Կոնստանտին Պամֆիլով

Վիքիպեդիայից՝ ազատ հանրագիտարանից
Jump to navigation Jump to search
Կոնստանտին Պամֆիլով
Ծնվել էմայիսի 25, 1901(1901-05-25)
ԾննդավայրՄամոնովո, Ռուսաստան
Մահացել էմայիսի 2, 1943(1943-05-02)[1] (41 տարեկանում)
Մահվան վայրՄոսկվա, ԽՍՀՄ[1]
ՔաղաքացիությունFlag of the Soviet Union (1924–1955).svg ԽՍՀՄ
ԿրթությունՄոսկվայի պետական համալսարանի իրավաբանական ֆակուլտետ
Մասնագիտությունքաղաքական գործիչ
Քաղաքական կուսակցությունԽՄԿԿ

Կոնստանտին Պամֆիլով (ռուս.՝ Константи́н Дми́триевич Памфи́лов, մայիսի 25, 1901(1901-05-25), Մամոնովո, Ռուսաստան - մայիսի 2, 1943(1943-05-02)[1], Մոսկվա, ԽՍՀՄ[1]), ՌԽՖՍՀ Ժողովրդական կոմիսարների խորհրդի նախագահի պաշտոնակատար, ՌԽՖՍՀ Գերագույն խորհրդի պատգամավոր:

Տասնյոթ տարեկանում մտել է կոմունիստական կուսակցության շարքերը: 1918-1921 թվականներին աշխատել է Սմոլենսկի մարզում՝ Դուխովչինայի հեղկոմում և գավառային գործկոմում: 1921 թվականի մարտին, որպես կոմունիստական վաշտի կամավորական, մասնակցել է Կրոնշտադտի խռովության ճնշմանը: Հետո սովորել է բանֆակում, այնուհետև՝ Մոսկվայի համալսարանում: Տասը տարի շարունակ ղեկավար պաշտոններ է զբաղեցրել Մոսխորհրդում, ակտիվորեն մասնակցել է Մոսկվայի վերակառուցմանը, նրա բնակտնտեսության բարելավմանը: 1938 թվականին նշանակվել է ՌԽՖՍՀ կոմունալ տնտեսության ժողկոմ, իսկ 1940 թվականին՝ ՌԽՖՍՀ Ժողովրդական կոմիսարների խորհրդի նախագահի տեղակալ:

Հայրենական մեծ պատերազմի տարիներին Կոնստանտին Պամֆիլովը կատարում էր ԽՍՀՄ կառավարության հատկապես պատասխանատու առաջադրանքներ՝ արդյունաբերությունը երկրի արևելյան շրջանները բազավորելու, բնակչության տարհանման և նոր վայրերում տեղավորելու վերաբերյալ: 1942 թվականի մայիսից Պամֆիլովը կատարում էր ՌԽՖՍՀ Ժողկոմխորհի նախագահի պարտականությունները՝ ղեկավարելով Ռուսաստանի Դաշնության կառավարության ամբողջ գործունեությունը: Նա մեծ ուշադրություն էր դարձնում սպառազինության և ռազմամթերքի արդյունաբերության աշխատանքը բարելավելուն, հոսպիտալների ցանցը ծավալելուն, վիրավոր զինվորների բուժումը կազմակերպելուն, զինծառայողների ընտանիքներին օգնություն ցույց տալուն:

Կոնստանտին Պամֆիլովի անունով է կոչվել Մոսկվայի կոմունալ տնտեսության ակադեմիան[2]:

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 Памфилов Константин Дмитриевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. Ալեքսեյ Աբրամով, Կրեմլի պատի մոտ, Ե., «Հայաստան», 1982, էջ 291-292: