Սուրբ Ամենափրկիչ վանքի գերեզմանատուն
| Սուրբ Ամենափրկիչ վանքի գերեզմանատուն | |
|---|---|
| Տեսակ | Վանական գերեզմանատուն |
| Վայր | Ջուղա քաղաք, Ջուղայի շրջան |
| Երկիր | Ադրբեջան |
| Մասն է | Սուրբ Ամենափրկիչ վանք |
| Կրոնական կազմ | Հայկական առաքելական |
| Ժառանգության կարգավիճակ | Ոչ (ավերված) |
Սուրբ Ամենափրկիչ վանքի գերեզմանատուն, հայկական ավերված գերեզմանոց նախկին հայաբնակ, ներկայիս Ադրբեջանի Հանրապետության կազմում գտնվող Նախիջևանի Ինքնավար Հանարեպտության Ջուղայի շրջանի համանուն քաղաքում գտնվող Սուրբ Ամենափրկիչ վանքի հարևանությամբ[1][2]։
Գերեզմանատունը գտնվում էր վանական համալիրի հարավային կողմում՝ 100-110 մետր հեռու։ Այնտեղ ամփոփված էին միաբանների և եպիսկոպոսների աճյունները։ Գերեզմանատան խաչքարերի մեծ մասը վերաբերում են 15-ից 16-րդ դարերին և ունեին հետաքրքիր զարդաձևեր ու պատկերաքանդակներ։ Խորհրդային ժամանակահատվածի կեսերին խաչքարերի մեծ մասը տապալված ու կոտրտված էին կամ կիսով չափ թաղված հողի մեջ[1][2]։
Գերեզմանատան տարբեր հատվածներում եղել են նաև թաղակապ ծածկով մատուռ-դամբարաններ[1]։
Այժմ գերեզմանոցն ամբողջովին ավերված է[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Արգամ Այվազյան, Ջուղա, «Սովետական գրող» հրատարակչություն, Երևան - 1984 թվական, էջ 27-28։
- ↑ 2,0 2,1 Արգամ Այվազյան, Նախիջևանի ԻՍՍՀ հայկական հուշարձանները, Երևան, «Հայաստան» հրատարակչություն, 1986 թվական։
- ↑ «Նախիջեւանում հայկական հուշարձանները վանդալիզմի են ենթարկվում» (արխիվացված)։