Կարճամարմին ոսկեբզեզ
Կարճամարմին ոսկեբզեզ | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Anthaxia breviformis
|
Կարճամարմին ոսկեբզեզ (լատին․՝ Anthaxia breviformis), ոսկեբզեզների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
Տափակ, բավականին նեղ մարմնով, 4,5 մմ երկարությամբ մանր բզեզ է։ Գունավորումը մուգ կանաչ է, մարմնի ստորին մասը գրեթե սև է, իսկ հստակ սահմաններ չունեցող, մուգ կանաչ բծով վերնաթևերը՝ կեղտոտ կարմիր գույնի[1]։
Տարածվածություն[խմբագրել | խմբագրել կոդը]
Հայաստանի էնդեմիկ է։ Հայտնի է միայն Նռնաձոր գյուղի շրջակայքից (Սյունիքի մարզ)[1]։
Էկոլոգիա[խմբագրել | խմբագրել կոդը]
Ապրում է գիհու նոսրանտառներում։
Կենսաբանական առանձնահատկություններերը հայտնի չեն։ Հայտնաբերվել են ապրիլի վերջին՝ ծաղիկների վրա[1]։
Պահպանություն[խմբագրել | խմբագրել կոդը]
Խիստ սահմանափակ արեալով շատ հազվագյուտ տեսակ է։ Բնության պահպանության միջազգային միության Կարմիր ցուցակում գրանցված է որպես կրիտիկական վիճակում գտնվող տեսակ։
Թվաքանակի փոփոխության միտումները հայտնի չեն։ Հայտնաբերված է մեկ նմուշ։
Սպառնացող վտանգ է հանդիսանում բնակավայրերի մոտ վառելիք ձեռք բերելու նպատակով բնափայտաթփային բուսականության հատումը, ինչպես նաև անասունների՝ հատկապես այծերի չկարգավորված արածեցումը։
Պահպանվում է «Արևիկ» ազգային պարկում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.