Հայերեն ստուգաբանական բառարան
Հայերեն ստուգաբանական բառարան | |
|---|---|
| Հեղինակ | Գևորգ Ջահուկյան |
| Տեսակ | բառարան |
| Բնօրինակ լեզու | հայերեն |
| Հրատարակման վայր | Երևան |
| Հրատարակման տարեթիվ | 2010 |
«Հայերեն ստուգաբանական բառարան», կազմել է Գևորգ Ջահուկյանը։
Պատմություն[խմբագրել | խմբագրել կոդը]
Լույս է տեսել 2010 թվականին Երևանում։ Հայերենի ամենաընդարձակ ստուգաբանական բառարանն է. պարունակում է շուրջ 12 հազար բառահոդված՝ ներառյալ նաև կեղծ, սխալագիր և միայն մեկ անգամ հանդիպած բառերը։ Այս աշխատությունը, որի հիմնական սկզբնաղբյուրը Հ. Աճառյանի «Հայերեն արմատական բառարանն» է, ընդգրկում է նաև արմատական բառարանի հրատարակությունից հետո հայ իրականության մեջ կատարված ստուգաբանական հետազոտությունների արդյունքները։
Յուրաքանչյուր բառահոդված պարունակում է բառի տարբերակները, իմաստները, ստուգաբանությունը և աղբյուրները։ Աշխատությունն ավարտվում է հին հայերենի վերջածանցների ստուգաբանությանը նվիրված բաժնով։
«Հայերեն ստուգաբանական բառարան»-ի վերջնական խմբագրման աշխատանքները կատարել է Վահան Սարգսյանը։
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|