Հենրիկ Էդվարդ Լարսոն (շվեդերեն՝ Henrik Edward Larsson, ծնվել է 1971 թվականի սեպտեմբերի 20-ին Հելսինբորգում, Շվեդիա), շվեդ ֆուտբոլիստ, հարձակվող, առավել հայտնի է շոտլանդական «Սելտիկ» և իսպանական «Բարսելոնա» ակումբներում խաղերով։ Եղել է Շվեդիայի ֆուտբոլի ազգային հավաքականի հիմնական խաղացող 1993-2002 և 2004-2006 թվականների ընթացքում՝ կազմում դառնալով 1994 թվականի աշխարհի առաջնության բրոնզե մեդալակիր։ 2003 թվականի նոյեմբերին ճանաչվել է վերջին 50 տարիների Շվեդիայի լավագույն ֆուտբոլիստ։ 2008 թվականին վերադարձել է հավաքական, որպեսզի նրա կազմում մասնակցի Եվրոպայի առանջնությանը։