Հայկական հիշողության ազգային կենտրոն

Հայկական հիշողության ազգային կենտրոն

Երկիր	Ֆրանսիա
Տեսակ	մշակութային կենտրոն և գրադարան
Հիմնվել է	հոկտեմբերի 20, 2013
Տեղադրություն	Դեսին Շարպ
Հասցե	32, rue du 24-avril-1915 69150 Décines-Charpieu
Այլ տվյալներ
Կայք	cnma.fr​(ֆր.)

Հայկական հիշողության ազգային կենտրոն (ֆրանսերեն՝ Le centre national de la mémoire arménienne (CNMA)) փաստավավերագրական կենտրոն, գրադարան Ֆրանսիայի Դեսին քաղաքում՝ նվիրված Հայոց պատմությանն ու Հայոց ցեղասպանությանը։

Պատմություն

Կենտրոնի բացման արարողությանը մասնակցել են Ֆրանսիայի նախագահ Ֆրանսուա Օլանդի ներկայացուցիչ՝ Մշակույթի և հաղորդակցության նախարար տիկին Օրելի Ֆիլիպետտին, Հայաստանի սփյուռքի նախարար Հրանուշ Հակոբյանը, ֆրանսիացի հյուրեր, հայ համայնքի ներկայացուցիչներ։

Հայկական հիշողության ազգային կենտրոնի ստեղծմանն աջակցել են Բուլլուկյան հիմնադրամը, Լիոնի և Դեսինի տեղական ինքնակառավարման մարմինները՝ Մեծ Լիոնը, Ռոն-Ալպի շրջանը, Ռոնի ընդհանուր խորհուրդը, Դեսինի և Մեզիոյի քաղաքապետարանները։

Հայկական հիշողության ազգային կենտրոնի նախագահն է Ժյուլ Մարտիրոսյանը, տնօրենը՝ Կատիա Բուդոյանը։

Գործունեություն

Ինստիտուտը փաստավավերագրական կենտրոն է, որտեղ պահվում են 110 000 փաստաթուղթ և 12 000 գիրք, հայկական պատմությանն առնչվող նյութեր, ինչպես նաև Ֆրանսիայում և եվրոպական այլ երկրներում ապրող ու արարող հայ մշակութային գործիչների ստեղծագործություններ։ Կենտրոնի նպատակն է՝ ֆրանսահայերի ազգային ինքնության պահպանումը, Ցեղասպանության և դրա հետևանքների վերացման ուղղությամբ տարվող հետազոտությունների իրականացումը, ինչպես նաև ֆրանս-հայկական միջմշակութային կապերի զարգացումը և կենտրոնի միջոցով հայկական ժառանգության վերականգնումն ու հարստացումը։

Ծանոթագրություններ

Վիքիպահեստն ունի նյութեր, որոնք վերաբերում են «Հայկական հիշողության ազգային կենտրոն» հոդվածին։