Հայկ Գրիգորյան

Վիքիպեդիայից՝ ազատ հանրագիտարանից
Jump to navigation Jump to search
Հայկ Մկրտիչի Գրիգորյան
Hayk Grigoryan.jpg
Դրոշ
Քննչական կոմիտեի նախագահ
Դրոշ
 հունիսի 10, 2018
Նախորդող Աղվան Հովսեփյան
Դրոշ
Քննչական կոմիտեի նախագահի տեղակալ, զինվորական քննչական գլխավոր վարչության պետ
Դրոշ
2015 - 2018
Դրոշ
Քննչական կոմիտեի զինվորական քննչական գլխավոր վարչության պետի տեղակալ
Դրոշ
2014 - 2015
Դրոշ
ՀՀ պաշտպանության նախարարության քննչական ծառայության պետի տեղակալ
Դրոշ
2011 - 2014
Դրոշ
ՀՀ պաշտպանության նախարարության քննչական ծառայության 2-րդ կայազորային քննչական բաժնի պետ
Դրոշ
2010 - 2011
Դրոշ
ՀՀ զինվորական դատախազության 2-րդ, 3-րդ և Երևանի կայազորի զինվորական դատախազության քննիչ-ստաժոր, ապա՝ քննիչ, այնուհետև՝ ավագ քննիչ
Դրոշ
2001 - 2006
 
Կրթություն՝ Ռուսաստանի Դաշնության պաշտպանության նախարարության ռազմական համալսարանի
Գիտական աստիճան՝ իրավաբանական գիտությունների թեկնածու
Մասնագիտություն՝ իրավաբան
Ծննդյան օր սեպտեմբերի 15, 1976(1976-09-15) (44 տարեկան)
Ծննդավայր Երևան, Հայկական ԽՍՀ, ԽՍՀՄ
Քաղաքացիություն Flag of the Soviet Union.svg ԽՍՀՄ և Flag of Armenia.svg Հայաստան
 
Կայք՝ investigative.am
 
Ռազմական ծառայություն
Կոչում՝
Գերենալ-մայոր
 
Պարգևներ
Հայաստանի Հանրապետության Վարչապետի «ՀՀ Վարչապետի հուշամեդալ»
ՀՀ ազգային անվտանգության ծառայության «Մարտական համագործակցության համար» գերատեսչական մեդալ
Արցախի Հանրապետության ոստիկանության «Համագործակցության ամրապնդման համար» գերատեսչական մեդալ
«Մարշալ Բաղրամյան» մեդալ
Հայաստանի Հանրապետության պաշտպանության նախարարության «Վազգեն Սարգսյան» գերատեսչական մեդալ
Հայաստանի Հանրապետության ոստիկանության «Օրենքի պատվար» գերատեսչական մեդալ
«Անբասիր ծառայության համար» 1-ին աստիճանի մեդալ «Անբասիր ծառայության համար» 2-րդ աստիճանի մեդալ ՀՀ պաշտպանության նախարարության «ՀՀ Զինված ուժեր 20 տարի» գերատեսչական հոբելյանական մեդալ
Հայաստանի Հանրապետության ոստիկանության «Համագործակցության ամրապնդման համար» գերատեսչական մեդալ
Հայաստանի Հանրապետության քննչական կոմիտեի «Անձնվիրություն և անվեհերություն» գերատեսչական մեդալ
ՀՀ ազգային անվտանգության ծառայության Անվտանգության մարմինների 100-ամյակ» գերատեսչական հոբելյանական մեդալ
ՀՀ ՀՔԾ «Գերազանց ծառայության համար» գերատեսչական մեդալ
ՀՀ ՀՔԾ «Հայաստանի Հանրապետության իրավակարգի ամրապնդման համար» գերատեսչական մեդալ
ՀՀ ԳԴ «Հայաստանի Հանրապետության դատախազության 100-ամյակ» գերատեսչական հոբելյանական կրծքանշան
ԱՀ ՊՆ «ԼՂՀ պաշտպանության բանակ» գերատեսչական հոբելյանական հուշամեդալ
Արտասահմանյան պարգևներ
ՌԴ քննչական կոմիտեի «Վաստակի համար» մեդալ ՌԴ քննչական կոմիտեի «Ծառայողական պարտքին հավատարմության համար» մեդալ
ՌԴ քննչական կոմիտեի «Միջազգային համագործակցության ամրապնդման համար» մեդալ
ՌԴ պաշտպանության նախարարության «Ռուսաստանի Դաշնության պաշտպանության նախարարության ռազմական համալսարանի 100-ամյակ» գերատեսչական հոբելյանական մեդալ։
Բելառուսի Հանրապետության «Գերմանաֆաշիստական զավթիչներից Բելառուսի ազատագրման 75-ամյակ» պետական պարգև
ՌԴ պաշտպանության նախարարության «Ռուսաստանի Դաշնության պաշտպանության նախարարության ռազմական համալսարանի 90-ամյակ» գերատեսչական հոբելյանական մեդալ
ՌԴ պաշտպանության նախարարության «Ռուսաստանի Դաշնության պաշտպանության նախարարության ռազմական համալսարանը գերազանցությամբ ավարտելու համար» գերատեսչական մեդալ
ՌԴ քննչական կոմիտեի «1941-1945թթ. Հայրենական մեծ պատերազմում հաղթանակի 75 տարին» հուշամեդալ
Բելառուսի Հանրապետության քննչական կոմիտեի «Վաստակի համար» կրծքանշան
Բելառուսի Հանրապետության քննչական կոմիտեի «Ծառայության և փոխգործակցության համար» կրծքանշան

Հայկ Մկրտիչի Գրիգորյան (սեպտեմբերի 15, 1976թ., Երևան, Հայկական ԽՍՀ) հայ, իրավաբան, Հայաստանի Հանրապետության քննչական կոմիտեի նախագահ (2018 թվականի հուլիսի 10-ից) [1]։

Արդարադատության երրորդ դասի պետական խորհրդական (2019 թվականի հուլիսի 3-ից)[2]։

Իրավաբանական գիտությունների թեկնածու (2009 թվականի սեպտեմբերի 29-ից)։

Կենսագրություն[խմբագրել | խմբագրել կոդը]

Հայկ Գրիգորյանը ծնվել է 1976 թվականի սեպտեմբերի 15-ին՝ Երևան քաղաքում։

1993 թվականին ավարտել է Երևան քաղաքի Ա. Բլոկի անվան № 122 միջնակարգ դպրոցը։

1994 – 1996 թվականները ծառայել է Հայաստանի Հանրապետության զինված ուժերում։

1997 թվականին ընդունվել է Ռուսաստանի Դաշնության պաշտպանության նախարարության ռազմական համալսարանի հատուկ ֆակուլտետի դատախազաքննչական բաժինը։

2001 թվականին էքստեռն եղանակով գերազանցությամբ՝ ոսկե մեդալով, ավարտել է Ռուսաստանի Դաշնության պաշտպանության նախարարության ռազմական համալսարանի հատուկ ֆակուլտետի դատախազաքննչական բաժինը «իրավագիտություն» մասնագիտացմամբ, «իրավաբանի» որակավորմամբ։

2001 - 2006 թվականներին ծառայել է ՀՀ զինվորական դատախազության 2-րդ, 3-րդ և Երևանի կայազորներում՝ նախ որպես քննիչ-ստաժոր, ապա՝ քննիչ, այնուհետև՝ ավագ քննիչ։

Շուրջ 2 տարի ներգրավված է եղել ՀՀ զինվորական կենտրոնական դատախազության հատկապես կարևոր գործերով քննության վարչության քննչական խմբերում։

2006 թվականի օգոստոսի 25-ին Ռուսաստանի Դաշնության պաշտպանության նախարարության ռազմական համալսարանի ադյունկտուրա ընդունվելու, թեկնածուական ատենախոսությունը նախապատրաստելու և պաշտպանելու համար, սեփական դիմումի համաձայն, ազատվել է զբաղեցրած պաշտոնից։

2006 թվականի սեպտեմբերի 11-ին ընդունվել է Ռուսաստանի Դաշնության պաշտպանության նախարարության ռազմական համալսարանի ադյունկտուրա։

2009 թվականի սեպտեմբերի 25-ին ավարտել է ադյունկտուրան և պաշտպանել թեկնածուական ատենախոսություն` «Զինված ընդհարումների շրջաններում Հայաստանի Հանրապետության զինված ուժերի զինծառայողների կողմից կատարված հանցագործությունների քննությունը» վերտառությամբ՝ ստանալով իրավաբանական գիտությունների թեկնածուի գիտական աստիճան։

Թեկնածուական ատենախոսությունը պաշտպանելուց և իրավաբանական գիտությունների թեկնածուի գիտական աստիճանը ստանալուց հետո ծառայությունը շարունակել է ՀՀ պաշտպանության նախարարությունում։

2009 թվականի դեկտեմբերի 21-ին նշանակվել է ՀՀ պաշտպանության նախարարության քննչական ծառայության վերահսկողության, մեթոդիկայի և վերլուծության բաժնի ավագ քննիչ։

2010 թվականի օգոստոսի 17-ին նշանակվել է ՀՀ պաշտպանության նախարարության քննչական ծառայության 2-րդ կայազորային քննչական բաժնի պետ (ՀՀ ՊՆ թիվ 55292 զորամասի հրամանատար)։

2011 թվականի դեկտեմբերի 13-ին ՀՀ պաշտպանության նախարարության քննչական ծառայության պետի տեղակալ (ՀՀ ՊՆ թիվ 55555 զորամասի հրամանատարի տեղակալ)։

2013 թվականի սեպտեմբերի 23-ին ընդունվել է Ռուսաստանի Դաշնության պաշտպանության նախարարության ռազմական համալսարանի հեռակա ուսուցմամբ դոկտորանտուրա, որտեղ պատրաստել է դոկտորական ատենախոսությունը՝ «Զինված ընդհարման ժամանակ հակամարտող կողմերի կատարած պատերազմական հանցագործությունների քննության միջազգային իրավական և կազմակերպչական հիմքերը» վերտառությամբ։

2014 թվականի հոկտեմբերի 9-ին վերանշանակվել է ՀՀ քննչական կոմիտեի զինվորական քննչական գլխավոր վարչության պետի տեղակալ։

2015 թվականի հունվարի 14-ին ՀՀ Նախագահի հրամանագրով նշանակվել է ՀՀ քննչական կոմիտեի նախագահի տեղակալ, զինվորական քննչական գլխավոր վարչության պետ [3]։

2018 թվականի հունիսի 10-ին ՀՀ կառավարության որոշմամբ նշանակվել է ՀՀ քննչական կոմիտեի նախագահ [4]։

Հեղինակ է շուրջ 45 գիտական հոդվածների, 2 մենագրությունների ու այլ աշխատությունների (ընդհ. ծավ. 76 տպ. մամուլ), որոնք վերաբերում են քրեական և միջազգային իրավունքի, քրեական դատավարության և քրեագիտության արդի հիմնահարցերին։

Աշխատանքային գործունեության ընթացքում պարգևատրվել է 21 մեդալով, 4 հուշամեդալով, 1 պետական պարգևով և 3 կրծքանշանով։

Ամուսնացած է, ունի երկու երեխա։

Կրթություն[խմբագրել | խմբագրել կոդը]

1997թ. ընդունվել է Ռուսաստանի Դաշնության պաշտպանության նախարարության ռազմական համալսարանի հատուկ ֆակուլտետի դատախազաքննչական բաժինը։

2001թ. էքստեռն եղանակով գերազանցությամբ՝ ոսկե մեդալով ավարտել է Ռուսաստանի Դաշնության պաշտպանության նախարարության ռազմական համալսարանի հատուկ ֆակուլտետի դատախազաքննչական բաժինը «իրավագիտություն» մասնագիտացմամբ, «իրավաբանի» որակավորմամբ։

2006թ. ընդունվել է Ռուսաստանի Դաշնության պաշտպանության նախարարության ռազմական համալսարանի ադյունկտուրա։

2009թ. ավարտել է ադյունկտուրան և պաշտպանել թեկնածուական ատենախոսություն` «Զինված ընդհարումների շրջաններում Հայաստանի Հանրապետության զինված ուժերի զինծառայողների կողմից կատարված հանցագործությունների քննությունը» վերտառությամբ՝ ստանալով իրավաբանական գիտությունների թեկնածուի գիտական աստիճան։

2013թ. ընդունվել է Ռուսաստանի Դաշնության պաշտպանության նախարարության ռազմական համալսարանի հեռակա ուսուցմամբ դոկտորանտուրա, որտեղ պատրաստել է դոկտորական ատենախոսությունը՝ «Զինված ընդհարման ժամանակ հակամարտող կողմերի կատարած պատերազմական հանցագործությունների քննության միջազգային իրավական և կազմակերպչական հիմքերը» վերտառությամբ։

Աշխատանքային գործունեություն[խմբագրել | խմբագրել կոդը]

2001 - 2006թթ. ՀՀ զինվորական դատախազության 2-րդ, 3-րդ և Երևանի կայազորներում՝ նախ որպես քննիչ-ստաժոր, ապա՝ քննիչ, այնուհետև՝ ավագ քննիչ։

2009 - 2010թթ. ՀՀ պաշտպանության նախարարության քննչական ծառայության վերահսկողության, մեթոդիկայի և վերլուծության բաժնի ավագ քննիչ։

2010 - 2011թթ. ծառայության մեջ առաջխաղացման կարգով՝ ՀՀ պաշտպանության նախարարության քննչական ծառայության 2-րդ կայազորային քննչական բաժնի պետ (ՀՀ ՊՆ թիվ 55292 զորամասի հրամանատար)։

2011 - 2014թթ. ծառայության մեջ առաջխաղացման կարգով՝ ՀՀ պաշտպանության նախարարության քննչական ծառայության պետի տեղակալ (ՀՀ ՊՆ թիվ 55555 զորամասի հրամանատարի տեղակալ)։

2014 - 2015թթ. ՀՀ քննչական կոմիտեի զինվորական քննչական գլխավոր վարչության պետի տեղակալ։

2015 - 2018թթ. ՀՀ քննչական կոմիտեի նախագահի տեղակալ, զինվորական քննչական գլխավոր վարչության պետ։

2018թ. - ՀՀ քննչական կոմիտեի նախագահ։

Զինվորական կոչումներ և դասային աստիճաններ[խմբագրել | խմբագրել կոդը]

2001 թվականի հունիսի 5-ին ՀՀ պաշտպանության նախարարի հրամանով շնորհվել է լեյտենանտի առաջնային զինվորական կոչում։

2002 թվականի դեկտեմբերի 9-ին ՀՀ գլխավոր դատախազի հրամանով շնորհվել է երրորդ դասի իրավաբանի դասային աստիճան։

2004 թվականի դեկտեմբերի 22-ին ՀՀ գլխավոր դատախազի հրամանով շնորհվել է երկրորդ դասի իրավաբանի դասային աստիճան։

2006 թվականի օգոստոսի 15-ին ՀՀ գլխավոր դատախազի հրամանով, ոչ ակներևության պայմաններում շատերի կյանքի համար վտանգավոր եղանակով կատարված երկու դիտավորյալ սպանությունների բացահայտման համար, խրախուսման կարգով, շնորհվել է առաջին դասի իրավաբանի դասային աստիճան։

2006 թվականի սեպտեմբերի 11-ին ՀՀ պաշտպանության նախարարի հրամանով շնորհվել է ավագ լեյտենանտի հերթական սպայական զինվորական կոչում։

2009 թվականի դեկտեմբերի 26-ին ՀՀ պաշտպանության նախարարի հրամանով շնորհվել է կապիտանի հերթական սպայական զինվորական կոչում։

2010 թվականի մարտի 22-ին ՀՀ պաշտպանության նախարարի հրամանով վաղաժամկետ շնորհվել է մայորի հերթական սպայական զինվորական կոչում։

2013 թվականի ապրիլի 13-ին ՀՀ պաշտպանության նախարարի հրամանով շնորհվել է փոխգնդապետի հերթական սպայական զինվորական կոչում։

2014 թվականի հոկտեմբերի 9-ին ՀՀ քննչական կոմիտեի նախագահի հրամանով շնորհվել է արդարադատության փոխգնդապետի կոչում։

2015 թվականի հունվարի 19-ին ՀՀ քննչական կոմիտեի նախագահի հրամանով շնորհվել է արդարադատության գնդապետի կոչում։

2018 թվականի ապրիլի 9-ին ՀՀ քննչական կոմիտեի նախագահի հրամանով շնորհվել է արդարադատության առաջին դասի խորհրդականի դասային աստիճան։

2019 թվականի հուլիսի 3-ին ՀՀ Վարչապետի ներկայացմամբ, ՀՀ Նախագահի թիվ ՆՀ-148-Ա հրամանագրով շնորհվել է արդարադատության երրորդ դասի պետական խորհրդականի դասային աստիճան[5]։

Պարգևներ[խմբագրել | խմբագրել կոդը]

Գերատեսչական պարգևներ[խմբագրել | խմբագրել կոդը]

  • Հայաստանի Հանրապետության Վարչապետի «ՀՀ Վարչապետի հուշամեդալ»՝ 2 անգամ։
  • Հայաստանի Հանրապետության քննչական կոմիտեի «Անձնվիրություն և անվեհերություն» գերատեսչական մեդալ։
  • Հայաստանի Հանրապետության հատուկ քննչական ծառայության «Հայաստանի Հանրապետության իրավակարգի ամրապնդման համար» գերատեսչական մեդալ։
  • Հայաստանի Հանրապետության հատուկ քննչական ծառայության «Գերազանց ծառայության համար» գերատեսչական մեդալ։
  • Հայաստանի Հանրապետության ազգային անվտանգության ծառայության «Մարտական համագործակցության համար» գերատեսչական մեդալ։
  • Հայաստանի Հանրապետության ազգային անվտանգության ծառայության «Անվտանգության մարմինների 100-ամյակ» գերատեսչական հոբելյանական մեդալ։
  • Հայաստանի Հանրապետության գլխավոր դատախազության «Հայաստանի Հանրապետության դատախազության 100-ամյակ» գերատեսչական հոբելյանական կրծքանշան։
  • «Մայրական երախտագիտություն» մեդալ։
  • Հայաստանի Հանրապետության ոստիկանության «Օրենքի պատվար» գերատեսչական մեդալ։
  • Հայաստանի Հանրապետության ոստիկանության «Համագործակցության ամրապնդման համար» գերատեսչական մեդալ։
  • Արցախի Հանրապետության ոստիկանության «Համագործակցության ամրապնդման համար» գերատեսչական մեդալ։
  • Հայաստանի Հանրապետության պաշտպանության նախարարության «Մարշալ Բաղրամյան» գերատեսչական մեդալ։
  • Հայաստանի Հանրապետության պաշտպանության նախարարության «Վազգեն Սարգսյան» գերատեսչական մեդալ։
  • Հայաստանի Հանրապետության պաշտպանության նախարարության «Անբասիր ծառայության համար» 1-ին աստիճանի գերատեսչական մեդալ։
  • Հայաստանի Հանրապետության պաշտպանության նախարարության «Անբասիր ծառայության համար» 2-րդ աստիճանի գերատեսչական մեդալ։
  • Հայաստանի Հանրապետության պաշտպանության նախարարության «Հայաստանի Հանրապետության Զինված ուժեր 20 տարի» գերատեսչական հոբելյանական մեդալ։
  • Արցախի Հանրապետության պաշտպանության նախարարության «ԼՂՀ պաշտպանության բանակ» գերատեսչական հոբելյանական հուշամեդալ։

Արտասահմանյան պարգևներ[խմբագրել | խմբագրել կոդը]

  • Ռուսաստանի Դաշնության պաշտպանության նախարարության «Ռուսաստանի Դաշնության պաշտպանության նախարարության ռազմական համալսարանը գերազանցությամբ ավարտելու համար» գերատեսչական մեդալ։
  • Ռուսաստանի Դաշնության քննչական կոմիտեի «Վաստակի համար» գերատեսչական մեդալ։
  • Ռուսաստանի Դաշնության քննչական կոմիտեի «Ծառայողական պարտքին հավատարմության համար» մեդալ։
  • Ռուսաստանի Դաշնության քննչական կոմիտեի «Միջազգային համագործակցության ամրապնդման համար» մեդալ (2 անգամ)[6]։
  • Ռուսաստանի Դաշնության քննչական կոմիտեի «1941-1945թթ. Հայրենական մեծ պատերազմում հաղթանակի 75 տարին» հուշամեդալ։
  • Բելառուսի Հանրապետության քննչական կոմիտեի «Վաստակի համար» կրծքանշան։
  • Բելառուսի Հանրապետության «Գերմանաֆաշիստական զավթիչներից Բելառուսի ազատագրման 75-ամյակ» պետական պարգև։
  • Բելառուսի Հանրապետության քննչական կոմիտեի «Ծառայության և փոխգործակցության համար» կրծքանշան։
  • Ռուսաստանի Դաշնության պաշտպանության նախարարության «Ռուսաստանի Դաշնության պաշտպանության նախարարության ռազմական համալսարանի 90-ամյակ» գերատեսչական հոբելյանական մեդալ։
  • Ռուսաստանի Դաշնության պաշտպանության նախարարության «Ռուսաստանի Դաշնության պաշտպանության նախարարության ռազմական համալսարանի 100-ամյակ» գերատեսչական հոբելյանական մեդալ։

Այլ պարգևներ[խմբագրել | խմբագրել կոդը]

  • Պարգևատրվել է մի շարք պատվոգրերով։

Գիտական աշխատանքներ[խմբագրել | խմբագրել կոդը]

Հարցազրույցներ[խմբագրել | խմբագրել կոդը]

  1. Հայկ Գրիգորյան - Կանոնադրային հարաբերությունների ամրապնդումը՝ մարդակենտրոն բանակ ստեղծելու երաշխիք (21.05.2015թ.)
  2. Հայկ Գրիգորյան - Նախագահ Բակո Սահակյանն ընդունել է ՀՀ քննչական կոմիտեի նախագահի տեղակալին (04.02.2016թ.)
  3. Հայկ Գրիգորյան - Կանխել հանցանք ծնող պատճառները (29.08.2017թ.)
  4. Հայկ Գրիգորյան - Հայկ Գրիգորյանը նշանակվեց ՀՀ քննչական կոմիտեի նախագահ (10.07.2018թ.)
  5. Հայկ Գրիգորյան - Քննչական կոմիտեի նախագահը՝ կադրային ջարդի մասին (23.07.2018թ.)
  6. Հայկ Գրիգորյան - Չարաշահումները կրել են զանգվածային բնույթ՝ կլանելով պետական կառավարման ամենատարբեր ոլորտները (23.08.2018թ.)
  7. Հայկ Գրիգորյան - Քննչական կոմիտեի աշխատողի օրվա հանդիսավոր նիստին (07.10.2018թ.)
  8. Հայկ Գրիգորյան - Քննչական կոմիտեի նախագահ Հայկ Գրիգորյանի մամլո ասուլիսը (08.10.2018թ.)
  9. Հայկ Գրիգորյան - Ուսումնասիրությունները ցույց են տալիս, որ եռակի աճել են քննիչներին վարույթից հեռացնելու դեպքերը (08.10.2018թ.)
  10. Հայկ Գրիգորյան - Արցախի Հանրապետության նախագահ Բակո Սահակյանն ընդունել է ՀՀ քննչական կոմիտեի նախագահ Հայկ Գրիգորյանին (25.02.2019թ.)
  11. Հայկ Գրիգորյան - Քննչական կոմիտեի նախագահ Հայկ Գրիգորյանի ելույթը՝ «Քրեական գործերով խափանման միջոց կիրառելու հիմքերի, խափանման միջոց կիրառելու կարգի, կալանավորման, կալանքի տակ պահելու ժամկետի վերաբերյալ» ուղեցույցի մասին (03.04.2019թ.)
  12. Հայկ Գրիգորյան - Քննչական կոմիտեի նախագահ Հ.Գրիգորյանը, Ոստիկանության օրվան նվիրված հանդիսավոր նիստում, պարգևատրել է մի շարք աշխատակիցների (15.04.2019թ.)
  13. Հայկ Գրիգորյան - ԱԺ մարդու իրավունքների պաշտպանության և բյուջետային հարցերի հանձնաժողովների համատեղ նիստում Քննչական կոմիտեի նախագահը պատասխանել է մի շարք հարցերի (10.06.2019թ.)
  14. Հայկ Գրիգորյան - Աբովյանում տեղի ունեցած միջադեպի մասով կա 4 վարկած, 20 հոգի հարցաքննվել (10.06.2019թ.)
  15. Հայկ Գրիգորյան - Քննչական կոմիտեի նախագահը` վարչապետի հայտարարության մասին (15.06.2019թ.)
  16. Հայկ Գրիգորյան - Քննչական կոմիտեի նախագահ Հայկ Գրիգորյանը, դատախազության աշխատողի օրվա կապակցությամբ, պարգևատրել է մի շարք աշխատակիցների (30.06.2019թ.)
  17. Հայկ Գրիգորյան - Սահմանադրության օրվա առթիվ՝ ՀՀ Նախագահի նստավայրում բարձրագույն դասային աստիճան է շնորհվել Քննչական կոմիտեի նախագահ Հայկ Գրիգորյանին (05.07.2019թ.)
  18. Հայկ Գրիգորյան - Տեղի է ունեցել Հայաստանի, Ռուսաստանի և Բելառուսի քննչական կոմիտեների չորրորդ համատեղ կոլեգիայի նիստը (17.07.2019թ.)
  19. Հայկ Գրիգորյան - Չորրորդ համատեղ կոլեգիայի նիստ (17.07.2019թ.)
  20. Հայկ Գրիգորյան - Ես նախաձեռնել եմ փոփոխություններ, որը կհանգեցնի հանցավորության դեմ ավելի արդյունավետ պայքարի. Քննչական կոմիտեի նախագահ Հայկ Գրիգորյանի ելույթը` Հայաստանի, Ռուսաստանի և Բելառուսի քննչական կոմիտեների չորրորդ համատեղ կոլեգիայի նիստին (17.07.2019թ.)
  21. Հայկ Գրիգորյան - «Լիդիան»-ի գործը կկարճվի. քրեական հետապնդման հիմքեր չկան (14.08.2019թ.)
  22. Հայկ Գրիգորյան - ՀՀ քննչական կոմիտեի նախագահն աշխատանքային հանդիպում է ունեցել ՌԴ Քննչական կոմիտեի նախագահի հետ (09.09.2019թ.)
  23. Հայկ Գրիգորյան - Քննչական կոմիտեի 5-ամյակի հոբելյանական հանդիսավոր նիստին Քննչական կոմիտեի նախագահի ելույթը՝ ունենք բավարար ներուժ` առանց որևէ կաշկանդվածության իրացնելու մեր սահմանադրական լիազորությունները (08.10.2019թ.)
  24. Հայկ Գրիգորյան - Քննչական կոմիտեում քննվող քրեական գործերի մասին. (21.10.2019թ.)
  25. Հայկ Գրիգորյան - ԱԱԾ տնօրենի և ՀՔԾ պետի գաղտնալսման ձայնագրությունը տարածվել է ԱՊՀ տարածքից (30.10.2019թ.)
  26. Հայկ Գրիգորյան - Վայոց ձորի մարզում տեղի ունեցած միջադեպի մասին (30.10.2019թ.)
  27. Հայկ Գրիգորյան - Մոսկվայում տեղի է ունեցել Հայաստանի Հանրապետության և Ռուսաստանի Դաշնության քննչական կոմիտեների նախագահների աշխատանքային հանդիպումը (08.11.2019թ.)
  28. Հայկ Գրիգորյան - Հայաստանի և Ռուսաստանի քննչական կոմիտեների նախագահների աշխատանքային հանդիպման ընթացքում ստորագրվել է երկու փաստաթուղթ (08.11.2019թ.)
  29. Հայկ Գրիգորյան - Եռօրյա ախատանքային այցի շրջանակում Քննչական կոմիտեի նախագահ Հայկ Գրիգորյանի ճեպազրույցը՝ բելառուսական հեռուստաընկերություններին (13. 12.2019թ.)
  30. Հայկ Գրիգորյան - Քննչական կոմիտեի նախագահը՝ ապօրինի որդեգրման դեպքերի առթիվ քննվող քրեական գործի մասին (19.12.2019թ.)
  31. Հայկ Գրիգորյան - Քննչական կոմիտեի նախագահ. Կուտոյանի ինքնասպանությունը կատարվել է նեղ անձնական շարժառիթով. (28.01.2020թ.)
  32. Հայկ Գրիգորյան - Քննչական կոմիտեի նախագահ Հայկ Գրիգորյանի ճեպազրույցը՝ ուղիղ (09.06.2020)

Ծանոթագրություններ[խմբագրել | խմբագրել կոդը]

  1. «Կառավարության որոշումներ - Հայաստանի Հանրապետության էլեկտրոնային կառավարում | e-gov»։ www.e-gov.am։ Վերցված է 2019-02-25 (չաշխատող հղում)
  2. «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am (հայերեն)։ Վերցված է 2019-07-05 
  3. «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am (հայերեն)։ Վերցված է 2019-02-25 
  4. «Կառավարության որոշումներ - Հայաստանի Հանրապետության էլեկտրոնային կառավարում | e-gov»։ www.e-gov.am։ Վերցված է 2020-04-20 (չաշխատող հղում)
  5. «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am (հայերեն)։ Վերցված է 2019-07-12 
  6. «ՀՀ ՔԿ նախագահ Հայկ Գրիգորյանը Ռուսաստանում արժանացել է պարգևների»։ Azat TV (hy-AM)։ 2019-07-24։ Վերցված է 2020-04-25