Կրեկաճատուն քարանձավ
| Կրեկաճատուն քարանձավ | |
|---|---|
| Տեսակ | Բնական և ձեռակերտ |
| Երկիր | Ադրբեջան |
| Վարչատարածք | Ջուղա, Ջուղայի շրջան, Նախիջևանի Ինքնավար Հանրապետություն |
Կրեկաճատուն քարանձավ, քարանձավ Ադրբեջանի Հանրապետության կազմում գտնվող Նախիջևանի Ինքնավար Հանրապետության Ջուղայի շրջանի վարչական կենտրոն հանդիսացող Ջուղա քաղաքի մոտ։ Խորհրդային ժամանակաշրջանում գտնվում էր լավ վիճակում, միայն տեղ-տեղ քանդված էր մուտքի մոտ գտնվող պարիսպը[1][2]։
Տեղադրություն[խմբագրել | խմբագրել կոդը]
Քարանձավը գտնվում է Քամու ձորի հյուսիսարևելյան կողմում՝ Սուրբ Ամենափրկիչ վանքի մոտակայքում[1][2]։
Պատմություն[խմբագրել | խմբագրել կոդը]
Կրեկաճատուն քարանձավ թվագրվում է մ․թ․ա․ 3-րդից 1-ին հազարամյակներին։ Հին դարերում օգտագործվել է որպես բնակատեղի։ Մինչև Ջուղայի տեղահանությունը՝ հայերի համար ծառայել է որպես թաքստոց։ Քարանձավը միջնադարում օգտագործվել է որպես կիր մշակելու արհեստանոց։ Այստեղից էլ ստացել է իր անվանումը[1][2]։