Հաղարծնի երկաթի հանքավայր
Հաղարծնի երկաթի հանքավայր, հանքավայր ՀՀ Տավուշի մարզում՝ Հաղարծին գետի ստորին հոսանքում՝ Դիլիջանից մոտ 2 կմ հարավ-արևելք։
Բնութագիր[խմբագրել | խմբագրել կոդը]
Նստվածքային մագնետիտ-ավազաքարային հանքավայր է։ Հանքանյութը գոյացել է էոցենի ծովային մերձափնյա գոտում։ Երկրաբանական կառուցվածքում մասնակցում են պորֆիրիտներ, ավազաքարեր, տուֆաավազաքարեր, տուֆախառնաքարեր։ Հանքավայրի շրջանում մերկանում են մոնցոնիտային կազմի խորքային ապարները։
Կազմություն[խմբագրել | խմբագրել կոդը]
Հանքանյութը կազմված է տիտանամագնետիտ, քիչ քանակով՝ իլմենիտ, նաև պլագիոկլազ ու քվարց միներալներից։ Առանձնացվում են երկաթով հարուստ հոծ, միջին հարստության և աղքատ ցանավոր հանքանյութեր։ Հանքավայրի կանխատեսված պաշարները 6 միլիոն տ են՝ 26% Fe-ի միջին պարունակությամբ։
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
|
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |