Արմեն Օրուջյան

Վիքիպեդիայից՝ ազատ հանրագիտարանից
Jump to navigation Jump to search
Արմեն Օրուջյան
Armen Orujyan.jpg
Ծնվել էփետրվարի 15, 1974(1974-02-15) (45 տարեկան)
Ազգությունհայ
ԿրթությունԼոս Անջելեսի կալիֆոռնյան համալսարան և Քլերմոնթի հետբուհական համալսարան
Մասնագիտությունգիտնական և քաղաքական գործիչ
ԱշխատավայրՏՀՏ և Զարգացման Գլոբալ դաշինք, Broadband Commission for Digital Development?, ԱԹՀԳՕ և Հայաստանի գիտության և տեխնոլոգիաների հիմնադրամ

Արմեն Օրուջյան (անգլ.՝ Armen Orujyan, փետրվարի 15), ամերիկահայ քաղաքական գործիչ, նորարարական էկոհամակարգերի մասնագետ, գործարար, գիտությունների թեկնածու, Հայաստանի գիտության և տեխնոլոգիաների հիմնադրամի (FAST) գործադիր տնօրեն, Athgo (ԱԹՀԳՕ) կորպորացիայի հիմնադիր և նախկին նախագահ[1]:

Գործունեություն[խմբագրել | խմբագրել կոդը]

Օրուջյանը Լոս Անջելեսի կալիֆոռնյան համալսարանից ստանցել է քաղաքագիտության բակալավրի աստիճան, Քլերմոնթի հետբուհական համալսարանի քաղաքագիտության և տնտեսագիտության դպրոցից՝ մագիստրոսի և գիտությունների թեկնածուի կոչում:

1999 թվականին Օրուջյանը հիմնադրել է Athgo կորպորացիան, որը խորհրդատվական կարգավիճակ ունի ՄԱԿ-ի Տնտեսական և Սոցիալական խորհրդում, ՄԱԿ-ի Հանրային տեղեկատվության բաժնում և Մտավոր սեփականության համաշխարհային կազմակերպությունում[2][3]։

Գործունեության սկզբնական շրջանում Օրուջյանը մասնակցել է տարբեր քաղաքական գործընթացների, որպես խորհրդական աշխատել ԱՄՆ-ում տարբեր քաղաքական արշավների, այդ թվում՝ նախագահական նախընտրական արշավների շրջանակում: 2001 թվականին երիտասարդների և սոցիալական խնդիրներ ունեցողների համար հնարավորությունների ստեղծման ուղղությամբ իրականացվող ծրագրերի շրջանակում Օրուջյանը նախաձեռնել է մարդու իրավունքների հարցերին վերաբերող շարժում, որի ցույցերին Լոս Անջելեսում մասնակցել է ավելի քան 40 000 երիտասարդ և շահառու քաղաքացի: Սոցիալական ցանցերի հնարավորություններն օգտագործելով և համախմբելով երիտասարդների ներուժը՝ շարժումն այսօր դարձել է ամենամյա նախաձեռնություն, որի համակիրների թիվը գերազանցում է 150 000-ը:

2006 թվականին Օրուջյանը դարձել է ՄԱԿ-ի ՏՀՏ և Զարգացման Գլոբալ դաշինքի (GAID) հիմնադիր անդամ և մինչև 2013 թվականը եղել GAID-ի համանախագահը: Օրուջյանը ճանաչվել է ՄԱԿ-ի տեղեկատվական և հաղորդակցական տեխնոլոգիաների և երիտասարդության հարցերով էլ.-առաջնորդ, ընտրվել որպես «Asia Society»-ի՝ մինչև 40 տարեկան երիտասարդ առաջնորդ[4][5][6]: Մինչև 2015 թվականին եղել է ՄԱԿ-ի թվային տեխնոլոգիաների հարցերով ընդլայնված հանձնաժողովի հանձնակատար[3]:

2016 թվականին Օրուջյանը դարձել է Հայաստանի գիտության և տեխնոլոգիաների հիմնադրամի գործադիր տնօրեն[7]: Նրա ղեկավարությամբ Հայաստանի գիտության և տեխնոլոգիաների հիմնադրամը Հայաստանում մեկնարկել է կրթաթոշակ ԳՏԻՄ-ի ասպիրանտների լավագույն 10%-ի համար[8] և Հայաստանում հիմնադրել է առաջին գիտա-տեխնոլոգիական ցանցը[9]:

2017 թվականին Օրուջյանը դարձել է Ռայս համալսարանի Ջեյմս Ա. Բեյքերի անվան հանրային քաղաքականության ինստիտուտի խորհրդատվական խորհրդի անդամ[10]։

Մրցանակներ[խմբագրել | խմբագրել կոդը]

  • Քլերմոնթի համալսարանի կողմից արժանացել է զգալի ձեռքբերումներ արձանագրած շրջանավարտի մրցանակի[11]

Ծանոթագրություններ[խմբագրել | խմբագրել կոդը]

  1. Արմեն Օրուջյան. FAST-ը ցավազրկող չէ, այն հակաբիոտիկ է
  2. «Armen Orujyan»։ athgo.org։ Վերցված է 2 April 2018 
  3. 3,0 3,1 «ORUJYAN»։ www.broadbandcommission.org։ Վերցված է 2 April 2018 
  4. Հայ երիտասարդը` ՄԱԿ-ի հանձնաժողովներից մեկի ղեկավար
  5. [http://www.lragir.am/index/arm/0/society/wv5k/8989 ԱՄԵՐԻԿԱՀԱՅ ԴՈԿՏՈՐԸ ՄԱԿ ՀԱՆՁՆԱԺՈՂՈՎԻ ՂԵԿԱՎԱՐ]
  6. «Armen Orujyan: FAST is not a painkiller, we’re more of an antibiotic»։ mediamax.am։ Վերցված է 2 April 2018 
  7. «FAST Foundation announces Advisory Board and CEO»։ mediamax.am։ Վերցված է 2 April 2018 
  8. «FAST fellowship program: The first step to education-science ecosystem»։ mediamax.am։ Վերցված է 2 April 2018 
  9. Mediamax։ «FAST’s Angels Network to connect business and science in Armenia»։ itel.am։ Վերցված է 2 April 2018 
  10. «Blanchard, Duncan Williams and Orujyan elected to Baker Institute Board of Advisors»։ news.rice.edu։ Վերցված է 2 April 2018 
  11. «Alumni Recognition -»։ www.cgu.edu։ Վերցված է 2 April 2018