Խաչենիկ Անեցի (ծննդյան և մահվան թթ. անհայտ), XIII դարի հայ ճարտարապետ։ Կառուցել է ԱրցախիՎարանդա գավառի Հացի գյուղի (այժմ՝ Արցախի-ի Մարտունու շրջանում) մոտ գտնվող «Բռի եղցի» հուշարձանախմբի եկեղեցիներից մեկը և կերտել որմնափակ խաչքար։ Եկեղեցին միանավ է, թաղածածկ՝ կառուցված սպիտակավուն կրաքարի անտաշ սալերից։ Միակ՝ արևմտյան դուռն ունի քանդակազարդ շքամուտք։ Ճարտարապետի անունը հիշատակող արձանագրությունները գտնվում են եկեղեցու մուտքի վերևում և որմնափակ խաչքարի հյուսիսային կողին։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 26)։
