Կաղապար:Օրվա հոդված/Սեպտեմբերի 5, 2012 թ.
Ժյուլ Գաբրիել Վեռն (ֆր.՝ Jules Gabriel Verne; 1828թ. փետրվարի 8, Նանտ, Ֆրանսիա — 1905թ. մարտի 24, Ամիեն), ֆրանսիացի աշխարհագրագետ և գրող, արկածային գրականության դասական, գիտա-ֆանտաստիկ գրականության՝ որպես ժանրի հիմնադրներից մեկը: Ֆրանսիական աշխարհագրական ընկերության անդամ: Նրա բազմաթիվ ստեղծագործություններից շատերը թարգմանվել են տարբեր լեզուներով, այդ թվում նաև հայերեն:
Հայրը` փաստաբան Պիեռ Վեռնը (1798—1871) սերում էր փաստաբանների ընտանիքից: Մայրը` Սոֆի Ալլոտ դե լա Ֆյուին (1801—1887) բրիտանուհի է շոտլանդական ծագումով: Ժյուլ Վեռնը հինգ երեխաներից ամենսավագն էր: Նրանից հետո ծնվել են` եղբայր Պոլը (1829) և երեք քույրերը` Աննան (1836), Մատիլդան (1839) և Մարին (1842):
Ժյուլ Վեռնի կնոջ անունը Օնորինա դը Վիան էր (օրիորդական ազգանունը` Մորել): Օնորինան այրի էր և երկու երեխա ուներ առաջին ամուսնությունից: շարունակել...