Կանադայի տեքստիլային գործվածքի թանգարան

Վիքիպեդիայից՝ ազատ հանրագիտարանից
Jump to navigation Jump to search
Կանադայի տեքստիլային գործվածքի թանգարան
Textile Museum of Canada 12163603575.jpg
Տեսակթանգարան
ԵրկիրFlag of Canada (Pantone).svg Կանադա
ՏեղագրությունՕնտարիո
Հիմնադրված է1975
Կոորդինատներ: 43°39′17″ հս․ լ. 79°23′12″ ամ. ե. / 43.65472° հս․. լ. 79.38667° ավ. ե. / 43.65472; 79.38667
Կայքtextilemuseum.ca

Կանադայի տեքստիլային գործվածքի թանգարան (անգլ.՝ Textile Museum of Canada), տեքստիլային գործվածքի հավաքածուներին, ցուցադրմանն ու փաստաթղթային հիմնավորումներին նվիրված թանգարան Կանադայի Օնտարիո նահանգի Տորոնտո քաղաքում:

Պատմություն[խմբագրել | խմբագրել կոդը]

Կանադայի տեքստիլային գործվածքի թանգարանը հիմնադրվել է 1975 թվականին որպես Կանադայի գորգերի և տեքստիլների գործվածքների թանգարան Մաքս Ալենի և Սիմոն Վագմեկերսի կողմից: Տեղակայված է Մարխեմ փողոցի Mirvish Village կոչվող առևտրային անկլավի պաղպաղակի խանութի վերևում: Թանգարանի հավաքածուն սկզբում հիմնված էր գործուղումների ժամանակ ձեռքբերված գործվածքների վրա: Թանգարանի ներկայիս վայրը տեղափոխվել է 1989 թվականին[1][2][3]:

Հավաքածու[խմբագրել | խմբագրել կոդը]

Կանադայի տեքստիլային գործվածքի թանգարանն ունի շուրջ 13 հազար տեքստիլային գործվածքների մշտական հավաքածու ամբողջ աշխարհից, և ներկայացնում է 2000 տարվա տեքստիլային գործվածքների պատմություն: Հավաքածուում ներառված են գործվածքներ, ծիսական հագուստ, տարազներ, գորգեր, մգդակած վերմակներ և նմանատիպ առարկաներ[2][4]:

Թանգարանը իր սեփական և այլ հավաքածուներից ներկայացնում է ժամանակակից աշխատանքների և պատմական ու էթնոգրաֆիկ նմուշների համադրված ցուցահանդեսներ[5]: Թանգարանում է գտնվում Հ. Ն. Փուլար գրադարանը (H.N. Pullar Library), որի հավաքածուն հիմնված է ոչ արդյունաբերական տեքստիլի վրա[6][7]: Թանգարանում կազմակերպվում են նաև դասախոսություններ, կլոր սեղանի շուրջ քննարկումներ, սեմինարներ, երաժշտական և պարային ներկայացումներ, ցուցադրումներ, դպրոցական ծրագրեր և հանրային շրջագայություններ:

Թանգարանի թվայնացման ծրագրերից մեկը՝ «Կանադական գոբելեն. մշակութային բազմազանության կտոր», 7000 նմուշների առցանց մուտքի հնարավորություն է տալիս, իսկ երկրորդ փուլը շուրջ 3500 նմուշների հնարավորություն կտա:

Թանգարանի ցուցադրություններից և հրատարակություններից շատերն արժանացել են մրցանակների, այդ թվում՝

  • Կտոր և կավ.հաղորդակցման մշակույթ (2003)[8]
  • Կանադական գոբելեն. մշակութային բազմազանության կտոր (2006) [9]
  • Սոսկալի գեղեցկություն. ինստալյացիա (2006)[9]
  • Թոր Հանսեն. արհեստագործություն կանադական ոճով (2006)[9]

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Textile Museum»։ yorkregion.com։ May 23, 2012։ Վերցված է 13 August 2015 
  2. 2,0 2,1 Mosher Max (July 25, 2013)։ «Creative Process: Shauna McCabe»։ Toronto Standard։ Վերցված է 13 August 2015 
  3. Yelaja Prithi (April 24, 2007)։ «Textile show stitches art to history»։ Toronto Star։ Վերցված է 13 August 2015 
  4. Piercey Marc, Fabregui Richard։ «Textile Museum - Canada»։ Toronto is Fashion։ Վերցված է 13 August 2015 
  5. «Textile Museum of Canada»։ torontoartscouncil.org/։ Toronto Arts Council։ Վերցված է 13 August 2015 
  6. «Textile Museum of Canada - H.N. Pullar Library»։ LibraryThing։ Վերցված է 13 August 2015 
  7. «Library»։ Textile Museum of Canada։ Վերցված է 13 August 2015 
  8. «Awards : 2003 Winners»։ oaag.org։ Ontario Association of Art Gallaries։ Վերցված է 13 August 2015 
  9. 9,0 9,1 9,2 «Awards : 2006 Winners»։ oaag.org։ Ontario Association of Art Gallaries։ Վերցված է 13 August 2015 

Արտաքին հղումներ[խմբագրել | խմբագրել կոդը]