Կարապետ Դիլուրգյան

Կարապետ Դիլուրգյան
Ծնվել է	1861
Մահացել է	ոչ վաղ քան 1940
Քաղաքացիություն	Ռուսական կայսրություն և  ԽՍՀՄ
Մասնագիտություն	քահանա

Կարապետ (Գարաբետ, Տեր-Կարապետ) Դիլուրգյան (ծնվ. 1861 թվականին - մահվան ամսաթիվը՝ 1940 թվականից հետո), հայ կաթողիկե եկեղեցու քահանա, ԽՍՀՄ հայ կաթոլիկների առաքելական կառավարչի տեղապահ։

Կենսագրություն

Կարապետ Դիլուրգյանը ծնվել է 1861 թվականին։ Ծագումով Դերլուգյան տոհմից է, ովքեր բնակվել են Արդվինի տարածաշրջանում։ Սովորել է Վենետիկի Մխիթարյան միաբանության հայկական դպրոցում, ապա վերադարձել Արդվին, որտեղ կարևոր դեր է խաղացել հայ կաթոլիկ համայնքի կյանքում։ Կազմակերպել է Արդվինից հայերի արտագաղթը թուրքերի կողմից այն գրավելուց հետո։ 1916 թվականից հոգ է տարել Մոսկվայի, հետագայում էլ Կրասնոդարի հայ կաթոլիկների մասին։

1931 թվականից եղել է ԽՍՀՄ հայ կաթոլիկների առաքելական կառավարիչ Տեր Դիոնիս Կալատազովի տեղապահը, ով մահացել էր հիվանդությունից։ Կարապետ Դերլուգյանը ամեն ինչում փորձել է համապատասխանել խորհրդային օրենքների պահանջներին։ 1934 թվականին նա ապարդյուն փորձեր է կատարել Հայաստանի կենտրոնական գործադիր կոմիտեից համաձայնություն ստանալու հայ քահանաների գոնե ժամանակավոր նշանակումների վերաբերյալ՝ Լենինականում և Ստեփանավանում կրոնական ծեսերի կազմակերպման նպատակով։

1936 թվականի հունիսին ձերբակալվել է Կրասնոդարում և երեք ամիս հետաքննությունից հետո՝ հոկտեմբերին (75 տարեկան հասակում), դատապարտվել երեք տարվա աքսորի Կիրովից հյուսիս-արևելք գտնվող Լոինո գյուղի ճահճային, բնակության համար անբարենպաստ տարածք։ Ազատվելուց հետո նա որոշ ժամանակ շարունակել է գաղտնի ծառայել Կրասնոդարի երկրամասի հարավային փոքր քաղաքներում և գյուղերում, այնուհետև ստիպված է եղել տեղափոխվել Աբխազիա՝ Օչամչիրա։

Մահվան ամսաթիվը անհայտ է (1940 թվականից հետո)։

Գրականություն

• Католическая Энциклопедия, изд. Францисканцев, М., 2005, стр. 1337, ISBN 5-89208-054-4
• The Catholic Church and Soviet Russia, 1917-39 - p. 69
• История Римско-католической Церкви в России и Польше в документах архивов, библиотек и музеев Санкт-Петербурга: очерк - путеводитель. Ч. 2