Կարեն Բաբուրյան

Վիքիպեդիայից՝ ազատ հանրագիտարանից
Jump to navigation Jump to search
Կարեն Բաբուրյան
հայ․՝ Կարեն Բաբուրյան
Ծնվել էհուլիսի 2, 1954(1954-07-02)
ԾննդավայրՍտեփանակերտ, ԼՂԻՄ, ԱԽՍՀ, ԽՍՀՄ
Մահացել էհուլիսի 8, 2011(2011-07-08) (57 տարեկանում)
ՔաղաքացիությունFlag of Armenia.svg Հայաստան
Արցախ
Ազգությունհայ[1]
Մասնագիտությունքաղաքական գործիչ
Զբաղեցրած պաշտոններԱրցախի նախագահ

Կարեն Զարմայրի Բաբուրյան (հուլիսի 2, 1954, Ստեփանակերտ - հուլիսի 8, 2011 Արարատ), իրավաբան, քաղաքական, պետական գործիչ։

Կենսագրություն[խմբագրել | խմբագրել կոդը]

  • 1971 թվականին ավարտել է Ստեփանակերտի թիվ 8 միջնակարգ դպրոցը,
  • 1980 թվականին ավարտել է Բաքվի Կիրովի անվան պետական համալսարանի իրավաբանական ֆակուլտետը,
  • 1980-1991 թվականներին աշխատել է ժողովրդական պատգամավորների ԼՂ Մարզային խորհրդի գործադիր կոմիտեում՝ որպես հրահանգիչ, նախագահի օգնական, կազմհրահանգչային բաժնի վարիչ,
  • 1992 թվականին ընտրվել է ԼՂՀ առաջին գումարման Գերագույն խորհրդի պետական շինարարության, իրավունքի և օրինականության մշտական հանձնաժողովի նախագահ,
  • 1993 թվականին զբաղեցրել է ԼՂՀ Գերագույն խորհրդի նախագահի պաշտոնակատարի, այնուհետեւ՝ նախագահի պաշտոնը,
  • 1994 թվականին ԼՂՀ-ում տեղի ունեցած արտահերթ խորհրդարանական ընտրությունների արդյունքում ընտրվել է ԱԺ նախագահ
  • 1997 թվականին նշանակվել է ԼՂՀ ԱԳ փոխնախարար,
  • 1997 թվականի դեկտեմբերից մինչև 2001 թվականը աշխատել է ԼՂՀ Նախագահի աշխատակազմում՝ որպես իրավաբանական բաժնի վարիչ, այնուհետև՝ որպես ԼՂՀ Անվտանգության խորհրդի աշխատակազմի իրավաբանական բաժնի վարիչ,
  • 2001-2008 թվականներին զբաղեցրել է ԼՂՀ Անվտանգության խորհրդի քարտուղարի պաշտոնը,
  • 2008 թվականի մայիսից զբաղեցրել է ԼՂՀ Նախագահի հատուկ հանձնարարությունների գծով ներկայացուցչի պաշտոնը
  • 2011 թ.-ի հուլիսի 8-ին մահացել է սրտի կաթվածից՝ ԼՂՀ գնալու ճանապարհին՝ Արարատի հիվանդանոցում։

1994 թվականի մայիսի 4-ին Բիշքեկում, որպես Լեռնային Ղարաբաղի Հանրապետություն պատվիրակության ղեկավար, մասնակցել է ԱՊՀ միջխորհրդարանական համաժողովի աշխատանքներին, ստորագրել Բիշքեկյան արձանագրությունը։ 

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png
  1. Ղարաբաղյան ազատագրական պատերազմ հանրագիտարան — 2004. — 865 p.