Նավատորմ

Վիքիպեդիայից՝ ազատ հանրագիտարանից
Jump to navigation Jump to search
Նավատորմ

Նավատորմ, որոշակի նշանակության (տրանսպորտային նավատորմ, արդյունագործական նավատորմ, ռազմածովային նավատորմ), տեսակի (առագաստանավային նավատորմ, թիանավային նավատորմ, դիզելային նավատորմ) կամ տեղաբաշխման շրջանի (խաղաղօվկիանոսյան նավատորմ) նավերի համախումբ։

Ռազմածովային նավատորմ[խմբագրել | խմբագրել կոդը]

Ռազմածովային նավատորմ նախատեսված է ռազմական գործողություններ կատարելու համար։ Կարևորագույն խնդիրներն են․ վերերկրյա օբյեկտների կործանում, բազաներում և ծովում հակառակորդի տորմիղի ուժերի ոչնչացում, ծովային դեսանտների տեղափոխում և ափհանում, հակառակորդի օվկիանոսային և ծովային հաղորդակցության ուղիների խափանում, ափի պաշտպանություն՝ ծովային ներխուժումից, սեփական հաղորդակցության ուղիների պաշտպանություն, մերձծովային ուղղություններում ցամաքային զորքերի հետ կրակային համագործակցում։ Կազմված է տարբեր տեսակի ուժերի միավորումներից, սուզանավերից․ վերջրյա նավերից, ծովային ավիացիայից, ծովային հետևակից, հրթիռահրետանային առափնյա զորքերից։ Նավատորմ գլխավորում է հրամանատարը ԱՄՆ-ի ռազմածովային ուժերում (ՌԾՌԻ)՝ գլխավոր հրամանատարը], հրամանատարության կազմի մեշ մտնում են շտաբը և կառավարման օրգանները, ինչպես նաև տարբեր ծառայություններ (թիկունքի, կապի, սպառազինման, նավանորոգման և այլն)։

Ոչ մեծ երկրներն ունեն մեկ ռազմածովային նավատորմ, որ կոչվում է այդ երկրի ՌԾՈԻ։ Խոշոր պետությունները (օրինակ, ԽՍՀՄ, ԱՄՆ) ունեն մի քանի ռազմածովային նավատորմեր, որոնք մտնում են ՌԾՈԻ կազմի մեջ։ Տես նաև Հյուսիսային նավատորմ, Խաղաղօվկիանոսյան նավատորմ, Սեծովյան նավատորմ, Բալթիական նավատորմ, ինչպես նաև Ամերիկայի Միացյալ Նահանգներ հոդվածի Զինված ուժեր բաժինը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 191 CC-BY-SA-icon-80x15.png