Հիրիկ ցանցանման

Վիքիպեդիայից՝ ազատ հանրագիտարանից
Jump to navigation Jump to search
Հիրիկ ցանցանման
Հիրիկ ցանցանման
Գիտական դասակարգում
Թագավորություն Բույսեր
Ենթաթագավորություն Ծաղկավոր բույսեր
Կարգ Հիրիկազգիներ
Ցեղ Հիրիկներ
Լատիներեն անվանում
Iris reticulatum


Հիրիկ ցանցանման (լատ.՝ Iris reticulatum), պատկանում է հիրիկազգիների ընտանիքին։

Նկարագրություն[խմբագրել | խմբագրել կոդը]

Բազմամյա բույս է։ Ի տարբերություն այլ հիրիկների կոճղարմատների փոխարեն ունի սոխարմատներ։ Տերևները կանաչ են, ուղղաձիգ, նեղ-գծանման, չորս անկյունանի, իսկ երկարությամբ գերազանցում է ծաղկակաիր ցողունին։ Ծաղիկապատը վառ մանուշակագույն է հանդիպում է նաև երկնագույն կամ կարմրամանուշակագույն։ Ծաղկում է մարտ-ապրիլին։

Տարածում[խմբագրել | խմբագրել կոդը]

Հանդիպում է Եղվարդում, Ավանում, Ջրվեժում, Գողթում, Գեղարդում և Արարատյան դաշտի նախալեռնյին շրջաններում։

Աճման պայմաններ[խմբագրել | խմբագրել կոդը]

Ցանցանման հիրիկը պահանջկոտ չէ աճման պայմանների նկատմամբ։ Լուսասեր է, սակայն աճում է նաև ստվերոտ վայրերում, բավականին ցրտադիմացկուն և շոգադիմացկուն է։ Լավ է աճում սննդանյութերով աղքատ, քարքարոտ, թեթև ավազային հողերում։

Նշանակություն[խմբագրել | խմբագրել կոդը]

Օգտագործվում է հիմնականում ծաղկադեկորատիվ ձևավորումների՝ քարապարտեզների, ալպինարիաների, ծաղկային օջախների ձևավորման համար։

Գրականություն[խմբագրել | խմբագրել կոդը]

  • Լ. Վ. Հարությունյան «Քո շրջապատի ծաղիկները»
  • "Iris reticulata M.Bieb. is an accepted name". theplantlist.org (The Plant List). 23 March 2013. Retrieved 28 March 2015.