Կարեն Ադոնց
| Կարեն Ադոնց | |
|---|---|
| Ծնվել է | 1962 թվական |
| Ծննդավայր | Երևան |
| Քաղաքացիություն | Հայաստան |
| Ազգություն | հայ |
| Մայրենի լեզու | հայերեն |
| Կրթություն | Դնեպրոձերժինսկի ինդուստրիալ ինստիտուտի մեխանիկական ֆակուլտետի շրջանավարտ |
| Մասնագիտություն | Տնտեսագետ |
Ադոնց Կարեն Վլադիկի (1962, Երևան), հայ տնտեսագետ[1]։
Կենսագրություն[խմբագրել | խմբագրել կոդը]
Կարեն Ադոնցը սովորել է Ուկրաինայի Դնեպրոձերժինսկի ինդուստրիալ ինստիտուտի մեխանիկական ֆակուլտետում, որն ավարտել է 1985 թվականին։ 1985-1988 թվականներին նա աշխատել է «Հայէլեկտրամեքենա» արտադրական միավորումում որպես ինժեներ տեխնոլոգ, ապա՝ տնտեսագետ։ Տնտեսագիտական հետազոտությունների ինստիտուտի ասպիրանտուրա է ընդունվել 1989 թվականին։ 1991 թվականին տնտեսագիտության թեկնածուի աստիճան է ստացել ։ 1991-1993 թվականներին Երևանի տեխսարքավորումների արտադրական միավորման գլխավոր տնօրենի տեղակալն էր տնտեսական հարցերի գծով, ապա՝ 1993-1996 թվականներին՝ Հայ-ավստրալիական համատեղ ձեռնարկության տնօրենը։ Ղեկավարել է Տնտեսական հետազոտությունների ինստիտուտի տնտեսական վերլուծությունների կենտրոնը։ «Հայաստանի տնտեսության ռազմավարությունը» թեմայով հետազոտություններ է իրականացրել ԱՄՆ-ում՝ 1997-1998 թվականներին։ Նրա դոկտորական ատենախոսության թեման էր՝ “Проблемы стратегического развития промышленности РА в переходном периоде” նյութը, որը պաշտպանեց 1998 թվականին, ապա՝ 1999 թվականից աշխատանքի անցավ որպես ՀՀ արտադրական ենթակառուցվածքների գործունեությունը համակարգող նախարարի տեղակալ[1][2]։
Գիտական գործունեություն[խմբագրել | խմբագրել կոդը]
Կարեն Ադոնցի գիտական հետաքրքրությունները վերաբերում են Հայաստանի արդյունաբերության զարգացման հիմնական ուղղությունների լուսաբանմանը, ինչն արտացոլվեց նրա “Стратегическое управление в промышленности (промышленность Армении. перспективы развития)” մենագրության մեջ։ Սույն աշխատության մեջ ներկայացված է 1990-ական թվականների վերջերին Հայաստանում առկա տնտեսության մակրոտնտեսական գնահատականը, շուկաների դրությունն ու վերլուծությունը, արդյունաբերության ներդրումային քաղաքականության նրբությունները, հեռանկարները, արդյունավետության վերլուծություն ու գնահատումը։ Հայրենական արդյունաբերության արագ զարգացման կարևոր խնդիր է դիտվում մի քանի խոշոր արդյունաբերական խմբերի ստեղծումը (յուրաքանչյուրում միավորելով 15-20 խոշոր և միջին ձեռնարկություններ)։ Ըստ Ադոնցի, այդպիսի միավորումները, հետագայում ունենալով նաև սեփական բանկերը և առևտրական ընկերությունները, հնարավորություն կտան յուրացնելու արտաքին շուկաները, կրճատելու ներգրաված կապիտալի ընդհանուր և առևտրատրանսպորտային ծախքերը, կտրուկ բարձրացնելու արտադրության արդյունավետությունը[1]։
“Главные рынки Армянской промышленности и основные направления структурных преобразований” աշխատության մեջ Ադոնցն անդրադարձ է կատարում արդյունաբերության ռազմավարական կառավարման խնդիրներին, մեծ տեղ հատկացնելով կազմակերպչական վերափոխությունների բնույթին, արդյունաբերական ձեռնարկությունների շահութաբերությանն ու արդյունավետությանը։
Մատենագիտություն[խմբագրել | խմբագրել կոդը]
- Հայաստանի անցումային տնտեսությունը։ (Տնտ. և գործն. հարցեր) / Միհրան Գևորգյան, Արթուր Թամազյան; Մասնագիտ. խմբ.՝ Կ. Ադոնց. - Երևան։ Ա. հ, 1997. - 50 էջ
- Адонц, Карен Владикович: Главные рынки армянской промышленности и основные направления структурных преобразований / К.В. Адонц. - Ереван: Изд-во ИЭИ, 1998. - 168 с.
- Адонц, Карен Владикович: Повышение уровня интенсификации производства электротехнической промышленности Армении: диссертация ... кандидата экономических наук: 08.00.05. - Ереван, 1990. - 162 с.
- Адонц, Карен Владикович: Проблемы стратегического развития промышленности РА в переходном периоде: Автореферат диссертации на соискание ученой степени доктора экономических наук по специальности: Ը.00.02 - «Экономика, управление хозяйством и его отраслями» ՀՀ Արդյունաբերության ռազմավարական զարգացման հիմնախնդիրները անցումային շրջանում . Սեղմագիր ‐ Ը.00.02 ‐ «Տնտեսության, նրա ճյուղերի տնտեսագիտություն և կառավարում» մասնագիտությամբ տնտեսագիտության դոկտորի գիտական աստիճանի հայցման ատենախոսության / К.В.Адонц. - Ереван, 1998. - 44 с.
- Адонц, Карен Владикович: Стратегическое управление в промышленности: (Промышленность Армении - перспективы развития) / К.В. Адонц. - Ереван: Изд-во ИЭИ, 1997. - 234 с.
- Адонц, Карен Владикович: Экономический рост и инвестиционная политика: (Вопросы стимулирования инвестиционной активности в прмышленности) / К.В. Адонц; Науч. ред. М.А. Геворкян. - Ереван: ИЭИ 1998. - 40 с.
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 ««Հայ տնտեսագիտական մտքի երկու դարը»» (PDF). 2017. էջեր 15–17.
- ↑ Սարինյան, Ռ.Ն.Հայ տնտեսագիտական մտքի երկու դարը։ Գիտակենսագրական հանրագիտարան / Ռ.Ն. Սարինյան, Վ.Լ. Հարությունյան. - Երևան։ ՀՀ ԳԱԱ «Գիտություն» հրատարակչություն, 2017
Արտաքին հղումներ[խմբագրել | խմբագրել կոդը]
- Карен Адонц: Проект развития Армении[1]
- "ՀՈԳԵՎՈՐ ՀԱՅԱՍՏԱՆ" Խորհրդաժողով[2]
- Կարեն Ադոնց. Հայաստանի տնտեսությունը ոչ ոքի հետաքրքիր չէ[3]
- Կարեն ԱԴՈՆՑ. ՊԵՏՈՒԹՅՈՒՆԸ ՊԵՏՔ Է ՈՒՆԵՆԱ ԻՐ ԾՐԱԳԻՐԸ[4]
- ՀՀ արտաքին պարտքը ծախսվում է գործող ոլորտների գոյատևումն ապահովելու համար. նոր շուկաներ չեն ձևավորվում, ինչը կհանգեցնի երկրի հուսալիության նվազմանն ու տնտեսության անկմանը. Կարեն Ադոնց[5]
- ↑ https://russia-armenia.info/node/1525
- ↑ https://www.youtube.com/watch?v=-182AYXHyWs
- ↑ https://news.am/arm/news/341993.html
- ↑ https://www.golosarmenii.am/article/91814/karyen-advonts--pyetvothyvone-pyetq-e-vonyena-ir-tsragire
- ↑ «Արխիվացված պատճենը». Արխիվացված է օրիգինալից 2021 թ․ հունիսի 9-ին. Վերցված է 2021 թ․ հունիսի 9-ին.