Կոնստանդին Ալաջալյան

Վիքիպեդիայից՝ ազատ հանրագիտարանից
Jump to navigation Jump to search
Կոնստանդին Ալաջալյան
Аладжалов Константин Иванович.jpg
Ծնվել է նոյեմբերի 18, 1900(1900-11-18)[1]
Ծննդավայր Նոր Նախիջևան
Վախճանվել է հոկտեմբերի 23, 1987(1987-10-23)[1] (86 տարեկանում)
Մահվան վայր Նյու Յորք, Նյու Յորք, ԱՄՆ
Ազգություն հայ
Կրթություն Սանկտ Պետերբուրգի համալսարան
Մասնագիտություն նկարիչ

Կոնստանդին Իվանի Ալաջալյան (նոյեմբերի 18, 1900(1900-11-18)[1], Նոր Նախիջևան - հոկտեմբերի 23, 1987(1987-10-23)[1], Նյու Յորք, Նյու Յորք, ԱՄՆ), հայ նկարիչ, գրաֆիկ։ Աշխատել է մոնումենտալ գեղանկարչության և պլակատի բնագավառներում։

Սիմոն և Ստեփան Ալաջալովների եղբայրը[2]:

Կենսագրություն[խմբագրել | խմբագրել կոդը]

Կոնստանդին Ալաջալյանը ծնվել է 1900 թվականին: Մանկությունն անցել է Դոնի Ռոստովում: Գիմնազիան ավարտելով՝ ինքնուրույն սովորել է նկարել: 1917-1918 թվականներին սովորել է Պետրոգրադի համալսարանում: Հեղափոխության տարիներին միացել է հեղափոխական իշխանությանը ծառայող արվեստագետների խմբին: Պատվերով նկարել է քարոզչական պաստառներ, հեղափոխության առաջնորդների դիմանկարներ: 1918 թվականին վերադարձել է Ռոստով, համագործակցել «Искусство» ամսագրի հետ: 1918 թվականին մասնակցել է Ռոստով-Նախիջևան համայնքի 8-րդ գարնանային ցուցահանդեսին, «Донская волна» ամսագրի համար ստեղծել է գրաֆիկական դեկորատիվ տարրեր (1918-1919)[3]:

1920 թվականին հանդիպել է Սերգեյ Եսենինին, ստեղծել նրա դիմանկարը, որը տասը տարի անց տպագրվել է Մերի Դեստի «Իսիդորա Դունկանի ավարտը» գրքում (Detsi M. Isadora Duncan’s end. London, 1929)[4]:

1921 թվականին ապրել է Իրանում, Կոստանդնուպոլսում[5]: 1923 թվականից տեղափոխվել է ԱՄՆ, 1928 թվականին ստացել ամերիկյան քաղաքացիություն:

Զբաղվել է որմնանկարչությամբ, գրքի ձևավորմամբ։ Նկարել է պաննոներ, աշխատակցել է թերթերին։ Նրա ձևավորած գրքերից են Գերշվինի «Երգերի» գիրքը, Սկինների «Մեր սրտերը ջահել էին ու զվարթ», Միլլերի «Մոխրոտը» և այլն[6]։

Մատենագրություն[խմբագրել | խմբագրել կոդը]

  • Ջանետ Ֆիշեր. «Ալաջալովի նկարները և գծանկարները», Նյու Յորք, 1942 (անգլերեն)։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 SNAC — 2010.
  2. Аладжалов Константин Иванович. Искусство и культура русского зарубежья. 3 ноября, 2011.
  3. «Аладжалов, Константин Иванович»։ moscow.pink։ Վերցված է 2016-08-17 
  4. «Аладжалов Константин» Энциклопедия русской живописи.
  5. Reed, Roger T. «Constantin Alajalov Biography» Illustration House.
  6. Դանիել Դզնունի, Հայ կերպարվեստագետներ, համառոտ բառարան