Կանգավար (ամրոց)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Կանգավար (այլ կիրառումներ)

Կանգավար, ամրոց Մեծ Հայքի Վասպուրական նահանգի Անձևացիք գավառում։ Հռիփսիմյանց պատմության մեջ հիշատակվում է որպես «ամուր բերդ»։ Թովմա Արծրունու վկայությամբ այն եղել է Անձևացյաց նախարարության գլխավոր ամրոցը և իշխանանիստը, որի համար Վասպուրականի իշխանները երբեմն պատերազմում էին միմյանց դեմ։

12-րդ դարում արաբ աշխարհագիր Ցակուտը Կանգավարը հիշում է «Քինքիվար» ձևով, որպես «ամրակառույց բերդ» Զավազանում (Անձևացիք)։ Կանգավարի տեղում այժմ Կենգեվեր (Կանքվառ) գյուղն է, որը 20-րդ դարի սկզբին մտնում էր Վանի վիլայեթի Խոշաբ գավառի մեջ և ուներ 50 տուն հայ բնակիչ, որոնք զբաղվում էին անասնապահությամբ և երկրագործությամբ։ Տեղահանվել և զոհվել են 1915 թվականի Մեծ եղեռնի ժամանակ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 235 CC-BY-SA-icon-80x15.png