Կարեն Ներսիսյան

Վիքիպեդիայից՝ ազատ հանրագիտարանից
Jump to navigation Jump to search
Կարեն Արտակի Ներսիսյան
Karen Nersisyan.jpg
ապրիլի 8, 1997(1997-04-08) - ապրիլի 2, 2016(2016-04-02) (18 տարեկան)
ԾննդավայրԲջնի, Հայաստան
Մահվան վայրԱրցախ Արցախ Ջեբրաիլ
ՔաղաքացիությունՀայաստան Հայաստան
Ծառայության տարիներ2015-2016
Կոչումսերժանտ
Մարտեր/
պատերազմներ
Արցախա-ադրբեջանական Քառօրյա պատերազմ
Պարգևներ«Արիության» մեդալ
«Մարտական ծառայություն» մեդալ

Կարեն Արտակի Ներսիսյան (ապրիլի 8, 1997, Բջնի, Կոտայքի մարզ, Հայաստան - ապրիլի 2, 2016, Ջաբրայիլ, Արցախի Հանրապետություն), Հայաստանի զինված ուժերի և Արցախի պաշտպանության բանակի զինծառայող, սերժանտ, Լելե-Թեփե բարձունքում գտնվող 112-րդ մարտական դիրքի ավագ Ադամ Սահակյանի օգնականը[1]։

Կարեն Ներսիսյանը այն յոթ զինվորներից մեկն էր, որոնք Ադամ Սահակյանի գլխավորած մարտում մի քանի ժամ շարունակ պայքարել են հակառակորդի դեմ՝ կյանքի գնով պաշտպանելով Ջաբրայիլի դիրքերից մեկը[2]։

Կենսագրություն[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Կարեն Ներսիսյանը ծնվել է 1997 թվականի ապրիլի 8-ին Բջնիում:

2003-2014 թվականներին սովորել է Բջնիի Հովհաննես Թումանյանի անվան միջնակարգ դպրոցում։ Ուսումը շարունակել է Երևանի ճարտարապետության և շինարարարության պետական համալսարանի ճարտարապետա-դիզայներական ֆակուլտետում։

Զբաղվել է սպորտով, հաճախել համակարգչային ուսուցման կենտրոն։

Ունի կրտսեր եղբայր՝ Արման Ներսիսյանը[3]:

Զինվորական ծառայություն[խմբագրել | խմբագրել կոդը]

Ուսումը կիսատ թողնելով՝ 2015 թվականի հուլիսի 11-ին Կարեն Ներսիսյանը 2015/1 զորակոչով Չարենցավանի Զինկոմիսարիատից մեկնել է պարտադիր ժամկետային զինծառայության։ Ծառայել է Արցախում։ Բարձր առաջադիմության շնորհիվ ստացել է սերժանտի կոչում։ Եղել է արցախա-ադրբեջանական Քառօրյա պատերազմի առաջին զոհերից մեկը։ Նրա զորացրվելուն մնացել էր մեկ տարի[4]:

Քառօրյա պատերազմ[խմբագրել | խմբագրել կոդը]

2016 թվականի ապրիլի 1-ին Կարեն Ներսիսյանը բարձրացել է դիրքեր՝ հերթափոխ իրականացնելու։ Նույն օրվա գիշերը՝ ժամը 02:30-ի սահմաններում, հակառակորդը լայնամասշտաբ հարձակումներ է սկսել արցախա-ադրբեջանական սահմանի ողջ երկայնքով։

112 դիրքը (Լալայկա՝ Լելե-Թեփե կոչվող բարձունք) ևս ենթարկվել է հրետակոծման, ինչի արդյունքում դիրքի ավագ Ադամ Սահակյանի գլխավորությամբ 7 հոգուց բաղկացած խումբն անցել է շրջանաձև պաշտպանության։

Անձնակազմի անդամներին` Ադամ Սահակյանին, Կարեն Ներսիսյանին, Բագրատ Ալեքսանյանին, Տիգրան Բերակչյանին, Սաշա Գալստյանին, Անդրանիկ Գրիգորյանին, Ժորա Եսայանին, Բորիս Օզմանյանին օգնության է հասել 5 սպայից բաղկացած օպերատիվ խումբը` Ալեքսան Առաքելյանը, Օնիկ Գրիգորյանը, Մաքսիմ Գրիգորյանը, Ռոման Պողոսյանը, Սուրեն Մելքումյանը[4]:

Սերժանտ Սահակյանն իր զինակից ընկերների հետ կոտրել է հակառակորդի ողնաշարը՝ հասցնելով նրան զգալի կորուստներ (200-ից ավելի սպանված հատուկջոկատային), կանխելով նրա առաջխաղացումը դեպի երկրի խորքերը, տապալելով կայծակնային պատերազմի միջոցով ԼՂՀ-ին արագ պարտության մատնելու հակառակորդի մշակած ծրագիրը։

Կարեն Ներսիսյանը ծավալված թեժ ու համառ մարտերում մարտնչել է մինչև վերջին փամփուշտը՝ ոչնչացնելով հակառակորդի բազմաթիվ գրոհայինների[5]:

Անհավասար պայքարում զոհվել են Ադամ Սահակյանը, Կարեն Ներսիսյանը, Բագրատ Ալեքսանյանը, Տիգրան Բերակչյանը, Անդրանիկ Գրիգորյանը, Ժորա Եսայանը, Բորիս Օզմանյանը[6]:

Հուղարկավորություն[խմբագրել | խմբագրել կոդը]

Ապրիլի 2-ից Կարենի հարազատները փորձել են կապ հաստատել նրա հետ, ապա իմացել են, որ նա անհետ կորածների ցուցակում է։ Ապրիլի 10-ին Բաշ Քարվենդ բնակավայրի  մոտակայքում հայկական կողմին է փոխանցվել 18 զինծառայողի մարմին։ Նրանցից մեկը Կարեն Ներսիսյանն էր[6]։

Կարեն Ներսիսյանի հոգեհանգիստը տեղի է ունեցել Կոտայքի մարզի Բջնի գյուղի Սուրբ Աստվածածին եկեղեցում: Զինվորական կարգով հողին հանձնելու արարողությունը կատարվել է 2016 թվականի ապրիլի 13-ին։

Աճյունն ամփոփված է գյուղի կենտրոնում գտնվող Արցախյան և Երկրորդ համաշխարհային պատերազմների ընթացքում զոհվածների համար կանգնեցված պանթեոնում[7]։

Պարգևներ[խմբագրել | խմբագրել կոդը]

2016 թվականի ապրիլի 16-ին Կարեն Ներսիսյանը ԼՂՀ նախագահ Բակո Սահակյանի կողմից հետմահու պարգևատրվել է Լեռնային Ղարաբաղի Հանրապետության «Մարտական ծառայություն» պետական մեդալով[8]։

2016 թվականի մայիսի 28-ին Կարեն Ներսիսյանը Հայաստանի նախագահ Սերժ Սարգսյանի կողմից հետմահու պարգևատրվել է Հայաստանի Հանրապետության «Արիության» մեդալով[9]:

Հիշատակ[խմբագրել | խմբագրել կոդը]

Բջնի գյուղի Հովհաննես Թումանյանի անվան միջնակարգ դպրոցի մաթեմատիկայի դասարանը 2016 թվականից կրում է ապրիլյան հերոս Կարեն Ներսիսյանի անունը: Նրա անունն է կրում նաև Երևանի ճարտարապետության և շինարարարության պետական համալսարանի լսարաններից մեկը[4]:

Կարեն Ներսիսյանի ծննդյան 20-ամյակին՝ 2017 թվականի ապրիլի 8-ին, հայրենի գյուղում խաչքար է կանգնեցվել՝ ի հիշատակ նրա և զինակից ընկերների[10]։

Տես նաև [խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Սերժանտ Կարեն Ներսիսյան. Լելե-Թեփե բարձունքում մարտնչել է մինչեւ վերջին փամփուշտը»։ Armtimes.com (հայերեն)։ Վերցված է 2020-05-22 
  2. ««Կարենն ինձ համար զոհված չէ, քանի դեռ նրան հիշում եմ». ապրիլյան պատերազմի հերոս Կարեն Ներսիսյանի ծննդյան օրն է»։ artsakhpress.am։ Վերցված է 2020-05-22 
  3. «Այսօր Ապրիլյան Քառօրյա պատերազմի հերոս Կարեն Ներսիսյանի ծննդյան օրն է - Այսօր` թարմ լուրեր Հայաստանից»։ www.aysor.am (անգլերեն)։ Վերցված է 2020-05-22 
  4. 4,0 4,1 4,2 «Կարեն Արտակի Ներսիսյան»։ Վերցված է 2020-05-22 
  5. ««Մամ ջան, գնացե՛ք, հանգիստ քնեք». Հերոս Կարեն Ներսիսյանը կդառնար 20 տարեկան. ֆոտո»։ iravunk.com։ Վերցված է 2020-05-22 
  6. 6,0 6,1 LLC Helix Consulting։ «Կարեն Ներսիսյան. ապրիլյան պատերազմում հերոսացած զինվորն այսօր կդառնար 20 տարեկան»։ www.panorama.am (անգլերեն)։ Վերցված է 2020-05-22 
  7. «Մի պահ զանգը գնաց, շտապ անջատեցի, մտածեցի՝ հանկարծ երեխաս չբռնվի. Քառօրյայում զոհված Կարեն Ներսիսյանի մայր (ֆոտո)»։ news.am (հայերեն)։ Վերցված է 2020-05-22 
  8. «Բջնեցի Կարենը. Ապրիլյան պատերազմի հերոսն այսօր կդառնար 23 տարեկան»։ www.1lurer.am։ Վերցված է 2020-05-22 
  9. «Այսօր Կարեն Ներսիսյանի տարեդարձն է»։ Վերցված է 2020-05-22 
  10. «Խաչքար՝ Ապրիլյան պատերազմի հերոս Կարեն Ներսիսյանի հիշատակին»։ www.1lurer.am։ Վերցված է 2020-05-22 

Արտաքին հղումներ[խմբագրել | խմբագրել կոդը]