Հակոբ Սարկիսով

Վիքիպեդիայից՝ ազատ հանրագիտարանից
Jump to navigation Jump to search
Հակոբ Սարկիսով
Ծնվել էդեկտեմբերի 15, 1907(1907-12-15)
ԾննդավայրԽնձորեսկ, Զանգեզուրի գավառ, Ելիզավետպոլի նահանգ, Ռուսական կայսրություն
Մահացել էհուլիսի 26, 1971(1971-07-26) (63 տարեկանում)
Մահվան վայրՏաշքենդ, ԽՍՀՄ
ՔաղաքացիությունFlag of Russia.svg Ռուսական կայսրություն
Flag of the Soviet Union.svg ԽՍՀՄ
Մասնագիտությունպետական գործիչ
Քաղաքական կուսակցությունԽՄԿԿ
Պարգևներ և
մրցանակներ
Լենինի շքանշան «Պատվո նշան» շքանշան Կարմիր Աստղի շքանշան և Աշխատանքային Կարմիր դրոշի շքանշան

Հակոբ Աբրահամի Սարկիսով (դեկտեմբերի 15, 1907(1907-12-15), Խնձորեսկ, Զանգեզուրի գավառ, Ելիզավետպոլի նահանգ, Ռուսական կայսրություն - հուլիսի 26, 1971(1971-07-26), Տաշքենդ, ԽՍՀՄ), կուսակցական, պետաշխատող, ջրատնտեսական շինարարության կազմակերպիչ։ Ուզբեկստանի ԽՍՀ վաստակավոր շինարար։ Տաջիկական ԽՍՀ վաստակավոր իռիգատոր։ ԽՄԿԿ անդամ է 1926 թվականից։

Կենսագրություն[խմբագրել | խմբագրել կոդը]

Հակոբ Սարկիսովը ծնվել է դեկտեմբերի 15-ին, 1907 թվականին, Գորիսի շրջանի Խնձորեսկ գյուղում: Ավարտել է Կարմիր պրոֆեսուրայի ինստիտուտը։ 1925-1931 թվականներին եղել է կոմերիտական ղեկավար(Չիմքենդ, Թուրքեստան, Միրդարյա, Ակտյուբինսկ, 1930-1931 թվականներին՝ ՄԺՀ), 1934-1935 թվականներին՝ Փայ Արիկի ՄՏԿ քաղբաժնի պետ, 1931-1937 թվականներին Ուզբեկստանի կոմունիստական կուսակցության Փայ Արիկի շրջկոմի առաջին քարտուղար, 1937 թվականին՝ Ուզբեկստանի կոմունիստական կուսակցության Կենտկոմի բաժնի վարիչի տեղակալ, 1937-1940 թվականներին՝ բամբակի գործարանի տնօրեն՝ Անդիջանում, 1941-1942 թվականներին՝ Ուզբեկստանի ԽՍՀ հողժողկոմի առաջին տեղակալ։ 1942-1948 թվականներին Սարկիսովը ղեկավարել է Ֆարհադի ՀԷԿ-ի, 1957 թվականից Սովյալ, ապա Քարշի տափաստանների իրացման, ոռոգման համակարգերի շինարարության աշխատանքները։ Սարկիսովի ղեկավարությամբ մշակվել են ջրատնտեսական, գյուղական շինարարության կազմակերպչական, տնտեսական և խոպան հողերի խոշոր զանգվածների իրացման նոր համալիր մեթոդներ։ Սարկիսովը եղել է ԽՄԿԿ 24-րդ համագումարի պատգամավոր, Ուզբեկստանի ԽՍՀ 4-րդից 8-րդ գումարումների Գերագույն սովետի դեպուտատ։

Պարգևներ[խմբագրել | խմբագրել կոդը]

Պարգևատրվել է Լենինի շքանշանով (2), «Պատվո նշան» շքանշանով։

Հիշատակ[խմբագրել | խմբագրել կոդը]

Սարկիսովի անվամբ են կոչվում փողոց Տաշքենդում, ջրանցք Սովյալ տափաստանում։

Գրականություն[խմբագրել | խմբագրել կոդը]

  • Григорянц А․, Акоп Саркисов, Ташкент, 1974.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 234 CC-BY-SA-icon-80x15.png