Հայաստանի գիտության և տեխնոլոգիաների հիմնադրամ
| Հայաստանի գիտության և տեխնոլոգիաների հիմնադրամ | |
|---|---|
| Տեսակ | հիմնադրամ |
| Երկիր |  Հայաստան |
| Հիմնադրված | 2016 |
| Հիմնադիր | Ռուբեն Վարդանյան, Նուբար Աֆեյան և Մեսրոպ քահանա Արամյան |
| Կայք | fast.foundation |
Հայաստանի գիտության և տեխնոլոգիաների հիմնադրամ (անգլ.՝ Foundation for Armenian Science and Technology, FAST), 2016 թվականին ստեղծված հիմնադրամ, որի առաքելությունն է Հայաստանում և նրա սահմաններից դուրս տեխնոլոգիական նորարարության և գիտական առաջխաղացման խթանի համար նպաստավոր էկոհամակարգ ստեղծել։ FAST-ը մտադիր է համախմբել Հայաստանի, հայկական աշխարհի ու միջազգային համայնքի գիտական, տեխնոլոգիական և ֆինանսական ռեսուրսները[1]։
Պատմություն[խմբագրել | խմբագրել կոդը]
Հայաստանի գիտության և տեխնոլոգիաների հիմնադրամը (FAST) ստեղծվել է որպես տեխնոլոգիական և գիտական շրջադարձային նշանակության ձեռքբերումները Հայաստանի հիմնարար գիտական, տեխնոլոգիական, ինժեներական և մաթեմատիկական (STEM) ավանդույթների վերածնման միջոցով երկիր բերելու, նորարարությունների համար նպաստավոր միջավայր ստեղծելու, գիտությունների և տեխնոլոգիաների ոլորտում կրթության զարգացման, ինչպես նաև վենչուրային կապիտալի գործուն էկոհամակարգի ձևավորման հարթակ։
Հիմնադրամի համահիմնադիրներն են Ռուբեն Վարդանյանը և Նուբար Աֆեյանը՝ «Հայաստանի զարգացման նախաձեռնություններ» (IDeA) հիմնադրամի կողմից, Հայր Մեսրոպ Արամյանը՝ «Այբ» և «Լույս» հիմնադրամների կողմից և ձեռնարկատեր Արթուր Ալավերդյանը։
2017 թվականի ապրիլին «Աթհգո» կորպորացիայի հիմնադիրն ու նախագահ Արմեն Օրուջյանը դարձել է հիմնադրամի գլխավոր գործադիր տնօրեն[2][3]։
Ծանոթագրություններ[խմբագրել | խմբագրել կոդը]
- ↑ «Հայաստանի գիտության և տեխնոլոգիաների հիմնադրամ». Արխիվացված է օրիգինալից 2018 թ․ փետրվարի 8-ին. Վերցված է 2018 թ․ ապրիլի 15-ին.
- ↑ FAST հիմնադրամը մեկնարկում է
- ↑ FAST հիմնադրամը հայտարարել է Խորհրդատվական խորհրդի ստեղծման և տնօրենի նշանակման մասին