Կլիմայական գոտիների թանգարան
Կլիմայական գոտիների թանգարան | |
|---|---|
 | |
 | |
| Տեսակ | թանգարան |
| Երկիր |  Գերմանիա[1] |
| Տեղագրություն | Բրեմերհաֆեն[1] |
| Վայր | Բրեմերհաֆեն |
| Հասցե | Am Längengrad 8, 27568 Bremerhaven[2]27568 |
| Հիմնադրվել է | 2009 |
| Մակերես | 11 500 քառակուսի մետր |
| Կայք | klimahaus-bremerhaven.de |
 | |
 | |
Կլիմայական գոտիների թանգարան (գերմ.՝ Klimahaus Bremerhaven 8 ° Ost), գերմանական Բրեմերհաֆեն քաղաքում գործող գիտական կենտրոն։ Գտնվում է Հին նավահանգստում, համարվում է ափամերձ Հաֆենվելտեն թաղամասի բաղկացուցիչ մասը, տեսքով նման է նավակի։ Թանգարանի ցուցասրահները այցելուներին հնարավորություն են տալիս հյուսիս-հարավ ուղղությամբ վիրտուալ ճանապարհորդություն կատարելու Երկրի շուրջ։ «Գիտելիքների և փորձի աշխարհ» բաժանմունքը, որ զբաղեցնում է 18 800 քառակուսի մետր տարածք, նվիրված է տարբեր գոտիների կլիմային ու նրա փոփոխություններին։ Գիտական կենտրոնը գործարկողը Կլիմահաուս կառավարող ընկերությունն է։ 2004 թվականից կենտրոնի ռեժիսորը Առնե Դունկերն է[3][4]։ Մինչև 2014 թվականը յուրաքանչյուր տարի թանգարան այցելել է մոտավորապես 600 000, իսկ 2020 թվականին՝ շուրջ 500 000 մարդ[5]։
«Կլիմահաուս Բրեմերհաֆեն»-ի հանդիսավոր բացումը կատարել է իռլանդացի երաժիշտ և իրավապաշտպան Բոբ Գելդոֆը 2009 թվականի հունիսի 25-ին։ Մինչ այդ գործարկված «Հյուսիսային ծով» գիտական կենտրոնի հետ մեկտեղ[6]՝ այն դարձել է երկրորդ գիտկենտրոնը Բրեմերհաֆենում և երրորդը՝ Գերմանիայի դաշնային Բրեմեն երկրամասում («Universum Bremen»-ի հետ միասին)։
Կառույցի սեփականատերը Բրեմերհաֆեն քաղաքն է, որը նրա կառավարումը վստահել է Bremerhaven Development Company Alter/Neuer Hafen (BEAN) դուստր ընկերությանը[7]։
Ցուցադրությունը[խմբագրել | խմբագրել կոդը]
Թանգարանում ցուցադրությունների ընդհանուր մակերեսը շուրջ 11 500 քառակուսի մետր է[8]։ Այն բաժանված է ցուցադրական երեք գոտիների, որոնք պայմանականորեն անվանված են «Ճանապարհորդություններ», «Հեռանկարներ», «Հնարավորություններ»։ Առաջին՝ զբոսաշրջային գոտին ամենաընդարձակն է և զբաղեցնում է 4 800 քառակուսի մետր մակերես։ Ճանապարհորդությունն սկսվում է Բրեմերհաֆենից, արևելյան երկայնության 8 ° միջօրեականով անցնում ութ երկրներում գտնվող ինը կայաններով, որոնք ընկած են հինգ աշխարհամասերում և ներկայացնում են կլիմայական տարբեր գոտիներ։ Արկտիկական կայանում ջերմաստիճանը մոտավորապես −6 աստիճան է ըստ Ցելսիուսի, նիգերյան կայանում՝ շուրջ 35 աստիճան։ Շվեյցարական կայանում կարելի է մոդելների վրա դիտել, թե ինչպես է կլիմայի փոփոխությունը փոխում մարդկանց կյանքը։ Մի քանի ցուցասրահ այն կողմ՝ «Կամերուն» կայանն է, որտեղ տարաշխարհիկ բույրերն ու հնչյուններն ուժեղացնում են արևադարձային անտառում գտնվելու պատրանքը․․․
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 archINFORM (գերմ.) — 1994.
- ↑ https://www.klimahaus-bremerhaven.de/entdecken/allgemeine-infos/kontakt-anfahrt.html
- ↑ «Arne Dunker - Klimahaus® Bremerhaven 8° Ost» (գերմաներեն). 2020 թ․ հուլիսի 6. Արխիվացված օրիգինալից 2021 թ․ օգոստոսի 12-ին. Վերցված է 2021 թ․ օգոստոսի 12-ին.
- ↑ Drei Millionen Besucher im Klimahaus. Արխիվացված 2014-05-29 Wayback Machine omnibusrevue.de vom 24. Mai 2014, abgerufen am 29. Mai 2014
- ↑ «Buten un Binnen». Արխիվացված օրիգինալից 2019 թ․ հոկտեմբերի 28-ին. Վերցված է 2021 թ․ օգոստոսի 12-ին.
- ↑ Webarchiv|url=http://www.phaenomenta-stiftung.de/sites/nordsee_science_center.php Արխիվացված 2013-12-11 Wayback Machine |wayback=20131211014213 |text=Nordsee Science Center e. V. |archiv-bot=2019-04-23 10:54:22 InternetArchiveBot
- ↑ Nordwest-Zeitung. «Streit um Klimahaus: Stadt Bremerhaven zahlt 900.000 Euro an Stahlbaufirma». www.nwzonline.de (գերմաներեն). Արխիվացված օրիգինալից 2022 թ․ մարտի 9-ին. Վերցված է 2022 թ․ մարտի 9-ին.
- ↑ Webarchiv|url=http://klimahaus-bremerhaven.de/uploads/tx_klipage/01_Eine_Reise_um_die_Welt_auf_8___Ost.pdf Արխիվացված 2014-02-22 Wayback Machine |wayback=20140222023243 |text=Presseinfo Eine Klimareise um die Welt... |archiv-bot=2019-04-23 10:54:22 InternetArchiveBot (PDF; 257 kB)
Արտաքին հղումներ[խմբագրել | խմբագրել կոդը]
- Klimahaus Bremerhaven 8° Ost
- Concepto arquitectónico y temático Արխիվացված 2010-04-29 Wayback Machine (գերմաներեն).
- Klimahaus Bremerhaven 8° Ost: A Journey Through the Weather (անգլերեն).
 | Վիքիպահեստն ունի նյութեր, որոնք վերաբերում են «Կլիմայական գոտիների թանգարան» հոդվածին։ |
| ||||||||||
