Կոլկվիցիա հիանալի |
---|
|
|
Գիտական դասակարգում |
---|
|
Լատիներեն անվանում |
Kolkwitzia amabilis
|
[{{fullurl:wikispecies:{{{wikispecies}}}|uselang=hy}} Դասակարգումը Վիքիցեղերում]
|
[{{fullurl:commons:Special:Search/{{{wikispecies}}}|uselang=hy}} Պատկերների որոնում Վիքիպահեստում]
|
|
|
Կոլկվիցիա հիանալի (լատին․՝ Kolkwitzia amabilis), Ցախեկեռասազգիների ընտանիքի, Կոլկվիցիա ցեղի բույս։
Տերևաթափ թուփ է՝ մինչև 2 մետր բարձրությամբ։ Երիտասարդ ընձյուղները խիտ և կարճ մազմզուկապատ են, դարչնակարմրավուն կեղևով, որը անջատվում է շերտերով։ Տերևադասավորությունը հակադիր է։ Տերևները լայն-ձվաձև են, 3-8 սմ երկարությամբ, 1,5-2 սմ լայնությամբ, սրածայր գագաթով և կլորավուն հիմքով, ամբողջաեզր կամ ատամնավոր, թարթիչաեզր, վերևի կողմից՝ մուգ կանաչ, ծածկված մանր մազմզուկներով, ներքևի կողմից՝ կանաչ, ծածկված խիտ աղվամազով (հատկապես ջղերի անկյուններում)։ Տերևակոթունները մազմզուկապատ են՝ 0,1-0,3 սմ երկարությամբ։ Ծաղիկները զույգերով կողմնային ընձյուղների վրա առաջացնում են վահանաձև ծայրային ծաղկաբույլեր՝ 5-7 սմ տրամագծով։ Բաժակը կազմված է 5 նեղ, աղվամազապատ, տարածված բաժակաթերթիկներից։ Պսակը զանգականման է, հնգաբլթակ, 1,5 սմ տրամագծով, արտաքին կողմից՝ վարդագույն, ներքևի կողմից՝ դեղին, աղվամազապատ։ Պտուղը չոր է, ձվաձև, սերտաճած ծաղկապատով, 0,7 սմ երկարությամբ և 0,3 սմ լայնությամբ, խոզանանման մազմզուկապատ, վերևի մասում բաժակաթերթիկների նեղ-խողովակաձև մնացորդով։ Ծաղկում է մայիս-հունիս ամիսներին։
Տարածված է կենտրոնական Չինաստանում ( Շանսի, Հուբեյ)։ Աճում է բարձր լեռնային շրջաններում։ Առանց վնասվելու դիմանում է մինչև -25 °C սառնամանիքներին։ Մեր հանրապետության տարածքում առայժմ սահմանափակ քանակությամբ է մշակվում (Երևան, Բյուրական, Վանաձոր, Իջևան)։ Հեռանկարային է ցածրադիր շրջանների համար։
Էկոլոգիական խումբը՝ IV: Մշակության հավանական շրջանները՝ 9-1 0, 1 8, 20,
25, 32[1]: