Կոշիկների նետում
Կոշիկների նետում, կոշիկների օգտագործումը որպես նետման առարկա։ Որպես կանոն, զույգ կոշիկները նետվում են հեռախոսի, էլեկտրական կամ այլ լարերի վրա։ Ավելի քիչ տարածված է նետումը ծառերի[1] ու ցանկապատերի վրա։
Նկարագրություն[խմբագրել | խմբագրել կոդը]
Կոշիկների նետումն առաջին հերթին տարածված է ԱՄՆ-ում և Կանադայում, բայց կատարվում է նաև Լատինական Ամերիկայում, Ռուսաստանում[2], Բելառուսում[3], Ֆրանսիայում, Ուկրաինայում[4] ու աշխարհի շատ այլ երկրներում։ Որպեսզի կոշիկների զույգը լարից կախված մնա, անհրաժեշտ դրանց քուղերը կապել իրար։
Ինչ վերաբերում է ծառերից կախված կոշիկներին, ԱՄՆ-ում հայտնի են այդպիսի մի քանի տասնյակ ծառեր, որոնք, որպես կանոն, դասավորված են մայրուղու երկայնքով[5]։ Ծառը, որից կախված էին ամենաշատ թվով կոշիկներ, 23 մետր բարձրությամբ բրգաձև բարդին էր, որը գտնվում էր Նևադա նահանգի Միդլգեյթ գյուղի մոտ։ Նրա վրա կոշիկներ էին նետում 1980-ական թվականների կեսերից մինչև 2010 թվականի վերջը։ 2010 թվականի դեկտեմբերի 30-ին անհայտ վանդալները բարդին կտրել են։ Հարուցվել է քրեական գործ, քանի որ ծառը ոչ միայն տեղի տեսարժան վայրերից էր, այլ նաև մի քանի կիլոմետր շրջագծով տարածքի միակ ստվերոտ վայրն էր (ինչը կարևոր է Նևադայի կլիմայում), նրա վրա ապրում էին բազմաթիվ թռչուններ ու այլ կենդանիներ[6]։
Լարերի և ծառերի վրա կոշիկների նետումը քննության առարկա է դարձել որոշ գիտական հոդվածներում. օրինակ՝ դրանցից մեկում փորձ է կատարվել զուգահեռներ անցկացնել կոշիկների նետման՝ որպես ժամանակակից երևույթի և հոլոքոստի միջև, երբ գերմանացիները սպանված հրեաների կոշիկներով կույտեր էին անում[7]։
Չնայած այն հանգամանքին, որ կոշիկներ նետելն այժմ ոչ մի երկրում հանցագործություն չի համարվում, ԱՄՆ-ում քննարկումներ են ընթանում այդ գործունեությունն անօրինական համարելու շուրջ։ Լոս Անջելեսում կոշիկները նետելու դեմ պայքարի հատուկ ծրագիր է ընդունվել[8], այդ թվում, որոշ վերլուծաբանների կարծիքով, այդ գործունեության և քրեական տեղական համայնքների անդամների միջև գաղտնի նշանների հնարավոր կապի պատճառով։
Զանգվածային մշակույթում[խմբագրել | խմբագրել կոդը]
- «Խաբեբայություն», 1997 թվականի ամերիկյան կատակերգություն։ Տեսարանը, որտեղ կապված կոշիկները կախված էին հեռախոսի և էլեկտրական հաղորդալարերից, նկարահանվել է Իսթ-Քեփիթլ-Սթրիթ փողոցում՝ Կապիտոլիումից մի քանի թաղամաս այն կողմ։ Նկարահանող խումբը մոռացել է հավաքել մի քանի զույգ կոշիկներ, և դրանք դեռ մի քանի տարի շարունակել են կախված մնալ[9]։
- «Խոշոր ձուկ», Թիմ Բյորտոնի ֆանտաստիկ արկածային տրագիկոմեդիան։ Գյուղերից մեկի բնակիչները կոշիկներ էին նետում հաղորդալարերին, որպեսզի ճանապարհորդներին ցույց տան գյուղում ընդմիշտ մնալու ցանկությունը։
- «Բոլորի մոտ ամեն ինչ կարգին է», իտալական մելոդրամա (ռեժիսոր՝ Ջուզեպե Տորնատորե)։ Ֆիլմի առաջին տեսարանում Մարչելլո Մաստրոյաննին լքում է իր քաղաքն ու տեսախցիկը, նկարահանելով հեռացող գնացքը, վերևում ցուցադրում է հաղորդալարերից կախված մի զույգ կոշիկներ։ Երբ ֆիլմի վերջում հերոսը վերադառնում է, կոշիկները նորից են կադրում հայտնվում։
- «Sex Drive», 2008 թվականի ամերիկյան կինոկատակերգություն։ Ճանապարհին գլխավոր հերոսների ավտոմեքենան փչանում է, և նրանք գնում են մոտակայքում ավտոսպասարկման կետ փնտրելու։ Ճանապարհին նրանք հանդիպում են մի ծառի, որից կոշիկներ էին կախված։ Իենը և Ֆելիցիան նույնպես ծառի վրա են նետում իրենց կոշիկներն ու ճանապարհը շարունակում ոտաբոբիկ։
- Ալեքսեյ Նավալնին կոչ է արել հաղորդալարերից կախել սպորտային կոշիկներ. hենց վարչապետ Դմիտրի Մեդվեդևի սպորտային կոշիկներն են ծառայել որպես կարևոր փաստարկ Մեդվեդևի բազմամիլիոնանոց ակտիվների հետաքննության գործում, որ իրականացրել է կոռուպցիայի դեմ պայքարի ֆոնդը «Նա ձեզ համար Դիմոն չէ» ֆիլմում[10]։
Ծանոթագրություններ[խմբագրել | խմբագրել կոդը]
- ↑ Shoe Trees на сайте roadsideamerica.com
- ↑ Блогеры жалуются на ботинки, висящие на проводах в центре Воронежа (ռուս.) на сайте riavrn.ru, 1 июня 2013
- ↑ Маются от безделья. Почему у молодежи в чести абсурдные увлечения? Արխիվացված 2014-10-31 Wayback Machine (ռուս.) на сайте news.vpn.by, 26 октября 2011
- ↑ Shoes tossing, alcoolisation et hurlements
- ↑ Поиск Shoe Tree на сайте roadsideamerica.com
- ↑ Feds hunt for shoe tree’s killer Արխիվացված 2019-05-10 Wayback Machine на сайте blog.sfgate.com
- ↑ The Mysterious phenomenon of shoe tossing and shoe posting
- ↑ TeamWork LA (c. 2003). «East Los Angeles NSC Combats Problem of Overhead Shoes on Wires» (PDF). Արխիվացված է օրիգինալից (PDF) 2003 թ․ հոկտեմբերի 7-ին. Վերցված է 2007 թ․ հունիսի 15-ին.
- ↑ «Плутовство» — Интересные факты на сайте IMDb.com
- ↑ «Навальный призвал выйти на митинг против коррупции вопреки запрету властей». snob.ru (ռուսերեն). Վերցված է 2017 թ․ մարտի 27-ին.
Արտաքին հղումներ[խմբագրել | խմբագրել կոդը]
- The Secret Language of Sneakers на сайте snopes.com
- Close-Up: New York’s hanging sneakers на сайте news.bbc.co.uk, 30 октября 2009
- Bootthrowers' House — Front Door
 | Վիքիպահեստն ունի նյութեր, որոնք վերաբերում են «Կոշիկների նետում» հոդվածին։ |
|
