Կալանսուա
| Բնակավայր | |||
|---|---|---|---|
| Կալանսուա | |||
| |||
 | |||
| Երկիր |  Իսրայել | ||
| Համայնք | Կենտրոնական մարզ[1] | ||
| Մակերես | 8,417 կմ² | ||
| ԲԾՄ | 37 մետր | ||
| Բնակչություն | 21 451 մարդ (2015) | ||
| Ժամային գոտի | UTC+2 | ||
| Պաշտոնական կայք | qalanmun.com | ||
| |||
Կալանսուա (արաբ․՝ قلنسوة, եբրայերեն՝ קלנסווה), քաղաք (2000 թվականից) Իսրայելիի Կենտրոնական մարզում։ Բնակչությունը՝ 21 451 մարդ (2015)։
Պատմություն
[խմբագրել | խմբագրել կոդը]Հին Կալանսուան գոյություն է ունեցել արդեն Սուրբ հողում խաչակիրների հայտնվելու ժամանակ և եղել է Կահիրե-Դամասկոս մեծուղու երկայնքով տեղակայված բնակավայրերի շարքում[2]։ Ժամանակագրություններում արձանագրվել է Կալանսուա ամրոցի փոխանցումը հիվանդախնամների միաբանությանը, որ 1128 թվականին կատարել է ասպետ Գոդֆրուա դը Ֆլյուժակը։ Հավանաբար հիվանդախնամներն ամրոցի վերահսկողությունը իրենց ձեռքում պահել են մինչև 1265 թվականն ընկած ժամանակահատվածի մեծ մասում (բացառությամբ 1887-1891 թվականների), երբ այն գրավել է մամլուք սուլթան Բեյբարս I-ը։ Խաչակիրների ամրոցի ավերակները պահպանվել են մինչև այժմ[3]։
1870-ական թվականներին գյուղի բնակչությունը կազմել է շուրջ 500 մարդ[4]։ 1882 թվականին Կալանսուան, որտեղ գերակշռում էին ամրոցի շուրջը կառուցված սամանից տները, եղել է կայմակների բնակավայր[5]։
Մինչ 1945 թվականը Կալանսուայի բնակչության թվաքանակը գերազանցել է 1500-ը, շրջակա հողերում աճեցվել են հիմնականում հացազգիներ, ինչպես նաև ցիտրուսներ, բանան ու այլ մրգատու ծառեր[6]։ 1948-1949 թվականների արաբա-իսրայելական պատերազմից հետո Կալանսուան, համաձայն Իսրայելի և Հորդանանի միջև կնքված զինադադարի պայմանների, հայտնվել է Իսրայելի տարածքում[7]։ 2000 թվականին Կալանսուան ստացել է քաղաքի կարգավիճակ։
Բնակչություն և կառավարում
[խմբագրել | խմբագրել կոդը]Իսրայելի կենտրոնական վիճակագրական բյուրոյի տվյալներով՝ քաղաքի բնակչությունը 2018 թվականի սկզբին կազմել է 22 370 մարդ։ Բնակչությունը գրեթե ամբողջապես կազմված է արաբներից ու մուսուլմաններից։ Բնակչության թվաքանակն աճում է տարեկան 2,6 %-ով։ Բնակչության շուրջ 45 %-ը կազմում են մինչև 17 տարեկան երեխաները, իսկ 65 և ավելի տարեկանները կազմում են միայն 3,3 %[8]։
Քաղաքում գործում է 10 դպրոց, որոնցում ընդհանուր առմամբ կա 185 դասարան, որոնցից յուրաքանչյուրում սովորում է միջինը 30 աշակերտ։ 2012 թվականին դպրոդն ավարտածների 42,6 %-ը կրթության շրագիրը կատարել են ավարտական վկայական ստանալու մակարդակով, 27,4 %-ը՝ համալսարան ընդունվելու համար անհրաժեշտ մակարդակով[8]։
Քաղաքային խորհրդում ընտրվում է 12 պատգամավոր[8]։ Քաղաքապետն ընտրվում է քվեարկությամբ սկսած 1978 թվականից։ 2011 թվականին կաշառակերության և հանցագործ պայմանավորվածության մեղադրանքով ձերբակալվել է Կալանսուայի գործող քաղաքապետ Մահմուդ Հաջիջան[9]։ Նրա գործով դատավարությունն ավարտվել է նրա ու նրա խորհրդական Յուսուֆ Մերիի դեմ մեղադրական դատավճռով[10]։
Տնտեսություն
[խմբագրել | խմբագրել կոդը]Քաղաքի շուրջ 6000 բնակիչներ վարձու աշխատողներ են, որոնց 46,5 %-ը վաստակում է նվազագույն աշխատավարձից էլ քիչ գումար։ Քաղաքի 617 բանկիչներ անհատ ձեռներեցներ են։ 2011 թվականի տվյալներով՝ քաղաքում միջին աշխատավարձը կազմել է 5385 շեկել (տղամարդկանցը՝ միջինը 6264 շեկել, կանանցը՝ 3797), իսկ անհատ ձեռներեցի ամսական միջին եկամուտը կազմել է 5500 շեկել[8]։
2011 թվականին քաղաքային բյուջեի եկամուտը կազմել է 63 486 շեկել, ծախսերը՝ 64 111 շեկել։ Քաղաքային խորհրդի ընդհանուր պարտքը կազմել է 28,5 հազար շեկել[8]։
Ծանոթագրություններ
[խմբագրել | խմբագրել կոդը]- ↑ GEOnet Names Server — 2018.
- ↑ Richard Hartmann. Die Straße von Damaskus nach Kairo // Zeitschrift der Deutschen Morgenländischen Gesellschaft. — 1910. — Bd. 44. — S. 675-676.
- ↑ Denys Pringle. Qalansuwa // Secular Buildings in the Crusader Kingdom of Jerusalem: An Archaeological Gazetteer. — Cambridge University Press, 1997. — P. 77-78. — ISBN 0-521-46010-7.
- ↑ V. Guérin. Kalansaoueh // Description géographique, historique et archéologique de la Palestine, Tome II. — Paris : L'Imprimerie Nationale, 1875. — P. 350-352.
- ↑ Conder, C. R., and Kitchener, H. H. Kulunsaweh // The survey of western Palestine: memoirs of the topography, orography, hydrography, and archaeology. — London, 1883. — Vol. II. — P. 165.
- ↑ Sami Hadawi. Village Statistics of 1945: A Classification of Land and Area ownership in Palestine. — Beirut, 1970. — P. 76, 127.
- ↑ Benny Morris. 1948: A History of the First Arab-Israeli War. — Yale University Press, 2008. — P. 272. — ISBN 978-0-300-12696-9.
- ↑ 8,0 8,1 8,2 8,3 8,4 Քաղաքի էջը Իսրայելի կենտրոնական վիճակագրական բյուրոյի կայքում(եբրայերեն)
- ↑ «Полиция арестовала чиновников муниципалитета Калансуа по подозрению во взяточничестве». NEWSru.co.il. 19 июня 2011. Վերցված է 2015 թ․ օգոստոսի 18-ին.
- ↑ «Мэр арабского города осужден за вымогательство». Cursorinfo.co.il. 18 июня 2015. Արխիվացված է օրիգինալից 2015 թ․ օգոստոսի 21-ին. Վերցված է 2015 թ․ օգոստոսի 18-ին.
 | Վիքիպահեստն ունի նյութեր, որոնք վերաբերում են «Կալանսուա» հոդվածին։ |
|
