Համլետ Թադևոսյան

Վիքիպեդիայից՝ ազատ հանրագիտարանից
Վիքիպեդիայում կան հոդվածներ Թադևոսյան ազգանունով այլ մարդկանց մասին։
Համլետ Թադևոսյան
մայիսի 15, 1976(1976-05-15) - մարտի 1, 2008(2008-03-01) (31 տարեկան)
ԾննդավայրԵղվարդ, Հայաստան
Մահվան վայրԵրևան, Հայաստան
Քաղաքացիություն Հայաստան
Կոչումմայոր
Պարգևներ
Մարտական խաչ 2-րդ աստիճանի շքանշան

Համլետ Աղասու Թադևոսյան (մայիսի 15, 1976(1976-05-15), Եղվարդ, Հայաստան - մարտի 1, 2008(2008-03-01), Երևան, Հայաստան), հայ մայոր։

Կենսագրություն[խմբագրել | խմբագրել կոդը]

Համլետ Թադևոսյանը ծնվել է 1976 թվականին Կոտայքի մարզի Եղվարդ քաղաքում։ 1993 թվականին ավարտել է Եղվարդի թիվ 2 միջնակարգ (այժմ՝ հիմնական) դպրոց։ 1993-1997 թվականներին սովորել է ՀՀ ՆԳՆ բարձրագույն դպրոցում։ 1997 թվականի սեպտեմբերից ծառայության է անցել ՀՀ ՆԳ ՆԶ թիվ 10/32 զորամասում, որպես երրորդ գումարտակի առաջին վաշտի գնդացրորդ, այնուհետև նշանակվել է մոտոհրաձգային պայմանագրային դասակի առաջին ջոկի նռնակաձիգի օգնական, հատուկ նշանակության վաշտի ավագ, կապի դասակի հրամանատարի տեղակալ, ջոկի հրամանատար, ավտոմոբիլային վաշտի ավտոմոբիլային դասակի հրամանատար, առաջին մոտոհրաձգային գումարտակի առաջին մոտոհրաձգային վաշտի տեղակալ։ 2002-2006 թվականներին եղել է առաջին մոտոհրաձգային գումարտակի առաջին մոտոհրաձգային վաշտի հրամանատար։

Համլետ Թադևոսյանը զոհվել է 2008 թվականի Հայաստանի նախագահական ընտրությունների բողոքարկումի մարտի 1-ին ծառայողական պարտականությունները կատարելիս։ Համլետ Թադևոսյանը ՀՀ ՈԶ թիվ 1032 զորամասի կազմում ծառայություն է իրականացրել Երևանի Գրիգոր Լուսավորչի փողոցում` հասարակական կարգն ապահովելու և զանգվածային անկարգությունները կանխելու նպատակով։ Զանգվածային անկարգությունների մասնակիցների հերթական զինված հարձակումը կանխելու ընթացքում` Գրիգոր Լուսավորչի փողոցի թիվ 17 շենքի դիմաց զանգվածային անկարգության մասնակցի նետած պայթուցիկ սարքի պայթյունից զույգ ստորին և վերին վերջույթների, կոնքի, որովայնի և սեռական օրգանների շրջանում ստացած բազմաթիվ բեկորային վնասվածքներից մահացել է[1][2][3]։

Հիշատակ[խմբագրել | խմբագրել կոդը]

Թադևոսյանին հետմահու շնորհվել է մայորի կոչում, պարգևատրվել է արիության և անձնազոհության համար մարտական խաչ երկրորդ կարգի շքանշանով։ 2009 թվականի մայիսի 15-ին, իր տարելիցի օրը, Եղվարդի թիվ 2 միջնակարգ դպրոցը անվանակոչվել է Համլետ Թադևոսյանի անվամբ։

2013 թվականին ՀՀ ոստիկանապետ Վլադիմիր Գասպարյանի հանձնարարականով Եղվարդի թիվ 2 միջնակարգ դպրոցի բակում տեղի է ունեցել մայոր Համլետ Թադևոսյանի կիսանդրու բացման արարողությունը։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Պարտքի թելադրանքով. ոստիկանության կապիտան Համլետ Թադևոսյան` 31 տարեկան». Արխիվացված է օրիգինալից 2010 թ․ հունվարի 16-ին. Վերցված է 2015 թ․ մարտի 2-ին.
  2. Համլետ Թադևոսյան, Կլրանար 36 տարին
  3. 1 марта, нарушения закона. Тайна гибели капитана полиции Армении