Կարսի պաշարում (1828)

Վիքիպեդիայից՝ ազատ հանրագիտարանից
Jump to navigation Jump to search
Կարսի պաշարում
Ռուս-թուրքական պատերազմ (1828-1829)
Kars 1828.jpg
Կարսի պաշարումը, որը տեղի է ունեցել 1828 թվականի հունիսի 23-ին
Թվական 1828 թվականի հունիսի 20 (հուլիսի 2) - հունիսի 23 (հուլիսի 5)
Վայր Կարս, Օսմանյան կայսրություն
Արդյունք Ռուսական զորքերի հաղթանակ
Հակառակորդներ
Ռուսական կայսրություն Ռուսական կայսրություն Օսմանյան կայսրություն Օսմանյան կայսրություն
Հրամանատարներ
Ռուսաստան կոմս Պասկևիչ Էրիվանսկի
Ռազմական կորուստներ
մինչև 400 զոհեր և վիրավորներ մինչև 2000 զոհեր, 1361 պատանդներ

Կարսի պաշարում, 1828-1829 թվականների Ռուս-թուրքական պատերազմի ճակատամարտերից մեկը, որը տեղի է ունեցել 1828 թվականի հունիսի 20-ից (հուլիսի 2) - հունիսի 23-ը (հուլիսի 5) Կարսում։ Ճակատամարտը համարվում է 19-րդ դարում Կարսի բերդի առաջին գրավումը ռուսական զորքերի կողմից։ Այս ճակատամարտից հետո ռուսական զորքերը երկու անգամ ևս պաշարել են Կարսի բերդը։

Օսմանյան կայսրությանը պատերազմ էր հայտարարել ռուս կայսր Նիկոլայ I-ը։ Պատճառը Սև ծովի նեղուցներում նավարկության պայմանների խախտումն էր Բարձր դռան կողմից, ինչպես նաև պրովոկացիոն գործողությունները, որոնք նախաձեռնել էին օսմանյան թուրքերը։ Կարսի գրավման հիմնական նպատակը թուրքական ուժերի ուշադրության շեղումն էր պատերազմի հիմնական թատերաբեմից՝ Բալկանյան թերակղզուց։

Կոմս Պասկևիչ-Էրիվանսկին անձամբ ղեկավարելով զորքերը՝ 1828 թվականի հունիսի 14-ին (26-ին) Կումայրիից շարժվել է Կարս, պարտության մատնել թուրքական հեծելազորին և ստիպել հունիսի 23-ին (հուլիսի 5-ին) հանձնվել[1]։ Ընդ որում, թուրքական բանակը բերդում ուներ զենքի և վառոդի հարուստ պաշարներ։

Ծանոթագրություններ[խմբագրել | խմբագրել կոդը]

  1. «Турецкие войны России»։ Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ)։ Սանկտ Պետերբուրգ։ 1890–1907