Կոտե Մախարաձե

Կոտե Մախարաձե; վրաց.՝ კონსტანტინე ივანეს ძე მახარაძე
Ծնվել է	նոյեմբերի 17, 1926
Ծննդավայր	Թիֆլիս, ԱԽՖՍՀ, ԽՍՀՄ
Մահացել է	դեկտեմբերի 19, 2002 (76 տարեկան)
Մահվան վայր	Թբիլիսի, Վրաստան
Գերեզման	Դիդուբեի պանթեոն
Կրթություն	Թբիլիսիի Շոթա Ռուսթավելու անվան թատերական ինստիտուտ
Քաղաքացիություն	Վրաստան և ԽՍՀՄ
Մասնագիտություն	դերասան, հեռուստահաղորդավար, թատերական ուսուցիչ և հեռուստամեկնաբան
Ամուսին(ներ)	Սոֆիկո Ճիաուրելի
Պարգևներ և մրցանակներ	և Վրացական ԽՍՀ ժողովրդական արտիստ

Կոտե (Կոնստանտին) Իվանի Մախարաձե (վրաց.՝ კოტე (კონსტანტინე) ივანეს ძე მახარაძე, 17 նոյեմբերի, 1926, Թիֆլիս, Վրացական ԽՍՀ, ԽՍՀՄ - 19 դեկտեմբերի, 2002, Թբիլիսի, Վրաստան), վրացի սպորտային մեկնաբան, թատրոնի ու կինոյի դերասան։

Կենսագրություն[խմբագրել | խմբագրել կոդը]

Կոտե Մախարաձեն ծնվել է 1926 թվականի նոյեմբերի 17-ին Թիֆլիսում։ Վաղ տարիքում զբաղվել է բասկետբոլով, Թիֆլիսի «Դինամո» թիմի կազմում դարձել է Վրաստանի պատանիների առաջնության չեմպիոն։

1941 թվականին ավարտել է Թիֆլիսի պարարվեստի ուսումնարանը։ 1944 թվականին ավարտել է դպրոցն ու ընդունվել Թբիլիսիի պետական թատերական ինստիտուտ, որն ավարտել է 1948 թվականին։

1948-1970 թվականներին եղել է Շոթա Ռուսթավելու անվան պետական ակադեմիական թատրոնի դերասան։ 1950 թվականից դասախոսում է Թբիլիսիի պետական թատերական ինստիտուտում։ 1957 թվականից վրացական հեռուստատեսությունում աշխատում է որպես սպորտային մեկնաբան^[1], 1972 թվականից Թբիլիսիի Կ. Մարջանաշվիլիի անվան թատրոնի դերասան է։

1994 թվականից Թբիլիսիի պետական թատերական ինստիտուտի պրոֆեսոր է։ 2001 թվականին դարձել է Վրաստանում առաջին անգամ անցկացվող բալետի Չաբուկիանի-Բալանչին մրցույթ-փառատոնի համառեժիսորն ու վարողը։

Կոտե Մախարաձեն մահացել է 2002 թվականի դեկտեմբերի 19-ին^[2]։ Թաղված է Թբիլիսիի Դիդուբե գերեզմանատանը։ Նրա կողքին է թաղված կինը՝ Սոֆիկո Ճիաուրելին։

Ճանաչում[խմբագրել | խմբագրել կոդը]

Վրացական ԽՍՀ ժողովրդական արտիստ (1967)
Շոթա Ռուսթավելիի անվան մրցանակի դափնեկիր
Սպորտային ֆիլմերի միջազգային փառատոնի դափնեկիր
Աշխատանքային կարմիր դրոշի շքանշան (1967)
Պատվո շքանշան (1997 և 9 օգոստոսի, 2002)
Կոտե Մախարաձեի «Քանի դեռ գնդակն օդում է…» արտահայտությունը EA Sports-ի FIFA-10 համակարգչային խաղում ասում է Վասիլի Ուտկինը։

Ֆիլմագրություն[խմբագրել | խմբագրել կոդը]

1975 - Մի՛ հավատա, թե ես այլևս չկամ
1977 - Ինչպես վաղորդյան մշուշ
1982 - Երկու գլուխ ընտանեկան ժամանակագրությունից
1984 - Միայնակ կոմերսանտի շահումը - Խոսե
1984 - Մի բախման երկու վարկած - Կառլո Մաձոնի
1984 - Եվ հաղթանակի հիանալի ակնթարթը - մեկնաբան
1984 - Զղջում - դատախազ
1985 - Հակամարտություն - գնդապետ Սերգո Սուխիշվիլի

Հիշատակ[խմբագրել | խմբագրել կոդը]

2016 թվականի նոյեմբերի 17-ին դերասանի 90-ամյակի առիթով Թբիլիսիի Մթացմինդա թաղամասի փողոցներից մեկը կոչվել է Կոտե Մախարաձեի անունով^[3]

Ծանոթագրություններ[խմբագրել | խմբագրել կոդը]

[1] «ПОКА МЯЧ В ВОЗДУХЕ, КОРОТКО О СОСТАВАХ…»

[2] Умер Котэ Махарадзе

[3] Улицу в Тбилиси назвали именем Котэ Махарадзе Источник: Новости-Грузия Արխիվացված 2020-08-04 Wayback Machine (ռուս.)

[1]

[2]

[3]