Կարեն Իսկանդարյան

Վիքիպեդիայից՝ ազատ հանրագիտարանից
Jump to navigation Jump to search
Կարեն Լենդրուշի Իսկանդարյան
Ծնվել է8 հուլիսի, 1972
ԾննդավայրԶառիթափ, Վայոց ձորի մարզ
Մահացել է2 հոկտեմբերի, 1992
Մահվան վայրՀաթերք, Լաչին

Կարեն Լենդրուշի Իսկանդարյան (8 հուլիսի, 1972, Զառիթափ, Վայոց ձորի մարզ - 2 հոկտեմբերի, 1992, Հաթերք, Լաչին), հայ ազատամարտիկ, Արցախյան պատերազմի մասնակից։

Կենսագրություն[խմբագրել | խմբագրել կոդը]

Ծնվել է 1972 թվականի հուլիսի 8-ին Վայոց ձորի մարզի Զառիթափ գյուղում։ 1982 թվականից հաճախել է գյուղի միջնակարգ դպրոց։ 1990 թվականին ավարտելով միջնակարգ դպրոցի 8-ամյա կրթությունը՝ մեկնել է Երևան և ընդունվել տեխնիկում։ 1991 թվականին ավարտելով տեխնիկումը՝ ստացել է կինոմեխանիկի մասնագիտություն։ Տեխնիկումն ավարտելուց հետո ընդունվել է Երևանի ժողովրդական տնտեսության ինստիտուտի հեռակա ուսուցման ֆակուլտետը։ 1992 թվականին, երբ 2-րդ կուրսի ուսանող էր, սկսվում է առաջին զորահավաքը, և Կարենը մի խումբ ընկերների հետ մեկնում է ռազմաճակատ։ Մասնակցել է մի շարք ռազմական օպերացիաների, այդ թվում՝ Հաթերքի, Վաղուհասի, Հարությունագոմերի համար մղվող մարտերին։ Զոհվել է 1992 թվականի հոկտեմբերի 2-ին Լաչինի միջանցքի ազատագրման ժամանակ՝ Հաթերքի համար մղվող ճակատամարտում։ Հետմահու պարգևատրվել է տարբեր մեդալներով, շքանշաններով։ Կարենի հայրենի գյուղում՝ Զառիթափում, կանգնեցված է նրա անունը կրող հուշաքար, և ստեղծվել է հիշատակի անկյուն։