Կարեն Հայրյան
- Վիքիպեդիայում կան հոդվածներ Հայրյան ազգանունով այլ մարդկանց մասին։
Կարեն Արամի Հայրյան | |
|---|---|
| Ծնվել է | փետրվարի 6, 1945 (79 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Վ․ Բրյուսովի անվան պետական համալսարան (1962) |
| Կոչում | պրոֆեսոր և պրոֆեսոր |
| Գիտական աստիճան | Մանկավարժական գիտությունների թեկնածու (2004) |
| Մասնագիտություն | մանկավարժ |
| Աշխատանք | ԵՊՀ պատմության և
միջազգային հարաբերությունների մագիստրատուրա, արտասահմանյան լեզուների և նրանց դասավանդման մեթոդիկայի ամբիոնի վարիչ, օտար լեզուների ֆակուլտետի դեկան, արտասահմանյան լեզուների և նրանց դասավանդման մեթոդիկայի ամբիոնի վարիչ, օտար լեզուների դեկան |
| Աշխատավայր | Աղասի Խանջյանի անվան թիվ 53 դպրոց, Հայկական պետական մանկավարժական համալսարան և Երևանի պետական համալսարան |
Կարեն Արամի Հայրյան (փետրվարի 6, 1945, Երևան, Հայկական ԽՍՀ, ԽՍՀՄ), հայ մանկավարժ։ Մանկավարժական գիտությունների թեկնածու, պրոֆեսոր[1]։
Կենսագրություն[խմբագրել | խմբագրել կոդը]
Կարեն Հայրյանը ծնվել է 1945 թվականին, Երևան քաղաքում՝ ծառայողի ընտանիքում։ Միջնակարգ կրթությունը ստացել է Նադեժդա Կրուպսկայայի անվան թիվ 19 դպրոցում (ներկայիս Ն. Աղբալյան)։ 1962 թվականին ավարտել է դպրոցը, ընդունվել Վալերի Բրյուսովի անվան լեզվաբանական համալսարան և սովորել օտար լեզուների ֆակուլտետի անգլերենի բաժնում։ Ինստիտուտի երկրորդ կուրսից զորակոչվել է բանակ, ծառայությունից հետո շարունակել ուսումը։ 1969 թվականին ավարտել է բուհը՝ ստացել անգլերենի ուսուցչի որակավորում։ 1970-1971 թվականներին աշխատել է Աղասի Խանջյանի անվան թիվ 53 միջնակարգ դպրոցում որպես անգլերենի ուսուցիչ։ 1971 թվականից որպես անգլերենի և օտար լեզուների դասավանդման մեթոդիկայի դասախոս, աշխատել է Խաչատուր Աբովյանի անվան պետական մանկավարժական համալսարանում[2]։ 1990 թվականին պաշտպանել է թեկնածուական ատենախոսության թեզ և ստացել մանկավարժական գիտությունների թեկնածուի գիտական աստիճան։
Կարեն Հայրյանը մանկավարժական աշխատանքին զուգընթաց զբաղվում է գիտական գործունեությամբ։ Նա ունի շուրջ 40 գիտական ուսումնասիրություն։
Աշխատանքային գործունեություն[խմբագրել | խմբագրել կոդը]
- 1998-2000 թվականներին աշխատել է ԵՊՀ պատմության և միջազգային հարաբերությունների մագիստրատուրայում։
- 2001 թվականին զբաղեցրել է արտասահմանյան լեզուների և նրանց դասավանդման մեթոդիկայի ամբիոնի վարիչի պաշտոնը։
- 2006 թվականին ընտրվել է օտար լեզուների ֆակուլտետի դեկանի պաշտոնում։
- 2008 թվականին վերընտրվել է արտասահմանյան լեզուների և նրանց դասավանդման մեթոդիկայի ամբիոնի վարիչի պաշտոնում։
- 2009 թվականին վերընտրվել է օտար լեզուների դեկանի պաշտոնում։
Գիտական կոչումներ[խմբագրել | խմբագրել կոդը]
2004 թվականին նրան շնորհվել է դոցենտի կոչում, իսկ 2010 թվականին՝ պրոֆեսորի կոչում։
Ծանոթագրություններ[խմբագրել | խմբագրել կոդը]
- ↑ «ԽԱՉԱՏՈՒՐ ԱԲՈՎՅԱՆԻ ԱՆՎԱՆ ՀՊՄՀ ԳԻՏԱԿԱՆ ԽՈՐՀՐԴԻ ԱՆԴԱՄ - 30 Декабря 2011 - Նորություններ - Տիգրան Հայազն». tigranhayazn.do.am. Վերցված է 2019 թ․ հունիսի 8-ին.
- ↑ «Կարեն Արամի Հայրյան». aspu.am. Վերցված է 2019 թ․ հունիսի 9-ին.