Հայկազ Հակոբյան
- Վիքիպեդիայում կան հոդվածներ Հակոբյան ազգանունով այլ մարդկանց մասին։
| Հայկազ Հակոբյան | |
|---|---|
| Ծնվել է | 1918 |
| Ծննդավայր | Աշխաբադ, Անդրկասպյան մարզ, Ռուսական կայսրություն |
| Մահացել է | անհայտ |
| Քաղաքացիություն |  ԽՍՀՄ |
| Կրթություն | Հայկական պետական մանկավարժական համալսարան |
| Մասնագիտություն | մանկավարժ |
| Կուսակցություն | ԽՄԿԿ |
| Պարգևներ և մրցանակներ |   և  |
Հայկազ Խաչատուրի Հակոբյան (1918, Աշխաբադ, Անդրկասպյան մարզ, Ռուսական կայսրություն - անհայտ), հայ մանկավարժ։ ԽՄԿԿ անդամ, Երկրորդ համաշխարհային պատերազմի Արևելյան ճակատի («Հայրենական մեծ պատերազմ», 1941-1945) մասնակից։
Կենսագրություն[խմբագրել | խմբագրել կոդը]
Հայկազ Հակոբյանը ծնվել է 1918 թվականին, Աշխաբադ քաղաքում։ 1931 թվականին ընտանիքով տեղափոխվել է Սիսիանի շրջանի Հացավան գյուղ։ 1937 թվականին Հայկազը Երևանի ժողտնտտեխնիկումն ավարտելուց հետո նշանակվել է Լոր գյուղի դպրոցի ուսուցիչ։ Աշխատանքին զուգընթաց սովորել և ավարտել է Երևանի հեռակա մանկավարժական ինստիտուտը։ 1939 թվականին ընդունվել է կուսակցության շարքերը։ 1940 թվականին զորակոչվել է զինվորական ծառայության[1]։
Հակոբյանը 1941-1945 թվականներին մասնակցել է Խորհրդային Միության դեմ Նացիստական Գերմանիայի սանձազերծած պատերազմին, նրա մարտական ուղին անցել է 718-րդ հրաձգային գնդի շարքերում, որտեղ գնդացրային վաշտի քաղղեկից հասել է գումարտակի հրամանատարի պաշտոնին[1]։
Պատերազմի առաջին օրերից սկսած մասնակցել է Խարկովի, Ստալինգրադի, Կուրսկի աղեղի, Պոլտավայի ճակատամարտերին, Բելոռուսիայի, Լատվիայի ազատագրմանը, Քյոնիգսբերգի գրավմանը։ Խարկովի մատույցներում վիրավորվել է, բուժվելուց հետո մասնակցել է Ստալինգրադում գերմանական զորքերի շրջապատմանն ու ջախջախմանը[1]։
Պատերազմի հաղթական ավարտից հետո Հայկազը շարունակել է ծառայությունը խորհրդային բանակում։ Զորացրվելուց հետո աշխատել է Հայաստանի գիտությունների ակադեմիայի համակարգում։ Պահեստի մայոր Հակոբյանը պարգևատրվել է «Կարմիր դրոշի», «Ալեքսանդր Նևսկու», «Կարմիր աստղի» շքանշաններով և մարտական մեդալներով[1]։
Պարգևներ[խմբագրել | խմբագրել կոդը]
- «Կարմիր դրոշի» շքանշան
- «Կարմիր աստղի» շքանշան
- «Ալեքսանդր Նևսկու» շքանշան