Հակոբ Ղազարյան (անասնաբույժ)

Վիքիպեդիայում կան հոդվածներ Ղազարյան ազգանունով այլ մարդկանց մասին։

Հակոբ Ղազարյան
Ծնվել է	հուլիսի 22, 1928(1928-07-22) (95 տարեկան)
Ծննդավայր	Աբուլ, Ախալքալաքի շրջան, Սամցխե-Ջավախեթի մարզ, Վրաստան
Քաղաքացիություն	Հայկական ԽՍՀ և  Հայաստան
Կրթություն	Երևանի անասնաբուծական-անասնաբուժական ինստիտուտ (1953)
Մասնագիտություն	անասնաբույժ
Աշխատավայր	Երևանի անասնաբուծական-անասնաբուժական ինստիտուտ

Հակոբ Ստեփանի Ղազարյան (հուլիսի 22, 1928(1928-07-22), Աբուլ, Ախալքալաքի շրջան, Սամցխե-Ջավախեթի մարզ, Վրաստան), հայ անասնաբույժ, անասնաբուժական գիտությունների դոկտոր (1989), պրոֆեսոր (1998)։

Կենսագրություն

Հակոբ Ղազարյանը ծնվել է 1928 թվականի հունիսի 22-ին Աբուլ գյուղում (Վրաստանի Ախալքալաքի շրջան)։ 1953 թվականին ավարտել է Երևանի անասնաբուծական-անասնաբուժական ինստիտուտը։ 1973-1989 թվականներին աշխատել է նույն ինստիտուտի համաճարակաբանության ամբիոնում, 1976-1979 թվականներին՝ միաժամանակ, եղել է ուսումնափորձնական տնտեսության տնօրեն, 1979-2002 թվականներին՝ ՀԳԱ զուգորդված իմունացման լաբորատորիայի վարիչ, 1998 թվականից՝ պրոֆեսոր, 2003 թվականից՝ «Կյանքի աղբյուր» ՍՊԸ-ի տնօրեն։

Աշխատանքները վերաբերում են խոշոր եղջերավոր կենդանիների սիբիրախտ, բրուցելոզ, լեպտոսպիրոզ և պաստերելոզ հիվանդությունների դեմ անջատ, համալիր և զուգորդված եղանակներով պատվաստման խնդիրներին։

Ստեղծել է «Լակտոբակտերին–6» թթվակաթնային պատրաստուկը, որն ունի բուժկանխարգելիչ հատկություններ և փոխարինում է մայրական կաթին։

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։