորեն ավելացել է հացահատիկային մշակաբույսերի բերքատվությունը, գերազանցվել են եգիպտացորենի, բամբակի, խաղողի և առվույտի պլանները։ Բացի այդ, անասունների թվաքանակի բարձրացման արդյունքում անասնաբուծության արտադրողականության բարձր արդյունքներ են ձեռք բերվել[10]։ Հետագայում Քոլոզյանը նշանակվել է Հայկական ԽՍՀ-ի Հոկտեմբերյանի շրջանի Աղասի Խանջյանի անվան սովխոզի տնօրեն[9]։

Հոկտեմբերիկ Քոլոզյանը նաև զբաղվել է ակտիվ հասարակական աշխատանքով։ Ընտրվել է ՀԽՍՀ Գերագույն խորհրդի 5-րդ և 6-րդ գումարումների պատգամավոր[9], Հայկական ԽՍՀ Գերագույն խորհրդի նախագահության անդամ[4]։ Եղել է Երևանի քաղաքային խորհրդի և Հոկտեմբերյանի շրջանային խորհրդի պատգամավոր, Հայաստանի կոմկուսի Հոկտեմբերյանի շրջանային կոմիտեի անդամ[11][4]։

Պարգևներ

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ Лица, удостоенные почётных званий СССР. Герои Социалистического Труда // Армянская советская энциклопедия / В. А. Амбарцумян. — Ер., 1987. — Т. 13. Советская Армения. — С. 666. — 688 с.
  2. ↑ Герои Социалистического Труда Армении, 1960, էջ 133
  3. ↑ 3,0 3,1 3,2 3,3 Герои Социалистического Труда Армении, 1960, էջ 134
  4. ↑ 4,0 4,1 4,2 4,3 «Колозян Октемберик Мануковна». Национальный аграрный университет Армении. Վերցված է 2017 թ․ օգոստոսի 13-ին.
  5. ↑ 5,0 5,1 5,2  Հոկտեմբերիկ Քոլոզյան «Երկրի հերոսներ» կայքում
  6. ↑ Герои Социалистического Труда Армении, 1960, էջ 134-135
  7. ↑ «Քոլոզյան Հոկտեմբերիկ Մանուկի ։». persons.anau.am. Վերցված է 2019 թ․ փետրվարի 9-ին.
  8. ↑ 8,0 8,1 Герои Социалистического Труда Армении, 1960, էջ 135
  9. ↑ 9,0 9,1 9,2 9,3 9,4 Депутаты Верховного Совета Армянской ССР, 1963
  10. ↑ Герои Социалистического Труда Армении, 1960, էջ 135-136
  11. ↑ Герои Социалистического Труда Армении, 1960, էջ 136

Գրականություն

[խմբագրել | խմբագրել կոդը]
  • Октемберик Мануковна Колозян // Депутаты Верховного Совета Армянской ССР. 6-ой созыв = Հայկական ՍՍՀ գերագույն սովետի դեպուտատները։ 6-րդ գումարում. — Ер.: изд-во ВС Армянской ССР, 1963. — 171 с.
  • Саакян В. М., Геворкян В. А. Колозян Октемберик Мануковна // Герои Социалистического Труда Армении = Հայաստանի սոցիալիստական աշխատանքի հերոսները. — Ер.: Айпетрат, 1960. — С. 133—137. — 325 с.

Արտաքին հղումներ

[խմբագրել | խմբագրել կոդը]
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Հոկտեմբերիկ_Քոլոզյան&oldid=9514619» էջից