Հարություն Սահակյան
- Վիքիպեդիայում կան հոդվածներ Սահակյան ազգանունով այլ մարդկանց մասին։
Հարություն Սահակյան | |
---|---|
Ի ծնե | Հարություն Գրիգորի Սահակյան |
Ծնվել է | 1916 |
Ծննդավայր | Ալեքսանդրապոլ |
Վախճանվել է | 1988 |
Ազգություն | հայ |
Կրթություն | Փանոս Թերլեմեզյանի անվան գեղարվեստի պետական քոլեջ |
Մասնագիտություն | նկարիչ |
Պարգևներ | |
Զավակներ | Գրիշա Սահակյան |
Հարություն Գրիգորի Սահակյան (1916, Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն - 1988), հայ թատերական նկարիչ, ՀԽՍՀ վաստակավոր մանկավարժ (1965)։
Կենսագրություն[խմբագրել | խմբագրել կոդը]
Սովորել է Լենինականի նկարչական դպրոցում։ 1941 թվականին ավարտել է Երևանի գեղարվեստի ուսումնարանը։ 1941-1944 թվականներին աշխատել է Երևանի պատանի հանդիսատեսի և Կիրովականի դրամատիկ թատրոններում։ Ձևավորել է «Մաշենկա», «Խաթաբալա», «Զոյա», «Չար ոգի», «Պաղտասար աղբար» բեմադրությունները։ 1945-1960 թվականներին Լենինականի թատրոնում ձևավորել է՝ «Գաղտնի պատերազմ», «Կանար փողոց», «Պատվի համար», «Նամուս» բեմադրությունները։ Զբաղվել է մանկավարժական գործունեությամբ, 1965 թվականին արժանացել է Հանրապետության վաստակավոր մանկավարժի պատվավոր կոչման[1]։
Ծանոթագրություններ[խմբագրել | խմբագրել կոդը]
- ↑ «Հայ կերպարվեստագետներ, համառոտ բառարան», Դանիել Դզնունի, «Լույս» հրատարակչություն, Երևան, 1977։