Կյանքը պարտքով (գիրք)

Վիքիպեդիայից՝ ազատ հանրագիտարանից
Jump to navigation Jump to search
Կյանքը պարտքով
Der Himmel kennt keine Günstlinge
ՀեղինակԷրիխ Մարիա Ռեմարկ
Տեսակգրավոր աշխատություն
Ժանրվեպ
Բնօրինակ լեզուգերմաներեն
Ստեղծման տարեթիվ1959
ԵրկիրFlag of Germany.svg Գերմանիա
Հրատարակման վայրԳերմանիա
ՀրատարակիչHarcourt
Հրատարակման տարեթիվ1959
OCLC295971
ՎիքիքաղվածքԿյանքը պարտքով

«Կյանքը պարտքով» (գերմ.՝ Der Himmel kennt keine Günstlinge), վեպի հեղինակն է գերմանացի գրող Էրիխ Մարիա Ռեմարկը։ Այս վերնագրով, ստեղծագործության քաղվածքներն առաջին անգամ տպագրվել են 1959 թ.՝ Համբուրգի «Kristall» ամսագրում։ Որպես գիրք վեպը լույս է տեսել 1961 թ.՝ հեղինակի կողմից վերանգրվելով «Երկինքն ընտրյալներ չունի»։

Բովանդակություն[խմբագրել | խմբագրել կոդը]

Վեպի գլխավոր հերոսը՝ Կլեյֆերը, ավտոմոբիլային մրցարշավի մասնակից է։ Նա գնում է Շվեյցարիա՝ այցելելու իր հիվանդ գործընկերոջը՝ Հոլմանին։ Այնտեղ նա հանդիպում է բելգիացի երիտասարդ Լիլիանային, ով հիվանդ է տուբերկուլոզով։ Գտնվելով հիվանդության վերջին փուլում՝ նա ուզում է իր կյանքի վերջին ամիսներն անցկացնել լիարժեք՝ մահին սպասելու փոխարեն։ Լիլիանը որոշում է Կլեյֆերի հետ հեռանալ Bela Vista առողջարանից։

Կլեյֆերը և Լիլիանան ճամփորդում են ամբողջ Եվրոպայով։ Նրանք սիրահարվում են իրար։ Կլեյֆերը սկսում է մտածել սիրած կնոջ հետ համատեղ կյանքի մասին։ Իմանալով դա՝ Լիլիանը բացասաբար է արձագանքում և որոշում է հեռանալ սիրած տղամարդուց։ Որոշ ժամանակ անց՝ Կլեյֆերը ավտոմոբիլային մրցարշավի ժամանակ ծանր վնասվածք է ստանում և մեռնում հիվանդանոցում։ Լիլիանը հուսահատված վերադառնում է Շվեյցարիա։ Ճանապարհին նա հանդիպում է ապաքինված Հոլմանին՝ Կլեյֆերի գործընկերոջը։

Վեց շաբաթ անց Լիլիանան մեռնում է։

Էկրանավորում[խմբագրել | խմբագրել կոդը]

Ռեմարկի «Կյանքը պարտքով» վեպի հիման վրա 1977 թ. նկարահանվել է «Բոբբի Դիրֆիլդ» ֆիլմը[1]։ Ռեժիսոր՝ Սիդնի Պոլլակ։ Ավտոմոբիլային մրցարշավորդի ՝ Բոբբի Դիրֆիլդի դերում հանդես է եկել Ալ Պաչինոն, իսկ Լիլիանա Դանքերքի դերում՝ Մարտա Կելլերը։

Քաղվածքներ վեպից[խմբագրել | խմբագրել կոդը]

Aquote1.png
- Մարդը, ով դեռ երկար կյանք ունի ապրելու, ժամանակի վրա ուշադրություն չի դարձնում` կարծելով, որ մի ամբողջ հավերժություն ունի իր առաջ: Իսկ հետո, երբ սկսում է հաշվել, թե ինչքան է նա իրականում ապրել, պարզվում է, որ ընդամենը մի քանի օր, լավագույն դեպքում` մի քանի շաբաթ:
Aquote2.png


Aquote1.png
- Ով ուզում է պահել գնացողին, նա կորցնում է։ Ով պատրաստ է ժպիտով բաց թողնել, նրան փորձում են ամուր բռնել:
Aquote2.png


Aquote1.png
- Իմ բոլոր սիրեկանների հուշերում ես երիտասարդ կմնամ. ես ավելի ուժեղ կլինեմ այն բոլոր կանանցից, ովքեր ավելի երկար կապրեն նրանց հետ ու ինձնից ավելի ծեր կլինեն:
Aquote2.png


Aquote1.png
- Ես հիմա երջանիկ եմ, ու ինձ համար միևնույն է, արդյոք մենք գիտենք ի՞նչ է երջանկությունը, թե ոչ:
Aquote2.png


Ծանոթագրություններ[խմբագրել | խմբագրել կոդը]