Jump to content

Կարմրազգեստ կինը

Վիքիպեդիայից՝ ազատ հանրագիտարանից
Կարմրազգեստ կինը
անգլ.՝ The Woman in Red
Երկիր ԱՄՆ
Ժանրռոմանտիկ կատակերգություն
ՀիմքՓղերն էլ են սխալվում
Թվականօգոստոսի 15, 1984[1] և հունվարի 18, 1985[2]
Լեզուանգլերեն
ՌեժիսորՋին Ուայլդեր
ՊրոդյուսերՎիկտոր Դրեյ
Սցենարի հեղինակՋին Ուայլդեր
ԴերակատարներՔելլի Լեբրոք, Ջիլդա Ռադներ, Ջին Ուայլդեր, Չառլզ Գրոդին, Ջոզեֆ Բոլոնիա և Ջուդիթ Այվի
ՕպերատորՖրեդ Շուլեր
ԵրաժշտությունՋեյմս Հորներ
ՄոնտաժՔրիստոֆեր Գրինսբերի
Պատմվածքի վայրՍան Ֆրանցիսկո
Նկարահանման վայրՍան Ֆրանցիսկո
ԿինոընկերությունOrion Pictures
Տևողություն85 րոպե

«Կարմրազգեստ կինը» (անգլ.՝ The Woman in Red), ռեժիսոր Ջին Ուայլդերի` 1984 թվականին թողարկված կինոնկար։ «Լավագույն երգի» համար արժանացել է «Օսկար» մրցանակի։ Այն 1975 թվականին թողարկված «Եվ փղերը կարող են սխալ լինել» ֆրանսիական ֆիլմի վերաթողարկումն է։

Սյուժե

[խմբագրել | խմբագրել կոդը]

Մի անգամ Թեդին հայտնվում է գեղեցկուհու ննջասենյակի պատուհանի ետնամասում գտնվող քիվի վրա, և այդ ամենը նկարահանում է հեռուստատեսությունը։ Ինչպե՞ս է նա հայտնվել այս անհեթեթ իրավիճակում։ Ամբողջ մեղքը կարմիր հագուստով կնոջ` Շառլոտայի ցնցող գեղեցկությունն է։ Թեդի Փիրսն ունի այն ամենը, ինչ անհրաժեշտ է երջանիկ կյանքի համար` գեղեցիկ կին, երեխաներ, լավ աշխատանք, ընկերներ։

Ամեն ինչ լավ կլինի, բայց նա հուսահատ կարոտում է և ապրում միջին տարիքի ճգնաժամ։ Տեսնելով ծածանվող կարմիր հագուստ կրած ցնցող գեղեցկուհուն` նա սիրահարվում է նրան, և այժմ նրա միակ նպատակն է գեղեցկուհու անկողին մտնել։ Իր ողջ ազատ ժամանակվա ընթացքում նա գաղտնի հետապնդում է իր կրքի առարկային՝ փորձելով ինչ-որ բանի հասնել։

Նրա ընկերներն անում են դժվարին քայլեր, որպեսզի քողարկեն նրան. նվիրական ցանկության կատարումը մոտ է, բայց...

Դերերում

[խմբագրել | խմբագրել կոդը]

Ջին Ուայլդեր` Թեդի Փիրս

Չարլզ Գրոդին` Բադի

Քելլի Լեբրոք` Շառլոտա

Ջոզեֆ Բոլոնիա` Ջոուի

Ջուդիթ Այվի` Դիդի Փիրս

Մայքլ Հադլսթոն` Մայքի

Գիլդա Ռադներ` տիկին Միլներ

Քայլ Հեֆներ` Ռիչարդ

Մայքլ Զորեք` Շելլի

Բիլլի Բեք` գինեպան

Քայրա Սթեմփլ` Միսսի Փիրս

Ռոբին Իգնիկո` Բեքի Փիրս

Վայոլա Քեյթս Սթիմփսոն` Մամա Դելլ

Դեննի Ուելս` մաեստրո D

Բադի Սիլբերմեն` Հիլբերթ

Սաունդթրեք

[խմբագրել | խմբագրել կոդը]

Ֆիլմում հնչում է Սթիվի Ուանդերի հեղինակած հանրահայտ «I Just Called to Say I Love You» երգը[3], որի համար ֆիլմը ստացել է նաև «Օսկար» կինոմրցանակ (1985, «Ֆիլմի լավագույն երգ» անվանակարգում)։

Հետաքրքիր փաստեր

[խմբագրել | խմբագրել կոդը]

Ֆիլմի հանգուցային տեսարանը (ծածանվող կարմիր զգեստով Շառլոտան, որին տեսնում է Թեդին) ուղիղ հղում է 1955 թվականի «Յոթերորդ տարվա մարմաջ» ֆիլմից հայտնի դրվագին, որտեղ օդի հոսքից համանման ձևով ծածանվում է գլխավոր հերոսուհու սպիտակ զգեստը, որին մարմնավորել է Մերիլին Մոնրոն (հետագայում պաշտամունքային դարձած կերպարը)[4]։

Ֆոտոմոդել Շառլոտայի դերակատար Քելլի Լեբրոքը նկարահանումների ժամանակ անձամբ եղել է մոդել, ընդ որում՝ բավականին հայտնի։ «Կարմրազգեստ կինը» ֆիլմը դարձել է նրա առաջնելույթը կինոյում և նոր գործունեության սկիզբը։ Ֆիլմի թողարկման տարում ամուսնացել է նրա պրոդյուսեր Վիկտոր Դրայի հետ (որի հետ մինչ այդ մի քանի տարի հանդիպել էր), իսկ 1986 թվականին տեղի ունեցած ամուսնալուծությունից մեկ տարի անց նրա երկրորդ ամուսինն է դարձել Սթիվեն Սիգալը։ 1990 թվականին Քելլին Սիգալի հետ նկարահանվել է «Հակառակ մահի» մարտաֆիլմում։

Ծանոթագրություններ

[խմբագրել | խմբագրել կոդը]
  1. ↑ https://catalog.afi.com/Catalog/MovieDetails/57243
  2. ↑ Lexicon of international films (գերմ.) — Zweitausendeins.
  3. ↑ «I Just Called to Say I Love You». Արխիվացված է օրիգինալից 2009 թ․ հուլիսի 13-ին. Վերցված է 2020 թ․ մայիսի 1-ին.
  4. ↑ «The Woman in Red (1984) - Gene Wilder | Synopsis, Characteristics, Moods, Themes and Related» (անգլերեն). AllMovie. Վերցված է 2020 թ․ մարտի 3-ին.

Արտաքին հղումներ

[խմբագրել | խմբագրել կոդը]
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Կարմրազգեստ_կինը&oldid=9795471» էջից