Կանադայի վերաբնակիչները
| Կանադայի վերաբնակիչները անգլ.՝ The Settlers in Canada | |
|---|---|
 | |
| Տեսակ | գրական ստեղծագործություն |
| Ձև | վեպ |
| Հեղինակ | Ֆրեդերիկ Մարիետ |
| Երկիր | .svg){kind=small} Միացյալ Թագավորություն |
| Բնագիր լեզու | անգլերեն |
| Գրվել է | 1844 |
| Հրատարակվել է | 1844 |
«Կանադայի վերաբնակիչները» (անգլ.՝ The Settlers in Canada), մանկական արկածային վեպ, անգլիացի ծովագնաց և գրող Ֆրեդերիկ Մարիետի 21-րդ գիրքը[1], որն առաջին անգամ հրատարակվել է 1844 թվականին։ Ստեղծագործության իրադարձությունները ծավալվում են Վերին Կանադայում 1790-ական թվականներին և ներկայացնում են ներգաղթյալների ընտանիքի արկածները Օնտարիո լճի մոտ, նրանց դիմակայությունը բնության և բնիկ ժողովրդի դեմ։
Սյուժե[խմբագրել | խմբագրել կոդը]
Անգլիայում Քեմփբելլների ընտանիքը ժառանգում է տոհմական կալվածք։ Մեծ որդին ընդունվում է քոլեջ, իսկ երկրորդը մեկնում է ծառայության նավատորմում։ Մի օր հայտնվում է ժառանգության ուրիշ հավակնորդ, որն ապացուցում է իր իրավունքները դրա նկատմամբ։ Քեմփբելլները ստիպված են լինում նահանջել։
Միստր Քեմփբելլը վաճառում է բիզնեսը կալվածքի հարցերը լուծելու համար, և դրանից հետո մնացած փողը բավարար է միայն Կանադա արտագաղթելու և Օնտարիոյի լճի մոտ բնակություն հաստատելու համար։ Խնդիրը համախմբում է ընտանիքի անդամներին, որոնք աշխատում են իրենց ֆերմայի զարգացման համար՝ պայքարելով վատ եղանակի, թշնամաբար տրամադրված հնդկացիների և անտառային հրդեհների դեմ։ Նրանց օգնում է էքսցենտրիկ, բայց պատրաստակամ որսորդ Մալաքի Բոունը, և նրանք ողջունում են նոր ներգաղթյալներին իրենց ֆերմայում։
Ի վերջո, գալիս է մի նամակ ազգականի՝ կալվածքի սեփականատիրոջ մահվան վերաբերյալ։ Կալվածքը նորից անցնում է Քեմփբելլների տնօրինության տակ, միստր և միսիս Քեմփբելլները վերադառնում են Անգլիա, իսկ նրանց երեխաներից յուրաքանչյուրը գնում է իր ուղով[2]։
Ստեղծում և հրատարակում[խմբագրել | խմբագրել կոդը]
Մարիետն այս վեպը գրել է նախորդ ստեղծագործության՝ «Մեծ օվկիանոսի» խորտակումը վեպի հաջողությունից հետո[3]։ Հեղինակը այցելել է Կանադա 1837 թվականին[4] և ձեռք բերել մի քանի հարյուր ակր հող Մեծ լճերի մոտ, որտեղ ծավալվում են նրա վեպի հիմնական իրադարձությունները[2]:.
Վեպի թեմատիկան մոտ է Ջեյմս Ֆենիմոր Կուպերի ստեղծագործություններին[2] և արկածները համատեղում է գաղութային հովվերգության հետ։ Առաջին վերաբնակիչների հոգսերն և բնիկների դեմ պայքարի դժվարությունները Քեմփբելլներին դարձնում են հաջողակ ներգաղթյալներ, որոնք մասամբ ընդունում են բնիկների հմտությունները[5]։
Վեպում (8 գլուխ) առաջին անգամ օգտագործվում է «paddle your own canoe» արտահայտությունը (բառացի՝ «թիավարեք ձեր մակույկը», որ նշանակում է «հույս դիր միայն ինքդ քեզ վրա»)[6]։
Ծանոթագրություններ[խմբագրել | խմբագրել կոդը]
- ↑ Hannay, David Life of Frederick Marryat. — READ Books, 2008. — С. 171. — ISBN 978-1-4086-8416-0
- ↑ 2,0 2,1 2,2 Butts, Dennis The birth of the boys' story and the transition from the robinsonnades to the adventure story // Revue de littérature comparée. — 2002. — № 4 (304). — С. 445–454.
- ↑ Butts, Dennis Shaping boyhood: British Empire builders and adventurers / Hunt, Peter (ed.). — International Companion Encyclopedia of Children's Literature. — Routledge, 2004. — С. 341. — ISBN 0203168127
- ↑ Kirkpatrick, D. L. Twentieth-century children's writers. — St. James Press, 1983. — С. 879. — ISBN 978-0-912289-45-8
- ↑ Brantlinger, Patrick Rule of Darkness: British Literature and Imperialism. — Cornell University Press, 1990. — С. 109–110. — ISBN 0801497671
- ↑ Swenson, Jeffrey Charles Canoe Passages: Cross-cultural Conveyance in United States and Canadian literature. — University of Iowa, 2007. — С. 231. — ISBN 054923389X
|
